Maono 21:23 - Ibibiliya mu Shimakonde Imbodi Yaambi na dimbande dya Imbodi Yakala

²³ Njini awo haunalateka shinu liduva kwali mwedi pakulota kumulikila mwaa lishangelo lya Nnungu linkumulikila kutwala itaa yake kuva aijá Ngandolo.

Maono 21:23 Խաչաձեւ Հղումներ

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Lukashi 2:32

lilangadyo lilóta kuvalangadya vamidi na lyakuvapa lishangelo venentete vako vanaishilaeli.”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 1:4

Nae ni avele ntipu washingumi na sho shingumi ashi ni lilangadyo kwavanu.

Nshuwau 1:9

Lilangadyo liu limmulikíla kula munu lindída mushilambo.

Nshuwau 17:24

“Atata, vaungupele vo, ninkulota vapagwe po panguvele nangu vone lishangelo; lishangelo lyo lyaungupele mwaa uningunagwaledya shilambo shikanava kukandyangigwa.

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Vitendo 22:11

Napanelo kwodamwaa mevo angu andíbidikanga mwaa wakushenga kwalilangadyo, avalá vanguvénavo vaníngukamula nkono kuka nanguwisha nkaja mu Damashiko.

Maono 14:4

Ava ni vanu vákalidabuwenge mwavakongwe mwaa vandilishunga mushingumi shave uti. Vanavo vankumwoda Ngandolo kwoekwoe kwauka. Vovo vo, vandishumigwa pakati pavanu kwambangidya vave shadaka shitandi shakumuumidya Nnungu na Ngandolo.

Maono 18:1

Ling'oto lyavinu avyo, kuwa ko ndimwona njelo junji ashuluka e avénavo madalaka oe kutwala shilambo uti kulangala kwamwaa wakushenga kwake.

Maono 21:11

wanavo ushindashenga kwalishangelo lyake Nnungu, kushenga kwake kuvele kenga limashi kenga lijanga lyalinjano lyakung'ala namene.

Maono 21:25

Milango vyake, mui mwiko havashima mwaa shilo, hashipali.

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.

Maono 5:6

Ling'oto ndímwona Ngandolo áshaaneka kenga andibyaigwa àimidile shing'ati shiteng'u vàntang'anadidye viumbi nsheshe na avalá vanang'olo. Jojo jo, andívanavo dimembe saba na mevo saba, alo ankwitika kuva dimumu saba dya Nnungu dyatumididye mushilambo uti.

Maono 7:17

Mwaa Ngandolo ávele shing'ati shiteng'u andavashunga na andavaukanavo papandukenge medi ashingumi na Nnungu andavapukutanga myodi uti kumevo kwave.”