Malukushi 15:43 - Ibibiliya mu Shimakonde Imbodi Yaambi na dimbande dya Imbodi Yakala

⁴³ Yoshe wa ku Alimateya munu wakwishimika mwikamati yavayuda kanji nanae momo ashindalindila utawala wa Nnungu, andímuukila Pilatu pakajugulanga shinu nanjugwa mili umwe Yesu.

Malukushi 15:43 Խաչաձեւ Հղումներ

Mateu 19:30

“Nadoni voe vatandi vandava vamwisho na voe vamwisho vandava vatandi.

Mateu 20:16

Nadoni vamwisho vandava vatandi na vatandi vandava vamwisho.”

Mateu 27:57

Napanelo paiwikile yalyulo kuwika munu jumo ntajili wa ku Alimateya walina Yoshe, nanae ashiva nkwóda wake Yesu.

Malukushi 14:54

Patulu andímwoda Yesu kwakushu mpaka ndainjila mulugwani lumwe nkúlangalalela nkumene kutwala kwikala pamo na vakushunga kujota moto.

Malukushi 15:44

Pilatu kutwala kushushukanga paigwite kenga Yesu andijaa tayali shingumi. Nae kunshema nang'olo wavaing'ondo kumudya ikava kenga mwiu Yesu andíjaa tayali shingumi.

Lukashi 2:25

Napanelo ku Yelusalemu ko, andípagwa nang'olo jumo wavashinshema Shimiyau; nang'olo aju avele munu waishaliya na wakunjopa Nnungu. Nae ashindalindila kupambadyangigwa kwavanaishilaeli na Imumu Wanashwe andípagwa namu nae.

Lukashi 2:38

Napanelo nkongwe aju muwakati wowo, nae kulyumilidya kutwala kunnambwalela Nnungu na kutunduvanga kuvalanganga ing'ano yamwana ajo kwavanu uti váshilindila kwambolegwa kwa Yelusalemu.

Lukashi 23:50

Napanelo munu jumo walina Yoshe wamushipinga shaikamati, munu wambone doni na waishaliya,

Lukashi 23:51

haungidile nkono vitendo vyavavagwe. Nae avele wa pa Alimateya likaja lya ku Yudeya na ashilindila utawala wa Nnungu.

Nshuwau 19:38

Napanelo vikapite vinu avyo, Yoshe wa ku Alimateya, nkwóda wake Yesu kanji shipiipii kwamwaa wakuvavajopa vayuda, nae anínjugwa Pilatu mili umwe Yesu. Pilatu kulamulila, nae kutwala kuka ndausha mili aulá kuukanavo.

Vitendo 13:50

Kanji vayuda vandívatumbilikanga vanang'olo pamo na vakongwe vakulipudya na vakwishimika vapalikaja alyo kutwala vanavo kutunduvanga kuvapapata vapaulu na vandívavinganga mulilanga alyo.

Vitendo 17:12

Nadoni voe pakati pave vandíkulupila namomo pakati pavagalegu vakongwe vakwishimika na valume voe.

Vapilipo 1:14

Namomo vanung'unumunu voe pavapatile dimongo nkati mumwe Umu kwamwaa wakungwa kwangu vandyuka ndalyalaveka kuvalanganga lilove kwabila kujopa shinu.