Malukushi 13:32 - Ibibiliya mu Shimakonde Imbodi Yaambi na dimbande dya Imbodi Yakala

³² “Napane liduva lyene lyo na isaa, hapali ámanyite, ata vanjelo kuwa havamanyite, ata Mwana hamanyite ila ámanyite ni Atata bai.

Malukushi 13:32 Խաչաձեւ Հղումներ

Vitendo 1:7

Nae kushidoni, “Mwenu haimmaikidile kumanya wakati na maiko ávikile Atata kwamadalaka ake jo mwene

Mateu 25:13

Napavedoni ava mevo mwaa liduva lyene lyo na isaa, hamumanyite.

Maono 3:3

Kumbukila avilá vyaupatile na vyawigwite, tandedya na lijugulange. Napane ikava kenga hauva mevo, bai ndakwidila kenga nkwíva, wako haumanya isaa yangulota kukwidila.

Mateu 25:6

Napane shilo shing'ati panda po kwigwinika kukugwanga kwavanu vaashidoni, ‘Nkúlomba ankwida, wena munkanshinge.’

II Patulu 3:10

Kanji napane liduva limwe Umu lindaida mwiu kenga nkwíva. Kuwa kundalambaleka kwashilindimu shikumene, mili vyakuwa vindatikinyuka kwamoto, shilambo pamo na vinu uti vivéle amo, vindamalilika.

Mateu 25:19

“Ukapite wakati woe, nang'olo wave ankuja na ankutenda shikonda na vanavo.

Maono 1:1

Maono amwe Yesu Klistu áumidye Nnungu pakulota kuvamanyiya vatumika vake vinu vivaikidíle vitandeke ambi popa. Nae anintumidya njelo wake kwida nammalangila ntumika wake walina Nshuwau,

Malukushi 13:31

Kuwa na pai kundapita ila malove angu mwiko hapita.