Vaepeshu 3:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Klistu aname mmitima vyenu kwaindila yalikulupililo kwambangidya mwenu, mulinatela na muliikiniya mulinagwaledyo,

Vaepeshu 3:17 Խաչաձեւ Հղումներ

Mateu 13:6

Palikamadile liduva, milandi vyo kujuminneu mwaa dinyija hadilitavalakadíle.

Lukashi 6:48

Munu ajo avelé mwamunu ádangile ing'ande yake; andimba mapondo akukadaleka mpaka kundonda mulijanga kutwala kudenga. Livambwe likaide, medi kukanyola ing'ande yo kanji ing'ande yo, kulamana na kuting'ina mwaa wakudenga shana.

Nshuwau 14:17

aijá Imumu Waumwiu. Nae shilambo hashuulula kumpwashalela mwaa hashinamwona shinu na hashinammanya shinu. Mwenu munimmanya mwaa ankunama namu mwenu na andapagwa nkati mwenu.

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

Nshuwau 17:23

nangu ngupagwe nkati mwave, wako upagwe nkati mwangu; vadyavalele muupamo kwambangidya shilambo shimanye doni, wako uningutumidya na unkuvanagwaledya kenga mo mwaungunagwaladyedya nangu.

Nshuwau 6:56

Aijá ámamena mili wangu na kukumbila myadi vyangu, ajo ankunama nkati mwangu na nangu kunama nkati mwake.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

I Vakolintu 3:6

Nangu ndipanda, Apolu kutayangila medi kanji Nnungu ni átadidye vikulumuke.

I Vakolintu 8:1

Napanelo kwaing'ano yavyakulya vyavavaumidya vannungu vakushang'apa, tunkumanya mwamutangalela mwenu kenga, “Wetu uti tunkuvanavo limanyilo.” Limanyilo ali kanji linkuntadya munu alyone ila linagwaledyo linkudenga.

II Vakolintu 13:5

Lilalyange mwemwe mmene pakulota mumanye ikava kenga munkupagwa mulikulupililo. Litende nningo mwemwe mmene. Kwali hamunalimanya shinu kenga Klistu Yesu ankupagwa nkati mwenu? Kwali ikava kenga nningo wo, hamukawidye.

II Vakolintu 6:16

Da lipagwité lyunganilo shani pakati paing'ande ya Nnungu na vannungu vakushang'apa? Mwaa wetu ni ing'ande ya Nnungu mumi. Kenga mwatangalela Nnungu, “Ndatenga lyutu kwavanavo ndawena pakati pave, nangu ndava Nnungu wave, vanavo vandava venentete vangu.”

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 2:7

muvanavo dinyija na mùdangegwe nkati mwake, munanawangika mulikulupililo kenga mo mwavampundishididye na mùumbaligwidye kulambwalela.

I Nshuwau 4:16

Wetu tundimanya na tunkukulupila linagwaledyo ali lyavenavo Nnungu kwetu wetu. Nae ni linagwaledyo na aijá ápagwa mulinagwaledyo alyo, ankupagwa nkati mwa Nnungu na Nnungu kupagwa nkati mwake nae.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

Maono 3:20

Lola, ndiimila pannango ninkundandonda lwidi. Ikava kenga munu anaigwa lidi lyangu na kushimula, mwiu nangu ndainjila nng'ande mwake na ndalyanavo pamo.