Vabalaniya 13:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

Vabalaniya 13:7 Խաչաձեւ Հղումներ

Mateu 24:45

“Da ntumika shani wakukulupilika na wading'ano wammikile nang'olo wake kuva nanangalaledi wapaing'ande pake na kuvapa shakulya muwakati uvaikidíle?

Lukashi 12:42

Umu kushidoni, “Da wakwashi wavankamudidye wakukulupilika na wading'ano wammikile nang'olo wake kuva nanangalaledi wapaing'ande pake wakuvapa vamadengomwagwe shakulya muwakati uvaikidíle?

Lukashi 5:1

Muliduva limo Yesu àvele nanyenje litanda lya Geneshaleti, imbumba yavanu inshinya ilota kwigwa ntenga wa Nnungu,

Lukashi 8:11

“Napanelo mana ankong'o au ni ala: imbeju yo ni lilove lya Nnungu;

Vitendo 13:46

Ata ikave davo Paulu namu Balinaba vandítangola pavakajugulanga shinu vaashidoni, “Indívaikila shitandi tuvalangange lilove lya Nnungu kwenu mwenu kanji kwodamwaa munkwita na munkulyapula mushingumi shíkamalilika, bai wetu mwanda au kwavamidi.

Vitendo 14:23

Namomo mumaganisha uti avashipita, vashindavatandola vanang'olo; ling'oto lyakushwali na kunga vashindavavika vakwoda uti mmakono mwake Umu wavankulupidile.

Vitendo 4:31

Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

Valoma 10:17

Nadoni likulupililo linkwaloka mukwigwa na kwigwa kunkwalakela kwaindila yalilove lyake Klistu.

I Vakolintu 10:13

Hapali malingo amuvauvanga mwenu pakava akawaida mushinamidyo shavanu. Nnungu ni wakukulupilika, nae hanneka mwenu mutubigwa kupunda shilinga shenu kanji pamo na kutubigwa, nae andamupa mwenu mwashi mwakushumbila pakulota muulule kulipililila.

I Vakolintu 11:1

Ngujedya nangu kenga nangu mwaninjadyedya Klistu.

I Vakolintu 4:16

Napavedoni ninkunnaililila pakulota muve mmakujedya vangu.

Vapilipo 3:17

Mmanung'unumunu, ungana mutwale mungujedye na muvalole avalá vanáma kwakulinganana na mpano wamuvenavo mwenu kwetu wetu.

I Vateshalonika 1:6

Mwenu mundilitenda kuva mmakujedya vetu na vamwe Umu pamupwashaladile lilove nkati mumauvilo oe kwalipuwilo lya Imumu Wanashwe.

I Vateshalonika 2:13

Tunkunnambwalela Nnungu momo kwabila kudoba kwamwaa au: pamupwashaladile lilove lya Nnungu kwaupande wetu, mundipwashalela i kenga lilove lyavanu kanji kenga mwalivalalele mwiu lilove lya Nnungu likóla madengo nkati mwenu mmakukulupila.

II Vateshalonika 3:7

Mwenu mmene mundimanya mwashi muvaikidíle mutujadyedye mwaa patupagwíte namu mwenu, hatuvéle tuvawondo

II Vateshalonika 3:9

I do, hatuvenavo aki ayo kanji pakulota tulyumye wewe tuvene kenga mpano wakujedya mwenu.

I Timoti 3:5

Mwaa munu akanaulula kulangalalela ing'ande yake, alota kushunga dashi liganisha lyake Nnungu?

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Vabalaniya 13:24

Vape nandele vananangalaledi venu uti pamo na vakwilimyanga uti; va ku Italiya, vanavo vankuntumidya nandele.

Vabalaniya 6:12

kwambangidya hamunave mmawondo kanji vajedye avalá kwaindila yalikulupililo na kulipililila vandipata maleko akulivikila.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.

Maono 6:9

Napane Ngandolo panamatwile ishelu yamwanu, mwina mwake alutali ndyóna ungumi wavanu vabyaígwe kwamwaa walilove lya Nnungu na kwamwaa wakumya ushuda.