Malukushi 3:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Napanelo Yesu andínyema pamo na vakwoda vake kuka kulitanda na imbumba yavagalileya indímwoda koko pamo na

Malukushi 3:7 Խաչաձեւ Հղումներ

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Mateu 12:15

Yesu pamanyite nnugu wave, mulyutu alyo andílyumadyanga kutwala imbumba ing'umene yavanu kumwoda, nae valwele uti kuvaponia.

Mateu 12:16

Napanelo andívaduma havanatadye kummanya vanu

Mateu 4:25

Nae dishindamwoda dimbumba dyoe dya ku Galileya, dya ku Dekapolishi, dya ku Yelusalemu, dya ku Yudeya na dyakumwangu unji wa Yudani.

Malukushi 1:39

Yesu kutwala kupita mumakaja uti a ku Galileya avalanganga ntenga muvitala vyave vyakulipudidya na akumulanga majini.

Malukushi 1:45

Munu aijá kanji paumile apalá ni kupita avalanganga na aandadya vinu uti vintandéke mpaka kuntadya Yesu mene kuulula kuka mushu ainjila ngala mumakaja; nae kuva munu wakwikala kushimbweshe na koko ko vanu vammakaja uti vashindamuukila nae.

Malukushi 3:20

Napanelo Yesu andíinjila nng'ande mwake kutwala kuumbalanila kavili imbumba yavanu mpaka popo Yesu na vakwoda vake ata litala lyakulyela shinu mene kuvapagwidya.

Malukushi 4:1

Napanelo mumwanda unji kavili Yesu andítunduvanga kupundisha àvele nanyenje litanda. Popo po, imbumba ing'umene yavanu iníntang'anedya mpaka kuntadya nae kukwela mwingalava kwikala kunyamela padyoko kumedi kuleka imbumba yavanu ìvele kumwangu.

Lukashi 23:5

Kanji vanavo vashindang'ang'anikila vaashidoni, “Aju ankupita avatubya venentete na mapundisho ake ku Yudeya akuno uti kutunduvanga ku Galileya mpaka nkaja amu.”

Lukashi 6:12

Mumaduva lolo lo, liduva limo Yesu andyámbwakela kumashinga ndashwali; shilo uti andíshwedya anjugwa Nnungu.

Lukashi 6:17

Yesu andyálenavo vamyombe avalá kuka ndaikalanga pantadala. Popo po, shindípagwa shipinga shikumene shavakwoda vake na kupagwa imbumba yavenentete vakwalakela mumautu uti ashilambo sha ku Yudeya, vakwalakela ku Yelusalemu, vanji vakwalakela nanyenje imanga ya ku Tilu na ku Shidoni.

Nshuwau 7:41

Vanji vashishidoni, “Aju ni Klistu!” Napane vanji kushidoni, “Mene. Klistu jo, inkuululika nae kwalakela ku Galileya?

Nshuwau 7:52

Vanavo vakanjang'ula doni, “Da nawako momo ungalileya? Wena ukalalyange shana mumaandiko; undaanalalela kenga ku Galileya, mwiko hanaaloka nkúlava ata jumo.” [

Vitendo 17:10

Palidimbile liduva vanung'unumunu vaníntwalinneu Paulu namu Shilashi kuvaukanavo ku Beleya. Pavawikile ako vandyúka kushitala shakulipudidya shavayuda.

Vitendo 17:14

Muwakati wowo vanung'unumunnu vandímwaulila na vanímpanganiangidyanneu Paulu auke nanyenje imanga kanji Shilashi namu Timoti vandíikala mo nkaja mu Baleya.