II Vateshalonika 1:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Vanavo vandauvauvanga ukumu yakubamalegwa kúkamalilika, kuvaapukanianga pamevo pamwe Umu na mulishangelo lyadimongo dyake

II Vateshalonika 1:9 Խաչաձեւ Հղումներ

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Mateu 22:13

Bai umu jo kuvaulila vatumika vake kushidoni, ‘Nkamule mumunge mmadodo pamo na mmakono mukanjele panda po kushii! Kushinu kulota kupagwa shililo na kutuka shulu nkanywa.’

Mateu 24:30

“Bai muwakati wowo kuwa shindaaneka shimanyikilo shake Mwana Wamunu kutwala makola uti amushilambo kutangadikanga. Vovo vo vandamwona Mwana Wamunu aaloka mumaundi na dimongo pamo na lishangelo lyoe.

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Mateu 26:24

Mwana Wamunu andapalela kenga mo mwavandikidile vamwamba nae napane apambale aijá álota kunnimya Mwana Wamunu jo! Munu ajo kudyanga hanavalekwe.”

Mateu 7:23

Ni apo pangulota kuvaulila ngala doni, ‘Mwiko hanimmanyite. Ngunyema apa mwenu mútandedya ungave-lilamulo.’

Lukashi 13:27

Kanji nae andatangola doni, ‘Ngwigwa, nangu hanimmanyite kwamwaloka! Ngunyema apa mwenu uti mútenda vinu vyakunyata.’

Nshuwau 5:14

Ling'oto lya apo, Yesu anínkodya munu wamponídye aijá mwing'ande ya Nnungu kutwala kumwaulila doni, “Wako! Wako apa undipona, nadoni haunatege kavili pakulota hashinakuumililile shakupunda ashi.”

Vapilipo 3:19

Vanavo mwisho wave ni kubamalegwa, nnungu wave ni shitumbo na lishangelo lyave linkupagwa mudyoni dyave vakumbukila vinu vyamushilambo tu bai.

I Vateshalonika 5:3

Pavaashidoni, “Ipali amani na lishililidyo,” bai apo ni palota kuvaidila kubamola shingangala kenga kupwateka kwaluvaleko kumwidila nkongwe washitumbo; kwavanavo hamupali mwakukwapela.

II Vateshalonika 2:8

Bai apo andaaneka waungave-lilamulo aijá walota kuntimbanga Umu Yesu kwaimepo yankanywa mwake na kummalidya kwakuumilila kwakwida kwake.

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vabalaniya 10:29

Kushi aijá ánnivatanga Mwana wa Nnungu na jojo jo áiludyanga myadi vyaimbodi vimwilimyénge nae na kuntukana Imumu waumonyo, da mwenu mwona dashi, munu ajo havaikidile kupata shaushanga shakumamodya?

II Patulu 2:17

Vanavo ni myuto víkave medi na itabwe ikungulúka kwaimepo. Kwavanavo vandivakandyedya lyutu lyakudimba do, pii!

II Patulu 3:7

Kuwa na pai vyo vipagwíte ambi apa, vyanavo vindikondyegwa kwaindila yoyo yalilove; vindikondyegwa pakulota vitaigwe moto muliduva lyaukumu na lyakubamolegwa kwa avalá vákave Nnungu.

Yudashi 1:13

vankuva kenga mawimbi akujowa amwimanga, vitendo vyave vyadoni ni shulu shakunyata; namomo vankuva kenga dinondo diwanawananga díkave lyutu; kwavanavo vandivakandyedya ngwengwe lyutu lyakudimba do, pii.

Maono 20:11

Napanelo níndyona shiteng'u shikumene shanashwe mwene shiteng'u jo àikalidile; pai na kuwa vínditila pamevo pake na halipagwíte lyutu lyavinu avyo.

Maono 20:14

Bai Kupela na Kumoka vandíjalegwa mulitanda lyamoto. Litanda lyamoto lyo, aku ni kupela kwambili.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.