Mateu 5:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Woewoe álota kwiludyanga lilamulo lidikidiki pakati pamalamulo ala kutwala kuvapundisha vanu vanji vatandele momo, ajo kuutawala wakuwa, vananshema kuva ndyoko. Napane aijá álota kutandedya malamulo ala na kuvapundisha vanu vanji kutandela momo, kuutwala wakuwa ko, nae vananshema kuva nang'olo.

Mateu 5:19 Խաչաձեւ Հղումներ

Mateu 11:11

“Ninkumwaulila mwiu doni, pakati pavanu vamushilambo shapai ashi, haumilidile nkúlava ámpundile Nshuwau Wakubatisha. Ata ive davo aijá ndikidiki muutawala wakuwa wo, nae ni nang'olo ámpundile Nshuwau jo.

Mateu 19:28

Yesu kushidoni, “Nangu ninkumwaulila mwiu doni, mwenu múngwoda nangu muwakati wakudyuwangigwa vinu uti, Mwana Wamunu palota kwikala pashiteng'u shake shalishangelo, namwenu momo mundaikala muviteng'u kumi na mbili muukumu makola kumi na mbili avanaishilaeli.

Mateu 20:26

Kwenu mwenu hainave davo. Aijá ágambela ave nang'olo pakati penu inimmaikila ave ntumika wenu

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Lukashi 1:15

mwaa jojo jo, Umu anankulupila namene. Nae hakumbila shinu ugwalwa wakuma muvyepo na ata shinu shoeshoe shakwambalwisha. Imumu Wanashwe andapagwa namu nae kutunduvangila ata mo mmunda mwanyoke.

Lukashi 11:42

“Mupambale mwenu mmapalishayo! Mwenu mumya likumi lyavinu uti vyakulunganga dimbogwa kuleka linagwaledyo kwa Nnungu na kutandedya vyaishaliya. Kudyanga pamukatandadidye vinu avi pamukailudyanga vinji.

Lukashi 9:48

kutwala kuvaulila kushidoni, “Woewoe álota kumpwashalela ndyoko kenga aju palina lyangu, angupwashalela nangu na woewoe álota kungupwashalela nangu, ampwashalela aijá ángutumididye. Jo álota kuva ndyoko pakati penu mwenu uti, bai jojo andava nang'olo.”

Vitendo 1:1

Nang'olo Teopilo! Mulibuku lyangu litandi kwandika, ndivalanganga vinu uti vyatandile Yesu na vyapundishidye kutunduvangila kunantandi

Valoma 3:8

Kwali mwavataukangila vanji vyatutangola wetu avi, “Tutende wakunyata pakulota wide wambone.” Ukumu yave ni yashaliya.

Valoma 6:1

Napanelo tuushidashi? Da tuke mushu tupagwa mulidambi kwambangidya umonyo wake Nnungu wanjadyeke?

Valoma 6:15

Napanelo shakwashi? Da tutege pakuva hatunatawaligwa shinu na lilamulo kanji tunkutawaligwa na umonyo? Ata padyoko vela!

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

I Patulu 5:4

Doni, palota kulilodya Nkúshunga nang'olo, mwenu mundapata lidaka lyalishangelo líkadingala.

I Nshuwau 3:4

Kula ánatenda shimadambi namomo ankutenda ungave-lilamulo mwaa lidambi ni ungave-lilamulo.

Maono 2:20

Ila napane shipali shikunyatyánga, wako unkumpambedya Yeshebeli nkongwe álivika kuva nkúlava. Kwamapundisho ake, nae ankuvaashedya vatumika vangu mukulavalava na mukulya vyakulya vyavavaumididye vannungu vakushang'apa.