Maono 17:2 - Ibibiliya mu Shimakonde Imbodi Yaambi na dimbande dya Imbodi Yakala

² aijá wavatandinavo vyakulauka vaumu vamushilambo; vanu vanáma mushilambo, vandyambalwa vinyu vyakulauka kwake.”

Maono 17:2 Խաչաձեւ Հղումներ

Nshuwau 2:10

kutwala kumwaulila doni, “Kula munu shitandi avapa vanu vinyu shii, ling'oto lyavanavo kukumbila shana-shana ni panatwala víkave mana kuvapa. Kanji wako po undikondya vinyu shii mpaka muwakati au!”

Maono 14:8

Njelo wambili andímwatika aashidoni, “Andipandamoka! Andipandamoka Babiloni nkumene átadidye venentete uti vakumbile vinyu vyashitundi vyakulavalava kwake.”

Maono 17:13

Vanavo vankuvanavo makumbukililo amo lolo na vandamupa lidimu aijá dimongo dyave pamo na madalaka.

Maono 17:17

Mwaa Nnungu andivika mmitima vyave vatandedye malotelo ake kwambangidya vavenavo makumbukililo amo lolo, namomo kumupa madalaka ave akutawalila aijá lidimu mpaka awikile popo malove ake Nnungu.

Maono 17:5

Pashenye pake vandyandika lina lyashipii, “Babiloni nkumene; jujumunu wamalaja na wavyakudabukanga vyamushilambo shapai.”

Maono 17:8

Lidimu waungwene jo, andípagwa kanji napane hanapagwa shinu. Nae andauma ambi popa ku Litavaleva kwida ndabamalegwa. Vanu vanáma mushilambo shapai uti vákaandikigwe mena ave mulibuku lyashingumi tangu kukandyangigwa shilambo, vanavo vandashanga pavalota kumwona lidimu mwaa andípagwa, napane hanapagwa shinu kanji andapagwa kavili.

Maono 18:23

Mulingongo lyako, mwiko hamulangala kavili moto wavyenje. Nkati mwako, mwiko haliigwinika kavili lidi lyankúlomba kwali nkúlombwa. Mwaa vamishulusho vako, vavéle vakumene mushilambo shapai, kwawavi wako, venentete uti vandyáshalanga,

Maono 18:3

Mwaa venentete uti vandikumbila vinyu vyashitundi shawendi wake. Vaumu vamushilambo vanditenda vyakulauka namu nae, vamishulusho vamushilambo kutajilika poe kwadimongo dyashinamidyo shake shaditamaa.”

Maono 18:9

Vaumu vamushilambo vatandíle vyawendi namu nae na kunama shinamidyo shaditamaa, vanannilangila pavalota kwona lyoi nae atikinyuka, vanannilangila na kuntangadikangila.

Maono 2:22

“ ‘Napavedoni nantaa shilwele na ndavataa mauvilo akumamodya uti avalá valavaléve namu nae ikava kenga havalijugulanga vitendo vyake.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Maono 9:21

Namomo havalijugulénge yakubyaa kwave, yawavi wave, yakulavalava kwave na yakwiva kwave.