Vabalaniya 12:3 - Ibibiliya mu Shimakonde Imbodi Yaambi na dimbande dya Imbodi Yakala

³ Mmikile namene kuntima aijá álipililidile kupingigwa kukumene kwavakutega kwamwaa wake jo mwene pakulota mwenu hamunadobe na ata hamunapungukigwe dimongo.

Vabalaniya 12:3 Խաչաձեւ Հղումներ

Mateu 11:19

Andida Mwana Wamunu alya na akumbila, mwenu muushidoni, ‘Nnole munu wakululuka na lilevi, njave vakukatisha-ukodi na vakutega.’ Kanji napane limanyilo lyake Nnungu linkulilodya kuva lyashaliya nkati muvitendo vyake.”

Mateu 12:24

Kanji mapalishayo pavaigwite davo kushidoni, “Munu aju mwakumulangila majini ni kwaindila imwe Beelishebuli nang'olo wave majini.”

Mateu 15:2

“Mwaa shani vakwoda vako havanaodedya shinu yadi yavatulakalele vanyakala vetu? Mwaa vanavo pavalya, havananavanga shinu medi mmakono.”

Mateu 21:23

Yesu akainjila mwing'ande ya Nnungu. Napanelo nae apundisha, kumwidila vanang'olo vavakulangalalela-shadaka pamo na vanang'olo vavenentete ndamudya, “Vinu avi utenda kwamadalaka shani na madalaka ene lo akupelé nyani?”

Mateu 21:46

Vanavo vashindalambela dindila dyakumuungila kanji vashindavajopa venentete mwaa vanavo vashindamwamini nae kuva nkúlava.

Mateu 22:15

Napanelo mapalishayo vakaumananga apo kutwala kwikala nguguvale wakunteja ntego vampate mu lo malove ake.

Lukashi 14:1

Napanelo muliduva limo lyakupumula, Yesu akauke kwing'ande yanang'olo wamapalishayo ndalya shakulya, vanavo vashinannaledya pepi-pepi.

Lukashi 15:2

Kanji mapalishayo pamo namu vamwalimu vadishaliya kuntangadikanga vaashidoni, “Kumanya dashi, munu aju kuvapwashalela vakutega na kulyanavo!”

Lukashi 16:14

Bai mapalishayo vanu vakunagwaledya njuluku pavaigwite malove ala, vandímwiludyanga.

Lukashi 2:34

Bai Shimiyau andívaalaliya na kumwaulila jujumunu Maliya kushidoni, “Mwana aju alota kuva shambyombyo shakuvatadya vanaishilaeli vanji vagwe, vanji vatakatuke; alota kuva shimanyikilo shilóta kunyatilika na vanu.

Lukashi 5:21

Napanelo vamwalimu vadishaliya pamo na mapalishayo vandyánjanga kuudyania shivenevene vaashidoni, “Aju avelé kenga nyani, átangola malove akukupulu aju? Tukanneka Nnungu, nyani junji áulula kulivaliva madambi amunu?”

Nshuwau 10:20

Voe pakati pave vashishidoni, “Munu aju animwinjila majini; jojo aju, ankudulumbuka. Napane mwaa shani munkumwigwilila?”

Nshuwau 18:22

Akajang'ule davo, nkúshunga jumo e ammandíke, anínkanyola lilatuma aashidoni, “Wako unjang'ula davo nkúlangalalela nkumene?”

Nshuwau 5:16

Napavedoni vayuda vandítunduvanga kumpapata Yesu mwaa ashindatenda vinu avyo muliduva lyakupumula.

Nshuwau 7:12

Pakati paimbumba yavanu andípagwa manyinyi oe. Vanji vashishidoni, “Munu aju, wambone.” Vanji do, “Ata padyoko, aju ankuvaashadyanga venentete.”

Nshuwau 8:13

Mapalishayo kutwa kushidoni, “Wako unkumya ushuda ulivalanganga gwegwe umwene; ushuda wako haunava wiu.”

Nshuwau 8:52

Vayuda kutwala kushidoni, “Napanelo tundikwanalela kenga mwiu unkuvanavo majini. Abulaamu tu andipela na vakulava momo vandipalanga. Napanelo wako utangola kenga álota kwigwilila lilove lyangu, kupela ko mwiko, halinga ngwengwe!

Nshuwau 8:59

Napavedoni vayuda vandílakatanga majanga pakulota vamwamange, Yesu kanji kutivaniva kutwala kuma mwing'ande ya Nnungu.

Nshuwau 9:40

Napanelo mapalishayo vanji vapagwíte pepi namu pavéle Yesu vakaigwe malove alo vandímudya, “Da wetu po momo tundiputala?”

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

II Vakolintu 4:1

Napavedoni, pakuva tunkuvanavo utumika au watupatile kwashididi shake, havinatudidima mitima.

II Vakolintu 4:16

Napavedoni havinatudidima mitima. Ata ikava kenga umunu wetu wapanda unkunda kanji umunu wetu wankati unkutandegwa waambi kula liduva.

Vagalata 6:9

Hatunadobe kutenda wambone mwaa tukanadabadabangila, pauwika wakati wake po, tundapuna.

II Vateshalonika 3:13

Kwaupande wenu mwenu mmanung'unumunu hamunadobe kutandedya wambone.

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 12:5

Da mwenu mundilivaliva akulá kulaililila kwantanana mwenu kenga mmanavake? “Mwanangu, haunailudyange kuduma kumwe Umu na ata haunapungukigwe dimongo muwakati wakushashulanga.

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

I Patulu 2:23

Pavashintukana nae hashipindikula, pashuvauvanga po nae hashivatishanga ila ashinnakela aijá áukumu kwaishaliya.

Maono 2:3

Wako unkunanopa na unkulipililila mauvilo kwamwaa walina lyangu na haudabadabenge.