II Vateshalonika 3:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Mwenu, tundigwa kenga vanji pakati penu vankunama shinamidyo shauwondo; havanakola shinu madengo ila vankulijalanianga muvinu vyavanu vene.

II Vateshalonika 3:11 Խաչաձեւ Հղումներ

Vaepeshu 4:28

Áshiva, hanaive kavili ila akole madengo atenda shinu shambone kwamakono ake pakulota dashi, apate ashilá shakumpwashela aijá ákave pashinu.

I Vateshalonika 4:11

muvenavo liu lyakunama kwaamani, mwangangalange vyenu mmene na mukole madengo kwamikono vyenu kenga mo mwatumpundishididye

II Vateshalonika 3:6

Napanelo tunkunnamulila mmanung'unumunu palina limwe Umu wetu Yesu Klistu doni, vaambukange vanung'unumunu vanáma shinamidyo shauwondo i kulingana na mavalelo avapatile kwalakela kwetu.

I Timoti 5:13

Leka apo, vandálipundisha vave vawondo vawanawananga nding'ande na i gweka vawondo kanji namomo vakung'wenya, vakuliinjidyanga mumyaa vatangola vinu víkavaikidile.

I Patulu 4:15

Hanapagwe pakati penu munu wakulota kuvauvanga kwamwaa wakuva nkúbyaa, nkwíva, nkalau kwali álijalanianga mumyaa vyavanu vanji.