II Vakolintu 1:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Ikava kenga tunkupata mauvilo ni kwamwaa wakupambadyangigwa na kwambolegwa kwenu mwenu; ikava kenga tunkupambadyangigwa ni kwamwaa wakupambadyangigwa kwenu mwenu akulá kwamupata mulipililila mauvilo lolo átuuvauvanga wetu.

II Vakolintu 1:6 Խաչաձեւ Հղումներ

Vitendo 21:5

Nkaja amo tukaikalange maduva etu alo, wetu tundyúma kulodya kwatushuka. Kutwala vakwoda na vadyavavo pamo na vanavavo kutupalakela kumalila likaja mpaka ndawika nanyenje imanga; koko ko, tundíguguvalanga kutwala kushwali.

Valoma 8:28

Tundimanya napane kwa avalá vannagwalédya Nnungu ankuvatandela uti kwauwambone, vo vávashamile kwodananavo malotelo ake jo mwene.

II Vakolintu 1:4

átupambadyanga mumauvilo etu uti kwambangidya wetu tuulule kuvapambadyanga avalá vapágwa mumauvilo oeoe kwakupambadyanga kwatupambadyangigwa namu Nnungu.

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

II Vakolintu 5:5

Átupanganiangididye kwashinu shosho ashi ni Nnungu jo átupele Imumu kuva kenga shinu shakwimididya.

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vaepeshu 3:13

Nadoni ninkunjugwa hamunadabadabange kwamwaa wamauvilo ánguvenavo yenu mwenu mwaa lolo lo, alishangelo lyenu.

Vapilipo 1:19

mwaa ndimanya kenga kwaindila yakushwali kwenu na lipwashalelo lya Imumu umwe Yesu Klistu, asho shindapa vyepo mukuunguligwa kwangu.

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.