Mateu 4:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Nadoni shimbili shake shindyúmanikanga mushilambo uti sha Shiliya, venentete vashindavaidanavo kwake nae vanu vavénavo mauvilo akuvilingananga na malwele, vamajini, vashalala na vakulamala kutwala nae kuvaponia.

Mateu 4:24 Խաչաձեւ Հղումներ

Mateu 12:22

Napanelo vanu vandímwidanavo kumwe Yesu munu jumo walijini, wakuputala mevo na bubu nae kumponia, munu jo kutangola na kulola.

Mateu 14:1

Napanelo mumaduva alo Elode nang'olo walijimbo andíigwanga dyabali dimwe Yesu.

Mateu 15:22

Mwenu! Nkongwe jumo nkanaani waisemu ayo kumuukila akugwa pashanya po aashidoni, “Umu, mwanagwe Daudi, ngwanangila shididi! Mwanangu nkongwe anintawala lijini kupunda apo.”

Mateu 17:15

kutwala kushidoni, “Nang'olo mwanangile shididi mwanangu, nae ankuvanavo ulwele washikoko na ankuvauvanga namene. Myanda vyoe andágwilila pamoto kwali mmedi.

Mateu 17:18

Bai Yesu kushulanga lijini lyo, lyanavo kuma mundyoko mo kutwala muwakati wowo ndyoko jo kupona.

Mateu 4:23

Napanelo Yesu ashindatanela makaja a ku Galileya apita apundisha muvitala vyave vyakulipudidya avalanganga ntenga wambone wautawala, aponia vilwele na mauvilo uti kwavenentete.

Mateu 8:28

Yesu akawike litanda mwangu unji yani isemu yavagadalenu, vandímwidila vanu vavili vamajini váshaalakela kumakabuli. Vanavo vashindajowa namene mpaka kutadya indila ayo mene kupitika.

Mateu 8:33

Avalá vakushunga-dinguluve vandyúma vatukuta kuka kukaja ndavalanganga uti vinu vitandéke na vivatandéke avalá vanu vamajini.

Mateu 8:6

“Nang'olo, ntumika wangu andididimanga magwangwa na nnwele namene.”

Mateu 9:26

Nadoni dyabali dyashitendo ashi dindyándavala mwisemu ayo uti.

Mateu 9:35

Napanelo Yesu ashindatanela minjini uti na makaja apita apundisha muvitala vyakulipudidya avalanganga ntenga wambone wautawala, aponia vilwele na mauvilo uti.

Malukushi 1:28

Bai shimbili shake kuumanginneu kwisemu uti ya ku Galileya.

Malukushi 1:32

Napanelo muwakati wayalyulo liduva lìdimbile, vanu vandívaukanavo kumwe Yesu valwele uti na vanu vamajini.

Malukushi 2:3

Popo po kuwika vanu nsheshe vannyukete munu adidiménge madodo.

Malukushi 2:4

Ikavakamadyangidye kummandika Yesu mwaa wakuumbalanila vanu, vandíkwela pashanya ing'ande kubamola ulungu shalatoto namu pavéle Yesu kutwala kupata lilanga lyakupalaedya nng'ande ligadolo lyaléle munu ajo.

Malukushi 2:9

Munu aju shakwashi shamwona kuva shíkakamadyanga kumwaulila? Ni kumwaulila doni, ‘Madambi ako andilivalivika’ kwali kumwaulila doni, ‘Takatuka utwale ligadolo uwene’?

Lukashi 2:2

Shaandika ashi shivele shitandi; shosho sho shitandeke muwakati wavele Kilinu gavana wa ku Shiliya.

Lukashi 4:14

Napanelo Yesu andyúja na dimongo dya Imumu Wanashwe kuka ku Galileya. Bai dyabali dyake dindyúmanga uti muvilambo vyashitanono namu Galileya.

Lukashi 4:38

Yesu kutakatuka kuma mushitala amulá kutwala kuwika paing'ande imwe Simoni; nkwegwe jo Simoni aju, ushínampwateka namene mili. Yesu akawike, vanavo kunjugwa amponie.

Lukashi 5:15

Kanji dyabali dimwe Yesu dindímamodya kwandavala na dimbumba dyavanu voe dindíkadyanianga valota vamwigwilile na avaponie vilwele vyave.

Lukashi 5:24

Bai pakulota mumanye doni, Mwana Wamunu mushilambo amu andivanavo madalaka akulivaliva madambi…” Nae andímwaulila munu wakudidimanga madodo, “Ninkukwaulila takatuka utwale igoli yako uke kwenu.”

Lukashi 7:17

Bai dyabali adyo dimwe Yesu dindíigwinika ku Yudeya na muvilambo uti vyashitanono.

Nshuwau 10:21

Vanji kushidoni, “Mwenu! Malove ala hanava shinu amunu wamajini. Hainatoshe lijini ankuulula kuntadya munu ákalola kulola?”

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Vitendo 15:23

kutwala kuvapa vaukenavo ibalugwa yavaandike doni, “Vamyombe pamo na vanang'olo vàvele vanung'unumunu, kwavanung'unumunu avalá vamidi vapágwa disemu uti dya ku Antiyokiya, ku Shiliya na ku Kilikiya, mumpate nandele.

Vitendo 15:41

na ashindapita ku Shiliya namu ku Kilikiya anonowanga maganisha.

Vitendo 28:9

Shikatandeke shitendo asho, valwele uti vapashitingi asho vandímuukila Paulu navanavo vandípona momo.

Vitendo 8:7

mwaa vanu vavénavo majini mashapu, anavo ashindauma mumili mwave akuta namene na vakudidimanga madodo pamo na vakukwava vashindapona.