Mateu 13:23 - Ibibiliya mu Shimakonde Imbodi Yaambi na dimbande dya Imbodi Yakala

²³ Napanelo imbeju igwilidíle paulongo walutuba, aju ni aijá áigwilila lilove na kwigwa shana, álundula mwiu vyepo; munu jumo miya, junji sitini na junji jo salasini.”

Mateu 13:23 Խաչաձեւ Հղումներ

Mateu 12:33

“Nnandi wakukonda upa vyepo vyambone, nnandi wakunyalanyalanga upa vyepo vyakunyalanyalanga. Kwaindila yavyepo vyake ni paulota kumanya nnandi awo.

Mateu 13:8

Inji kavili kugwilila paulongo walutuba, yanavo kulundula vyepo; imo imiya, inji sitini na inji yo salasini.

Mateu 3:10

Imbedo vandilumika palindi lwannandi tayali. Kula nnandi úkapa vyepo vyambone, vandálumula kujela pamoto.

Mateu 3:8

Lodya vyepo vilódya kulijugulanga.

Malukushi 10:15

Ninkumwaulila mwiu doni, aijá ákapwashalela utawala wa Nnungu kenga ndyoko, ajo mwiko hainjila shinu muutawala awo.”

Malukushi 4:20

Napanelo imbeju kugwilila paulongo walutuba, vankuva vanu vaigwilíla lilove kupwashalela kutwala kupa vyepo salasini, sitini na miya.”

Lukashi 13:9

Ukapa vyepo, mwambone kanji ukanapa, undalamulila valumule.’ ”

Lukashi 8:15

Kanji imbeju igwilidíle paulongo wambone inkwitika kuva vanu vánatenda vakaigwa lilove lya Nnungu kuvikila kuntima wiu na kupa vyepo kwaindila yakulipililila.

Lukashi 8:8

Kanji inji kugwilila paulongo wambone, kumela, kupa vyepo vyoe namene vyakuwikila imiya kula lutavi.” Akamalile kutangola nkong'o au andílailila aashidoni, “Avé na matu, aigwe.”

Nshuwau 15:16

I mwenu múngutandwele, ila ni nangu níntandwele mwenu na kuntenda muke mukape vyepo na vyepo vyovyo vyo, havinaunde pakulota shoeshoe shamulota kunjugwa Atata palina lyangu, nae amupe.

Nshuwau 8:47

Aijá wa Nnungu, vyatangola Nnungu anáigwa. Nadoni mwenu hamunaigwa shinu mwaa hamuvele vake Nnungu.”

Vitendo 16:14

Pakati pavakongwe váshitwigwilila andípagwa nkongwe jumo áshilipudya kwa Nnungu walina Lidiya áshishumidyanga dinguvo dyakupapeka dyailangi yanshambalau na wakwalakela kulikaja lya Tiyatila. Umu napane andímuungula ntima pakulota kwigwa shana vyashitangola Paulu.

Vitendo 17:11

Kanji vayuda vankaja amo vavele vakuligwa kuvapunda va ku Teshalonika; vanavo vandípwashalela ntenga na ntima wave uti na kula liduva vashindalalyanga Maandiko pakulota vamanye kenga munkulinganana na amulá mwatangalela Paulu.

II Vakolintu 9:10

Mwenu, Nnungu ájaula imbeju kwankúlima na ligung'u pakulota tulye, jojo jo andamupa na anaanjadyedya imbeju yenu na andatadya ainjipike mapuno aishaliya yenu.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vapilipo 4:17

I do, ninkulambela shadaka shenu kanji shangulambela ni vyepo vyakwanjedya paida yenu.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

I Vateshalonika 4:1

Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

II Vateshalonika 2:10

na kwakuduwanga uti kwaungave-shaliya kwa avalá vavéle mukujaika. Vanavo vankujaika pakuva vandita kunagwaledya umwiu kukavatadidye vaambolegwe.

Vabalaniya 4:2

Mwaa kwetu wetu vandituvalangangila ntenga wambone kenga vanavo momo kanji lilove lyavaigwite hashipali shavakatakadile kwoda lilove alyo, havapwashadile kwalikulupililo avalá vaigwíte.

Vabalaniya 6:7

Mwaa ulongo upáta imbula itanyéla kula wakati na umédya vilyo vyapaida kwankúlima, wanavo unkupata kwalaligwa kwake Nnungu.

Vabalaniya 8:10

“Doni, ai ni imbodi yangulota kupanga na shipinga shavanaishilaeli ling'oto lyamaduva alo,” atangola Umu. “Ndavika malamulo angu muding'anong'ano dyave, na ndaandika mmitima vyave. Nindava Nnungu wave, vanavo vo, vandava venentete vangu.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.