I Vakolintu 11:3 - Ibibiliya mu Shimakonde Imbodi Yaambi na dimbande dya Imbodi Yakala

³ Napane ninkulota mumanye kenga muti wakula nnume ni Klistu, muti wankongwe ni nnume na muti umwe Klistu ni Nnungu.

I Vakolintu 11:3 Խաչաձեւ Հղումներ

Vakoloshu 3:18

Mmadyamunu, livike mwina mwavatavenu kenga mo mwaivalalele kumwe Umu.

Vakoloshu 1:18

Nae ni muti wamili alilá liganisha, shitunduvangilo na ntandi kuvalekwa pakati pavakupela pakulota muvinu uti akamulile lyutu litandi

I Vakolintu 3:23

na mwenu po, mmamwe Klistu na Klistu jo, umwe Nnungu.

Vaepeshu 4:15

Napane patukamulila umwiu nkati mulinagwaledyo, indituvaikila tukulumuke tùpagwite mwake nae muvinu uti, aijá ávele muti, jo Klistu aju.

I Patulu 3:1

Nimumo momo mwenu mmadyamunu livike mwina mwavatavenu kwambangidya ata ikava kenga vanji havanakulupila shinu lilove lyake Nnungu, vapatikanange kwabila malove kwamwaa washinamidyo shenu mwenu mmadyavave;

Vakoloshu 2:19

Munu kenga aju hanalinamatila shinu mmuti, muti wowo utádya mili uti paupwashalalegwa na paungananga mumalundu na mumipa, ukulumuke kwalikulumukililo lya Nnungu.

Vakoloshu 2:10

Namwenu momo mundyumbaligwa nkati mwake aijá muti wautawala na madalaka uti.

Nshuwau 14:28

Mundigwa vyanimwaulidile kenga ninkuka na namwidila kavili. Leka mùngunagwaladidye, mukandipuwangila ing'ano yakuka nangu kumwe Atata mwaa nae ni nang'olo kungupunda nangu.

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.