Mateu 5:22 - Ibibiliya mu Shimakonde Imbodi Yaambi na dimbande dya Imbodi Yakala

²² Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Mateu 5:22 Խաչաձեւ Հղումներ

Mateu 10:17

Lilaledye kwavanu. Vanavo vanantwala mwenu kumuukanavo mudikamati na muvitala vyave vyakulipudidya, vananshapa viboko.

Mateu 10:28

Hamunavajope avalá vabyáa mili vákaulula kubyaa ungumi ila njope jo áulula kubamola uti mili ungumi kushena.

Mateu 12:24

Kanji mapalishayo pavaigwite davo kushidoni, “Munu aju mwakumulangila majini ni kwaindila imwe Beelishebuli nang'olo wave majini.”

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 18:21

Bai Patulu akamuukila ndamudya, “Umu, da nung'unumunu akangutagela ninnivalive myanda mingapi? Myanda saba?”

Mateu 18:35

Napavedoni Atata wakuwa anantandela momo ikava kenga namwenu mmitima myenu mo, kula munu hannivaliva nung'unumunu.”

Mateu 23:15

“Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mumalila imanga na mwangu pakulota mumpate wakuliinjidyanga jumo tu bai, mukampata munkumpindula kuva mwana wakushena kumpunda mmene.

Mateu 23:33

“Mwenu mmanyoka, udukulu wadinyoka dyaishumu mwe! Mulota kutila dashi ukumu yakushena?

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 26:59

Bai vanang'olo vavakulangalalela-shadaka pamo na ikamati uti vashindalambela ushuda waushwang'a pakulota vammalidye,

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Mateu 5:34

Napane nangu jo ninkumwaulila doni, hamunalilapile mwiko, mulilapila kuwa mwaa kwanavo ko ni shiteng'u shake Nnungu,

Mateu 5:44

Napane nangu jo ninkumwaulila doni, vanagwaledye vamongo venu na vashwalidye avalá vampapáta

Malukushi 14:55

Bai vanang'olo vavakulangalalela-shadaka pamo na ikamati uti, vashindalambela ushuda wakulota kummalididye Yesu kanji havapatíle.

Malukushi 15:1

Napanelo lyamba linyeiku vanang'olo vavakulangalalela-shadaka, vanang'olo, vamwalimu vadishaliya pamo na ikamati uti yavayuda vandíikala nguguvale kutwala kumunga Yesu kumuukanavo kumwe Pilatu.

Lukashi 12:5

kanji ninkumwaulila nyani ávaikidile munjope; njope aijá ávenavo madalaka ánatenda akampedya munu kuntwala kunjela kushena. Mwiu jojo jo, njope!

Lukashi 22:66

Napanelo wiku paushwenge, nkodyanio wavanang'olo vavenentete kutunduvangila vanang'olo vavakulangalalela-shadaka pamo na vamwalimu vadishaliya vandíikala nguguvale kuntwala Yesu kumwimidya paikamati yave.

Nshuwau 11:47

Vanang'olo vavakulangalalela-shadaka pamo na mapalishayo vandíikala nguguvale kutwala kushido, “Na wetu apa shipali shatwamba? Munu aju ankulodya vimanyikilo vyoe namene.

Nshuwau 15:25

Napane avi uti vinditandeka pakulota shiwikile popo ashilá shaandikíke mu Lilamulo lyave doni, ‘Vaninguvangedya pashikapali.’

Nshuwau 7:20

Venentete kutwala kushidoni, “Wako majini andikudulumbuwa! Da wakwashi apa álota kukumalidya?”

Nshuwau 8:48

Vayuda vakanjang'ula, “Da wetu hatuvenavo ishaliya patukwaulidile doni, ‘Wako unshamaliya na majini andikudulumbuwa’?”

Vitendo 17:18

Napanelo vakumanya vanji vaepikuli na vaestoiku vashindomba mwaa namu Paulu kutwala vanji kushidoni, “Munu álambukanga mwanambwe aju aamba nyamani?” Kutwala vanji kavili kushidoni, “Aju twona kenga avavalanganga vannungu vavilambo vinji.” Vandítangola davo mwaa Paulu ashimmalanganga Yesu na kuvalanganga kudyuka kwavakupela.

Vitendo 22:30

Napanelo palyamba lyake, nang'olo nkumene wavaing'ondo aijá alota amanye uwakika waing'ano yavashintambulanga Paulu vayuda, andílamulila vamuungule Paulu na upagwe nguguvale wavanang'olo vavakulangalalela-shadaka pamo na vanang'olo vanguguvale uti kutwala nae kuntwala Paulu kumwimidya shing'ati nguguvale.

Vitendo 23:1

Napanelo Paulu andívalola ndoo vanu uti vapagwíte panguguvale po kutwala kushidoni, “Mmanung'unumunu, mpaka nelo nangu ninkunama pamevo pake Nnungu mumakumbukililo ambone amuntima.”

Vitendo 24:20

Kwali vovo ava vavéle apa, vavalangange wakunyata shani wavangugwene panguguvale

Vitendo 4:15

Nadoni vandívakumulanga vapatulu palyutu lyanguguvale kutwala vene kwikala valya shemba

Vitendo 5:21

Bai vamyombe vakaigwilile malove alo; lyamba linyeiku vandyúma kuka kwing'ande ya Nnungu ndavapundisha venentete. Napanelo nkúlangalalela-shadaka nkumene pamo na vavagwe vandívanavo nguguvale wavananangalaledi vamakaja va ku Ishilaeli. Vanavo kutwala kuvatuma vakulaledya vauke vakavatwale vamyombe kukalaboshi.

Vitendo 5:27

Napanelo vakavaidenavo vandívaimidya shing'ati nguguvale kutwala nkúlangalalela-shadaka nkumene kuvanyika

Vitendo 6:12

Nadoni vandívakang'ela venentete, vanang'olo pamo na vamwalimu vadishaliya kutwala kuka kwashingangala nankamula Shiteva kumuukanavo kunguguvale.

Vitendo 6:15

Bai vanu uti ve vaikalénge panguguvale awo, vakannole ndoo Shiteva, vandyóna ing'ope yake kuva kenga yanjelo.

Vitendo 7:37

Jo Musha aju e avaulidíle vanaishilaeli, ‘Nnungu anantakatuwa pakati pavanung'unumunu venu nkúlava jumo kenga nangu.’

Valoma 12:10

Nagwaladyania namene kwalinagwaledyo lyashinung'unumunu muuvanavo dukuduku yakwishimana.

I Vakolintu 6:10

ata vakwiva, ata vashojo, ata vakwambalwa, ata vakung'wenya na ata vakukwinyanga, havapata maleko autawala wa Nnungu.

I Vakolintu 6:6

Kanji nung'unumunu ankuntwala dashi nung'unumunu junji kumuukanavo kulibengi kutwala kuukumigwa na vákakulupila?

I Vateshalonika 4:6

Kwaing'ano ai, hanapagwe wakunkwinyanga kwali wakunshonda nung'unumunu mwaa kwavinu vyovyo avi, Umu ni nkúlipilila kenga mo mwatumwaulidile kaladavo na mwatuumididye ushuda ngala.

Titu 3:2

havananniule munu, havanave vamagombi, vave vaupole valodya kulishapeya kwavanu uti.

Vabalaniya 12:25

Lilaledye! Hamunamwite aijá átangola. Ikava kenga avalá vamwitíle aijá áshivaduma mushilambo amu havananwile, kushi wetu túmwambukanga aijá átuduma kwalakela kuwa?

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Tiyagu 2:20

Unjinga gwe! Da valota vakulodye kenga likulupililo bila vitendo, halive mana?

Tiyagu 3:6

Nadoni lulimi yadavo ni moto na lilangalanga lyaungave-shaliya. Lwanavo lunkuvanavo lyutu lyake pakati padimbandi dyamili vyetu, lunkumwambukisha mili uti, lunkukaledya shingumi uti; lwo lwene lwo lundikalela moto walakéla kushena.

I Patulu 2:23

Pavashintukana nae hashipindikula, pashuvauvanga po nae hashivatishanga ila ashinnakela aijá áukumu kwaishaliya.

I Patulu 3:9

Hamunalipilile wakunyata kwawakunyata, hamunalipilile kutukana kwakutukana kanji paikavele davo po, vaalaliye mwaa ni ashi shavanshamalele mwenu kwambangidya mupate kwalaligwa.

I Nshuwau 2:9

Aijá áashidoni, ankupagwa mulilangadyo kanji ámmangedya nung'unumunu, mpaka ambi avelé mushii.

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.

I Nshuwau 5:16

Ikava kenga munu anamwona nung'unumunu atega lidambi líkamuukanavo kukupela, anjugwangile na Nnungu andamupa shingumi; andavapa avalá vaténda lidambi líkavaukanavo kukupela. Lipali lidambi livaúkanavo vanu kukupela, nadoni kwa alyo, hangunatangola shinu mwenu mujugwangile.

Yudashi 1:9

Doni, ata jo Migele nang'olo wavanjelo pashitaukananga namu Ndamoni vapwatanila mili umwe Musha, nae halyalaveke kumya ukumu yakukupulu kanji atédoni, “Umu akushulange.”

Maono 20:14

Bai Kupela na Kumoka vandíjalegwa mulitanda lyamoto. Litanda lyamoto lyo, aku ni kupela kwambili.