Vabalaniya 13:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Shitamo shindivaikila shishimike na vanu uti, aki yake itandeke kwaungave-udagwa mwaa Nnungu andavaukumu avalá vakulauka na vakulavalava.

Vabalaniya 13:4 Խաչաձեւ Հղումներ

I Vakolintu 5:13

Nnungu ni álota kuvaukumu avalá vavéle panda. “Mmingange nkalau pakati penu.”

I Vakolintu 6:18

Tukuta vitendo vyakulauka. Madambi anji uti átega munu, ankutega panda mili wake kanji aijá átenda vyakulauka ankutega mo mumili wake jo mwene.

I Vakolintu 6:9

Kwali, da mwenu hamunamanya shinu kenga avalá vaungave-ishaliya havapata maleko autawala wa Nnungu? Hamunaduwangike, ata vaténda vyawendi, ata valipúdya kwavakushang'apa, ata vakulavalava, ata valume valalígwa na valumemwave, ata valume vavalála valumemwave,

I Vakolintu 7:38

Napavedoni, aijá ánnomba mwali wake ankutenda shana napane aijá ákalomba ankutenda shinu shambone namene-uti.

I Vakolintu 9:5

Hatuvenavo aki yakutupalakela ndyamunu nkwóda kenga mwavatandela vamyombe vanji, vanung'unumunu vamwe Umu pamo namu Kepashi?

II Vakolintu 5:10

Mwaa wetu uti indituvaikila twimile palibengi lyaukumu lyake Klistu pakulota kula munu apate kulingana na shimadengo ashilá shatandile mumili, kwali shambone kwali shakunyata.

Vagalata 5:19

Napanelo vitendo vyashimunumunu vinkuva ngala; kulavalava, ushapu, njeje,

Vagalata 5:21

ing'ou, kwambalwa, kululuka na vinji vilinganána na avyo. Ninkumwaulila kala davo kenga mwanimwaulidile kunantandi doni, vaténda vinu avyo, mwiko havapata maleko autawala wa Nnungu.

Vaepeshu 5:5

Mwaa mumanya ngala doni, nkúlauka, nshapu kwali walung'unuku, jo wakulipudya vyakushang'apa, aju have maleko muutawala umwe Klistu namu Nnungu.

I Vateshalonika 4:6

Kwaing'ano ai, hanapagwe wakunkwinyanga kwali wakunshonda nung'unumunu mwaa kwavinu vyovyo avi, Umu ni nkúlipilila kenga mo mwatumwaulidile kaladavo na mwatuumididye ushuda ngala.

I Timoti 3:12

Madiyakonu kula munu ave nnume wankongwe jumo, vavalangalalela shana vanavave pamo na ding'ande dyave vo vene.

I Timoti 3:2

Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

I Timoti 3:4

Ave munu álangalalela shana ing'ande yake jo mwene àvenavo vana valivíka mwina mwake kwaishima uti.

I Timoti 4:3

Vanavo vankuleya kulomba na kukanyalidya kuleka vyakulya vyakandyenge Nnungu vipwashalalegwe kwalilambwalalelo kwavakukulupila na kwa avalá vamanyíte umwiu.

I Timoti 5:14

Nadoni nangu ninkulota doni, vanamwili vali valombwe, vavenavo vanavave, vapange shana ding'ande dyave pakulota havanamupe litala mmongo lyakututangola kunyata.

Titu 1:6

Inimmaikila nang'olo ave munu ákave likosha, nnume wankongwe jumo avénavo vana vakukulupila kwabila kwanakananga likosha lyakulauka na ata lyakuvangedya.

Vabalaniya 12:16

hanapagwe munu pakati penu wakulauka kwali wadyeluelu álinganana kenga Ishau áshulushidye shinang'olo shake shakuva nae mwana ntandi kwandamu umo washakulya.

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.