I Vateshalonika 4:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ kutwala wetu túvele mushingumi túbakidile, tundatanduligwa pamo na vanavo mumaundi ndakadyania namu Umu kuniania, nadoni tundapagwa namu Umu ngwengwe.

I Vateshalonika 4:17 Խաչաձեւ Հղումներ

Mateu 26:64

Yesu kushidoni, “Wako ni útangola. Leka apo kutunduvangila ambi apa mundamwona Mwana Wamunu àikele kunkanakono kwake Wadimongo-uti na aida mumaundi kuwa.”

Malukushi 14:62

Nae kushidoni, “Elo, nangu ni nene. Bai mwenu mundamwona Mwana Wamunu àikele kunkanakono kwake Wadimongo-uti aida mumaundi kuwa.”

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Nshuwau 14:3

Nikauka nampanganiangidya mautu, ninkwida kavili nantwala pakulota apalá panguve nangu namwenu mupagwe popo.

Nshuwau 17:24

“Atata, vaungupele vo, ninkulota vapagwe po panguvele nangu vone lishangelo; lishangelo lyo lyaungupele mwaa uningunagwaledya shilambo shikanava kukandyangigwa.

Vitendo 1:9

Akatangole malove alo, nae kutanduligwa vanavo vamwona kwinjila mulyundi kutwala kugwalagwala pavakamwona kavili.

Vitendo 8:39

Pavaumanenge mmedi, Imumu wake Umu aníntwala Pilipo; bai mwitiyope hangwene kavili kanji andyúka mushu na shimwanda shake apuwanga.

I Vakolintu 15:52

muwakati umo tu, kulola na kuunidya palilota kuma lipalapanda lyamwisho. Mwaa lipalapanda lindauma, vakupela vandavadyuwa kuva vákapela na wetu tundajaluwangigwa.

II Vakolintu 5:8

Napane tunkuvanavo ntima shii na inkutunagwela tupagwe kushu kwamili na tupagwe kumwe Umu.

Vapilipo 1:23

Vivili avi viningutita dimumu. Inkungunagwela ngume ndikapagwe namu Klistu mwaa ashi ni shambone namene kupunda apo

I Vateshalonika 3:13

kwambangidya dashi, mitima vyenu vinonowangike mukwilimyanga pakulota vive víkave makosha pamevo pake Nnungu, jo Tatagwetu mukwida kwake Umu wetu Yesu pamo na vakwilimyanga vake uti.

I Vateshalonika 4:15

Vyatumwaulila avi tunkumwaulila kwalilove limwe Umu kenga wetu túvele mushingumi, túbakila mpaka kwida kwake Umu, mwiu hatuva tuvatandi kuvapunda avalá valéle.

I Vateshalonika 4:18

Napavedoni ing'ana ntima shii kwamalove ala.

I Vateshalonika 5:10

ápadile kwamwaa wetu kwambangidya ata tukava mevo kwali tukalala, tuname namu nae.

II Patulu 3:13

Kanji wetu kwakwodananavo kulivikila kwake, tunkulindila kuwa kwaambi na shilambo shaambi kwailota kupagwa ishaliya.

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.

Maono 11:12

Bai vashuda avalá vandígwa lidi lyadimongo lyakwalakela kuwa liishidoni, “Kwela mwide kuno.” Vanavo vandikwela kuka kuwa mulyundi akuno vammongo vave valola ndoo.

Maono 12:5

Nkongwe jo anímmaleka mwana nnume, munu álota kuvalangalela venentete na ipimbo yashitali. Kanji jo mwanamunu jo andíkwapuligwa kuka ndapagwa namu Nnungu pashiteng'u shake.