Valoma 12:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ kwali shakwing'a ntima shii, mukwing'a ntima shii, kwali shakujaula, kwantima, kwali shakulangalalela, kwaidukuduku, kwali shakulodya shididi, kwalipuwilo.

Valoma 12:8 Խաչաձեւ Հղումներ

II Vakolintu 9:7

Kula munu aumye amulá mwamulidile muntima mwake i kwashipalodi kwali kwakumuungila mwaa Nnungu ankunnagwaledya nkúmya walipuwilo.

I Timoti 5:17

Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

I Vakolintu 12:28

Ivédoni, muliganisha Nnungu andivavika shitandi vamyombe, shambili vakulava, shantatu vamwalimu kwatika vatandédya vyamakango, vavénavo vyajo vyakuponia, vyakupwashela, vyakulangalalela na vyadinangodi dyakuvilingananga.

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Vitendo 15:32

kutwala Yudashi namu Shilashi vo vene vàvele vakulava momo, vandítangola namene vavapa ntima shii na vavanonowanga vanung'unumunu.

Vitendo 13:15

Vakainuke kushomya Lilamulo na Vakulava, vananangalaledi vashitala shakulipudidya vandítuma vavajugwe doni, “Mmanung'unumunu, likapagwa lilove lyakuvanonowanga venentete, tangola.”

Vabalaniya 13:24

Vape nandele vananangalaledi venu uti pamo na vakwilimyanga uti; va ku Italiya, vanavo vankuntumidya nandele.

Vabalaniya 13:22

Mmanung'unumunu, ninkunjugwangila mulipililile malove angu aninnaililila; kwakutangola mwiu avilá vyanimwandikidile vyo, vive padyoko.

Vabalaniya 13:7

Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

Vabalaniya 10:25

Hatunaleke kukadyanianga kulingana kenga mwavatandela vanji kanji indituvaikila twing'ane ntima shii, kupunda namene po pamwona kuvandika Liduva apa.

II Vakolintu 8:12

Mwaa ikapagwa dukuduku, nshango unkukubaligwa kwodananavo ashilá shavenavo munu i shakavenavo.

I Vakolintu 14:3

Napane aijá álava, atangola na vanu kwamwaa wakuvadenga, kuvapa ntima shii na kuvapambadyanga.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 20:2

Shilambo asho nae andípita awanawananga avananonowanga vakwoda kutwala kuwika ku Galashiya.

I Timoti 4:13

Mpaka pangulota kwida, angaikangila kushomya Maandiko paumbala, kulaililila na kupundisha.

I Vateshalonika 2:8

amu ni mwatunnagwaladyedya mwenu wetu mpaka kututadya tuve tayali kumajananga i gweka ntenga wambone wa Nnungu kanji ungumi wetu momo pakuva mwenu mwiu mundyuka ndava mmakunagwaleka vetu.

I Vateshalonika 2:3

Doni, kujugwangila kwetu hakunaalakela shinu mukushang'apa kwali muushapu kwali muujanja

Vakoloshu 3:22

Mmatumwa, nkati muvinu uti vaigwilile vanang'olo venu vamushilambo shapai, i mwaneke pakulota ivanagwele vanu kanji na ntima shii munjopa Umu.

Vaepeshu 6:5

Mmatumwa, vaigwilile vanang'olo venu vamushilambo mujopa na mutatamela kwantima shii kenga pakavele Klistu,

II Vakolintu 11:3

Kanji shangujopa ni ashi, kenga mo mwanduwangidídye nyoka Eva kwaujanja wake, ding'anong'ano dyenu inkuululika kumwashadyanga mukulipudya kwiu na kúkave ushapu kumwe Klistu.

II Vakolintu 9:13

Kwaindila yakulilodya ngala utumika au, vanavo vandamupa lishangelo Nnungu kwamwaa wakwigwilila kwenu kwalakéla mukulyaula kwenu nkati muntenga wambone umwe Klistu na kwamwaa wakujaulanga kwenu munshango kwavanavo na kwavanu uti.

II Vakolintu 9:11

Mwenu mundatajilika mudinamuna uti mpaka mwinjile mukujaulanga, ko kutadya kwaindila yetu wetu lilambwalalelo lipagwe kumwe Nnungu.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

Valoma 13:6

Ni ashi shitádya mwenu momo mulipe ukodi mwaa vamadalaka ni vatumika vake Nnungu pakulota vaangaikangile ngwengwe shimadengo ashi.

Valoma 12:13

Kwa avilá vivóva vakwilimyanga, shangila. Kuvapwashalela vajeni, lambela.

Mateu 25:40

Umu kutwa kushidoni, ‘Ninkumwaulila mwiu doni, kula shinu shamuntandalele ndikidiki-uti pakati pavanung'uvangu ava, mungutandalelé nangu.’

Vitendo 13:12

Bai gavana washitingi pagwene davo, andíshanga mapundisho ammalanganga Umu kutwala kukulupila.

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

Vitendo 11:23

Balinaba akawike kwanavo akone umonyo wa Nnungu pakati pave andípuwanga namene na ashindavanonowanga vanu uti pakulota vavenavo ntima wakukulupilika na kuvalaililila havanamwambukange Umu

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.