Mɛnu ɛ́ ńdɑ́Ꞌ ńcẅɛt 9:18 - Kɑɑ Fí

¹⁸ Múk ɛ̂wɑ́, pɔ́p ndíndí, mbɑ pɔ́p yîyɑ́ ntɛ́ mɛkɑɑ, ɛ́ yúu mɑ́ yi ɛ́ ɡɑ́nɛ ŋɡʉ̈ɔ́Ꞌ, mbɔ ɛ́ kɑ pɔ́ ɛ́fú ntsu-pɛlʉ̈ɔ́ ńcẅɛt lɑ́, ɛ́ kɑ jẅí tɑ́Ꞌ nji nǔu pʉɔmɛsɔŋ nji yɛ́tɑ́t.

Mɛnu ɛ́ ńdɑ́Ꞌ ńcẅɛt 9:18 Խաչաձեւ Հղումներ

Mɛnu ɛ́ ńdɑ́Ꞌ ńcẅɛt 8:10

Cʉ̈ɔꞋ-Sɛ́ mbɑ́ɑtɛ yɛ́tɑ́t tɔ́ŋ yɛ́ ntɑŋ. Wɛcɔ́ mɑ́mɑ́ cʉ̈ɔ́Ꞌ-sɑŋ fú nɛfɑŋ ḿvu, ḿbɔ́ ŋ́kʉ́ pɑ́Ꞌ mɑ́mɑ́ kyɛꞋ-múk ẅi pɛ́ lyɛtnɛ lɑ́, ḿvu pɔ́Ꞌɔ, ŋ́ɡɑ́ tɑ́Ꞌ nji nǔu mɛŋki ɡwɛ́ nji yɛ́tɑ́t tɛ mbɑ nǔu mɛsɑ́Ꞌŋki.

Mɛnu ɛ́ ńdɑ́Ꞌ ńcẅɛt 8:11

Lík ẅîwɑ́ cʉ̈ɔ́Ꞌ-sɑŋ pɔ́ ŋɡɔ yúu lẅinɛ, tɑ́Ꞌ nji nǔu mɛŋki nji yɛ́tɑ́t tsʉ́Ꞌ yúu lẅinɛ ɛ̂yɑ́. Pʉɔmɛ́sɔŋ tɛ ńzɑ́ɑ pfútɛ ntɛ́ pɑ́Ꞌ pɔ́p nɔ́nɛ ẅîwɑ́ ŋki ẅí ɛ́ tsʉ́Ꞌ ńdẅi lẅinɛ lɑ́.

Mɛnu ɛ́ ńdɑ́Ꞌ ńcẅɛt 8:12

Cʉ̈ɔꞋ-Sɛ́ mbɑ́ɑtɛ yɛ́nɛ́kwɑ tɔ́ŋ wɛ́ ntɑŋ. Yúu lɛɛ nǔu tɑ́Ꞌ nji-lík-nɛm nǔu nji yɛ́tɑ́t, ńdɛɛ nǔu tɑ́Ꞌ nji-lík-sɑŋ nǔu nji yɛ́tɑ́t, ńdɛɛ nǔu tɑ́Ꞌ nji pɛcʉ̈ɔ́Ꞌ-sɑŋ nǔu nji yɛ́tɑ́t nɛpɔ́ yi pɔ́p kii ŋ́kyɛꞋ zʉꞋ pɔ́, nɛnɛm ɡʉ ḿbɛ́ tɑ́Ꞌ nji nǔu nji yɛ́tɑ́t, nɛtúꞋ pɛn ḿbɛ́ yɛ́ tɑ́Ꞌ nji nǔu nji yɛ́tɑ́t.

Mɛnu ɛ́ ńdɑ́Ꞌ ńcẅɛt 8:7

Nduŋmbi tɔ́ŋ yɛ́ ntɑŋ. Pɛ́ mɑꞋ mɛzẅii nɛ́ múk ndǔ tsɛ́tsɑ́Ꞌ. Ɛ́ ɡɔ́ ḿbɔ́ mbɔ pɛ́ tɛmtɛ mɛci nǔu. Tɑ́Ꞌ nji nǔu tsɛ́tsɑ́Ꞌ nji yɛ́tɑ́t, pûu ɛ́shí nɛ́ mɛtʉ́, pɔ́p nɛɡíi ẅi ɛ́ wɛ fɛ́.

Mɛnu ɛ́ ńdɑ́Ꞌ ńcẅɛt 8:8

Mbɑ́ɑtɛ yɛ́pɑ́ tɔ́ŋ yɛ ntɑŋ. Yɛcɔ́ ntɛ́ mɑ́mɑ́ nɛŋkɔ́Ꞌ ni pɛ́ tɛ́mnɛ múk nǔu, pɛ́ jɛ́Ꞌ ḿmɑꞋ tsɛt ŋki kɛ́ nɛpɑt. Tɑ́Ꞌ nji-ŋki kɛ́ nɛpɑt nǔu mɛnji mɛ́ntɑ́t shɔtnɛ ńtsʉ́Ꞌ mɛci.

Mɛnu ɛ́ ńdɑ́Ꞌ ńcẅɛt 8:9

Tɑ́Ꞌ nji nǔu yúu mi ɛ́ ŋki tɛ ńnuklɛ nuklɛ́nɛ nǔu nji yɛ́tɑ́t pûu ńdɑ́kŋɛ. Tɑ́Ꞌ nji nǔu mɛsɛtímɑ nji yɛ́tɑ́t pûu ńtɑ́ktɛ.

Mɛnu ɛ́ ńdɑ́Ꞌ ńcẅɛt 9:15

Pɛ́ ɡɔ́ɔ ŋ́kɛ́ ŋ́kyɛ́Ꞌtɛ mɛzẅikŋɛ kɛpɔŋ ɛ̂mɑ́ mɛ́nɛ́kwɑ. Mbɔ Sɛ́ kɑ niitɛ wɔ́p ńdɔk ńzẅíꞋlɛ yîyɑ́ lɛ́Ꞌlɑ́Ꞌ, ẅîwɑ́ sɑŋ, yîyɑ́ ŋɡuꞋ, nɛpɔ́ yi pɔ́p ɡʉ ńjẅí tɑ́Ꞌ nji nǔu pʉɔmɛsɔŋ nji yɛ́tɑ́t.

Mɛnu ɛ́ ńdɑ́Ꞌ ńcẅɛt 9:17

Yɔ pɑ́Ꞌ Sɛ́ kɑ ŋíɛꞋnɛ mík mɑ́ɑ, n jʉ́ɔ pɛlʉ̈ɔ́, tɛ mbɑ pʉɔ pí pɔ́p kɑ pɔ́nɛ ndǔ. Pɔ́p kɑ mɑꞋ mɛkɛm-ndẅí-ntsɔ mi pɛ́ lɔknɛ tʉ́n ńniitɛ, ɛ́ pɔ́ nzɔꞋ pɔ́p ḿbɑŋ pɑ́Ꞌ múk lɑ́, ḿbɛn ŋ́ŋwɑŋɛ ŋwɑŋɛ́nɛ pɑ́Ꞌ yɛcɔ́ ŋɡɔꞋ yí ndɛn nǔu tɛꞋ lɑ́, lii yɛ́ pɔ́ pɑ́Ꞌ yɛcɔ́ ntɛ́ mɛkɑɑ lɑ́. Tú-pɛlʉɔ́ kɑ pɔ́ pɔ pɑ́Ꞌ tú-púꞋntʉʉ lɑ́. Múk, nɛ́ ndíndí mbɑ yɛcɔ́ ntɛ́ mɛkɑɑ pɔ́ ɛ́fú ntsu pɔ́p ńcẅɛt.

Mɛnu ɛ́ ńdɑ́Ꞌ ńcẅɛt 9:19

Ɛ́ pɔ́ mbíꞋŋɡɔ mɛtʉʉ-pɛlʉ́ɔ pɔ́ pɔ ntsu pɔ́p, mbɑ nǔu mɛsɑ́ŋ mɔ́p. Mɛsɑ́ŋ mɔ́p pɔ́ pɔ pɑ́Ꞌ mɛnɔ́ lɑ́, ŋ́ɡẅɛɛ mɛtú, ńdɔk pɔ mɛ́tɛ́ ŋ́ɡɛ nu kɛpɔŋ.