Mɛnu ɛ́ ńdɑ́Ꞌ ńcẅɛt 9:1 - Kɑɑ Fí

¹ Cʉ̈ɔꞋ-Sɛ́ mbɑ́ɑtɛ yɛ́tɑɑ tɔ́ŋ yɛ́ ntɑŋ. Mɔ n jʉ́ɔ wɛcɔ́ cʉ̈ɔ́ꞌ-sɑŋ, mbɔ ɑ fú tʉ́nɛ́pú ḿvu ndǔ tsɛ́tsɑ́Ꞌ. Pɛ́ ŋ́ɡɑ́ mɑ́jɔ́Ꞌ lɔk ńtsɔ́Ꞌ ntsu nɛpʉ́ kɛ́ ndúŋ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 9:1 Խաչաձեւ Հղումներ

Lúkɑ́shi 10:18

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ sẅíi nu, n dɑ́Ꞌ ḿbɔ́ ńdíŋɛ, ńjʉ́ɔ pɑꞋ Sɑ́ttɑ ŋwɑŋɛ́nɛ pɑꞋ mɛnɛ́ɛ-mbʉŋ lɑ́, ɛ́fú tʉ́nɛ́pú ńtsɔ́Ꞌnɛ ḿvu sɛ́.

Lúkɑ́shi 8:31

Mɛzẅikŋɛ kɛpɔŋ ɛ̂mɑ́ púꞋ mbɔ́ mbɔ̌ Yɛ́su ŋɡɔ, kɔɔ ɑ ńtúu wɔ́p tsɛt ɡʉ́ɔ zʉꞋ-ŋɡʉ̈ɔ́Ꞌ.

Pʉɔ-Lɔ́mɑ 10:7

Kɔɔ kɛ́ ḿbɛn ńcú mbɑ ŋɡɔ: «Wɔ̌ ŋ́ɡʉnɛ lɑ́Ꞌ-pɛpfúsɛ́ ḿbɔ́ zúꞋu»? Yɑ́ nɛlɔk ńcú ŋɡɔ wɔ̌ ɡʉnɛ ɛ́fú zúꞋu ńcẅɛɛtɛ Kɛlístɔ.

Mɛnu ɛ́ ńdɑ́Ꞌ ńcẅɛt 1:18

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»

Mɛnu ɛ́ ńdɑ́Ꞌ ńcẅɛt 1:20

Ɛ́ ɡʉ nǔu nɛjí yúu mi pɛcʉ̈ɔ́Ꞌ-sɑŋ sɑɑmbɑ́ pi ɔ jʉ́ɔnɛ ŋ ɡẅɛɛ nǔu pɔ́ yɑ́ɑ yi tʉʉ, mbɑ nǔu mɛkyɛꞋ sɑɑmbɑ́ mi pɛ́ kɑ lɔknɛ tʉ́n-ŋɡɔ̂l ńniitɛ, mbɔ ŋ ɡʉ ɛ́sẅíi wú ŋɡɔ: Pɛcʉ̈ɔ́Ꞌ-sɑŋ sɑɑmbɑ́ lɔk ḿbɔ́ pɛcʉ̈ɔ́Ꞌ-Sɛ́ pi pɔ́p pyɛ́pnɛ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́, mɛkyɛꞌ sɑɑmbɑ́ lɔk ḿbɔ́ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́.

Mɛnu ɛ́ ńdɑ́Ꞌ ńcẅɛt 11:7

Lɑ́, pɔ́p ɡʉ ŋ́kɛ́ ńcú nu yi pɔ́p sɛ́ ńjí nǔu mɔ tɛ ńnɑ́Ꞌcí, ŋkʉꞋnɛ nɑɑ ẅi ɑ fúnɛ tsɛt ɡɛm kɛ́ ndẅiklɛ ŋ́kɔ́Ꞌ, ɑ tɔ́ mɑꞋ wɔ́p nɛ́ ntsɔ, ńjʉ́ wɔ́p, ńjẅítɛ wɔ́p.

Mɛnu ɛ́ ńdɑ́Ꞌ ńcẅɛt 17:8

Nɑɑ ẅí ɔ jʉ́ɔnɛ lɑ́, ɑ kɑ pɔ́ ɡú, lɑ́ ɑ kɛ́ pɛn mbɔ́ ɡú pɔ́. A ɡʉ ŋ́ɡɛ ḿbɛn ḿbɔ́ ɡú, ɛ́fú tsɛt nɛpʉ́ kɛ́ ndúŋ ŋ́kɔ́Ꞌ ŋ́ɡʉ nɛ́ zʉꞋ yi ɑ ɡʉ ŋ́kúu zúꞋu ŋ́kúu pɛ́. Pʉɔ pi pɔ́p ndǔ tsɛ́tsɑ́Ꞌ, mbɔ pɛ́ ŋkɑɑ ŋwɑꞋnɛ lík yɔ́p tsɛt ŋwɑꞋnɛ yi ɛ́ ɡɛnɛ pɛ́ pɔ́ ɡú, tɛ ɛ́fú ŋkɑ́ yi pɛ́ kɑ nɔŋnɛ ndǔmbí pɔ́, pɔ́p ɡʉ ŋ́ɡɛ ńjʉ́ɔ nɑɑ ɛ̂wɑ́ mɑɑ tɛꞋ. MbíꞋŋɡɔ ɑ kɑ pɔ́ ɡú, ɑ kɑ́ pɛn ḿbɔ́ ɡú pɔ́, ŋ́kɛ́ ŋ́ɡɛ ḿbɛn ńcẅɛt.»

Mɛnu ɛ́ ńdɑ́Ꞌ ńcẅɛt 20:1

M bɛn ńjʉ́ɔ wɛcɔ́ cʉ̈ɔ́Ꞌ-Sɛ́ fú tʉ́nɛ́pú ḿbɔ́ ḿpfúu, ŋ́ɡẅɛɛ tsɔ́Ꞌ lɔk ńtsɔ́Ꞌ ntsu-nɛpʉ́ kɛ́ ndúŋ, ḿbɛn ŋ́ɡẅɛɛ wɛcɔ́ mɑ́mɑ́ cɛ̂n mbɔ́ wɛ́.

Mɛnu ɛ́ ńdɑ́Ꞌ ńcẅɛt 20:10

Sɑ́ttɑ ẅí ɑ kɑ pɔ́ ɛ́fúklɛ wɔ́p lɑ́, pɛ́ tsʉ́ʉ wɛ́ ḿmɑꞋ tsɛt ɡʉ́ɔ múk ntʉʉ, nɛjɔ́ŋ ŋkʉꞋnɛ nɑɑ mbɑ nɛjɔ́ŋ ŋɡɛ́mndʉ̈ɔ́Ꞌ-Sɛ́ wɛ cɔtnu. Pɔ́p lɑ́Ꞌ ńtswɛ́ zúꞋu, ńjʉ́ɔ ŋɡʉ̈ɔ́Ꞌ ntɛ́ nɛ́ ntɛ́, nɛnɛm pɔ́p nɛtúꞋ, nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 6:13

Pɛcʉ̈ɔ́Ꞌ-sɑŋ fú nɛpú ŋ́kɛmɛ ḿbʉ̈ɔtnɛ ndǔ tsɛ́tsɑ́Ꞌ pɑ́Ꞌ mɑ́mɑ́ fɛ́m sɛ́ ńdɛɛ, mɛntɑ́ɑ-tʉ́ mi ɛ́ ḿbɔ́nɛ tʉ́ kɛ́mɛ ḿbʉ̈ɔtnɛ sɛ́ pɔ́Ꞌɔ lɑ́.

Mɛnu ɛ́ ńdɑ́Ꞌ ńcẅɛt 8:10

Cʉ̈ɔꞋ-Sɛ́ mbɑ́ɑtɛ yɛ́tɑ́t tɔ́ŋ yɛ́ ntɑŋ. Wɛcɔ́ mɑ́mɑ́ cʉ̈ɔ́Ꞌ-sɑŋ fú nɛfɑŋ ḿvu, ḿbɔ́ ŋ́kʉ́ pɑ́Ꞌ mɑ́mɑ́ kyɛꞋ-múk ẅi pɛ́ lyɛtnɛ lɑ́, ḿvu pɔ́Ꞌɔ, ŋ́ɡɑ́ tɑ́Ꞌ nji nǔu mɛŋki ɡwɛ́ nji yɛ́tɑ́t tɛ mbɑ nǔu mɛsɑ́Ꞌŋki.

Mɛnu ɛ́ ńdɑ́Ꞌ ńcẅɛt 8:12

Cʉ̈ɔꞋ-Sɛ́ mbɑ́ɑtɛ yɛ́nɛ́kwɑ tɔ́ŋ wɛ́ ntɑŋ. Yúu lɛɛ nǔu tɑ́Ꞌ nji-lík-nɛm nǔu nji yɛ́tɑ́t, ńdɛɛ nǔu tɑ́Ꞌ nji-lík-sɑŋ nǔu nji yɛ́tɑ́t, ńdɛɛ nǔu tɑ́Ꞌ nji pɛcʉ̈ɔ́Ꞌ-sɑŋ nǔu nji yɛ́tɑ́t nɛpɔ́ yi pɔ́p kii ŋ́kyɛꞋ zʉꞋ pɔ́, nɛnɛm ɡʉ ḿbɛ́ tɑ́Ꞌ nji nǔu nji yɛ́tɑ́t, nɛtúꞋ pɛn ḿbɛ́ yɛ́ tɑ́Ꞌ nji nǔu nji yɛ́tɑ́t.

Mɛnu ɛ́ ńdɑ́Ꞌ ńcẅɛt 8:2

N jʉ́ɔ pɛ́ ɡɑ́ mɛntɑŋ Sɑɑmbɑ́ mbɔ̌ pɛcʉ̈ɔ́Ꞌ-Sɛ́ sɑɑmbɑ́ pi pɔ́p ntʉ́ʉnɛ mbi Sɛ́.

Mɛnu ɛ́ ńdɑ́Ꞌ ńcẅɛt 9:2

Cʉ̈ɔ́Ꞌ-sɑŋ ɛ̂wɑ́ tsɔ́Ꞌ ntsu-nɛpʉ́ kɛ́ ndúŋ. Ndíndí fú zúꞋu ŋ́kɔ́Ꞌ pɑ́Ꞌ ndíndí ẅí ɛ́ fúnɛ zʉꞋ yi pɛ́ ńtɔɔ tsɑ́Ꞌ zúꞋu lɑ́. Ẅîwɑ́ ndíndí jʉ́ zʉꞋ tɛ pɛ́ pɔɔ pɛn ńjʉ́ɔ sɑ̌ɑ yúu pɔ́ mbɑ lík-nɛm.