Mɛnu ɛ́ ńdɑ́Ꞌ ńcẅɛt 8:7 - Kɑɑ Fí

⁷ Nduŋmbi tɔ́ŋ yɛ́ ntɑŋ. Pɛ́ mɑꞋ mɛzẅii nɛ́ múk ndǔ tsɛ́tsɑ́Ꞌ. Ɛ́ ɡɔ́ ḿbɔ́ mbɔ pɛ́ tɛmtɛ mɛci nǔu. Tɑ́Ꞌ nji nǔu tsɛ́tsɑ́Ꞌ nji yɛ́tɑ́t, pûu ɛ́shí nɛ́ mɛtʉ́, pɔ́p nɛɡíi ẅi ɛ́ wɛ fɛ́.

Mɛnu ɛ́ ńdɑ́Ꞌ ńcẅɛt 8:7 Խաչաձեւ Հղումներ

Jɑ̂k 1:11

Mɔ́nɛm tɑ́ tɛꞋ ńtɔɔ nɛɡíi ɛ́ zúu, tɔ̌ɔtɔ̌ɔ vu, wɛ nɛpɔŋ lɔk ḿmɛ, ɛ́ ndʉ́ŋndʉŋ pɑ́Ꞌ ŋɡɑŋyúu ɡʉ ŋ́ɡɛ ḿmɛ mɛfɑꞋ mɛ́ pfú.

1 Pyɛ̂ 1:24

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: Ŋumɛsɔŋ tsʉʉ pɔ́ pɔ pɑ́Ꞌ nɛɡíi. Wɛ nɛɡúꞋ tsʉʉ pɔ́ pɔ pɑ́Ꞌ tɔ̌ɔtɔ̌ɔ-nɛɡíi ẅi ɑ ŋkɑ́Ꞌ lɑ́. Nɛɡíi lɛɛ tɛ ńzúu, tɔ̌ɔtɔ̌ɔ tsɔ́Ꞌnɛ ḿvu sɛ́.

Mɛnu ɛ́ ńdɑ́Ꞌ ńcẅɛt 12:4

A kɑ pɔ́ ńdɔk sɑ́ŋ wɛ́ ńzʉk tɑ́Ꞌ nji nǔu Pɛcʉ̈ɔ́Ꞌ-sɑŋ nji yɛ́tɑ́t, ḿbʉ̈ɔt ndǔ tsɛ́tsɑ́Ꞌ, ńtʉ́ʉ mbi mɑŋɡɛ́ ɛ̂wɑ́, ḿbɔ́ ḿbyɛ́p pɑ́Ꞌ ɑ ɡʉ ḿbí ɑ ɡɔ́ɔ ńtíi mɔ́ɔ ḿmi.

Mɛnu ɛ́ ńdɑ́Ꞌ ńcẅɛt 16:2

Nduŋmbi ɡʉ ńtswɛt yɛ́ ntúꞋ ndǔ tsɛ́tsɑ́Ꞌ. Yɛcɔ́ ntɛ́ mɛfʉ́ŋ mi ɛ́ zɑ́ŋ pɑ́Ꞌtɛ, cẅɛt nǔu pʉɔmɛsɔŋ pi pɛ́ kɑ cʉɔꞌ lii-ŋkʉꞋnɛ nɑɑ nǔu pɔ́p, pɔ́p pɛn ḿbɔ́ ŋ́ɡúꞋlɛ tɛ́tɔ́k-ŋkʉꞋnɛ nɑɑ ɛ̂wɑ́.

Mɛnu ɛ́ ńdɑ́Ꞌ ńcẅɛt 16:21

Mɛmɑ́ mɛzẅii mi ɛ́ jʉ́nɛ kílɔ mɛɡɛ́mɛ́nɛ́kwɑ, fú tʉ́ ḿvutɛ nǔu pʉɔmɛsɔŋ. Pʉɔmɛ́sɔŋ zɔɔtɛ Sɛ́, mbíꞋ ŋɡʉ̈ɔ́Ꞌ yi pɔ́p jʉ́ɔnɛ, ɛ́ fú nǔu mɛzẅii, mbíꞋŋɡɔ yɛ́tɛ́ ŋɡʉ̈ɔ́Ꞌ lɑ́ tɛn tɛꞋ.

Mɛnu ɛ́ ńdɑ́Ꞌ ńcẅɛt 6:8

N diŋɛ ńjʉ́ɔ wɛcɔ́ lʉ́ɔ cẅɛt, ŋ́ɡɛ́p sʉ́ʉ sʉ́ʉnɛ. Lík-ŋu ẅí ɑ nɑ́ŋnɛ ndǔ pɔ́ ŋɡɔ nɛvú. ZʉꞋ yí pɛpfú zúꞋu pɔ́ nzʉʉ yɛ́. Pɛ́ ɡɑptɛ ndǔ tsɛ́tsɑ́Ꞌ nji yɛ́nɛ́kwɑ, ŋ́ɡɑ́ tɑ́Ꞌ nji ŋɡɔ pɔ́p sɑ́Ꞌ nɛpɔ́ yi pɔ́p ɡʉ ńdɔk níi-ntsɔ, ńdɔk cʉ́, ńdɔk ɡwɑ́Ꞌ mbɑ mɛnɑɑ-tɛt, ńjẅítɛ pʉɔ nǔu yîyɑ́ ɡúŋ.

Mɛnu ɛ́ ńdɑ́Ꞌ ńcẅɛt 7:1

M bɑ́ɑtɛ ńjʉ́ɔ pɛcʉ̈ɔ́Ꞌ-Sɛ́ pɛ́nɛ́kwɑ ndǔ tsɛ́tsɑ́Ꞌ, tʉ́ʉtɛ nǔu mɛshʉ́ mɛ́nɛ́kwɑ, ḿbɔ́ ńtɔꞋ mɛfɛfʉɔt mɛ́nɛ́kwɑ mí ɛ́ ndǔ tsɛ́tsɑ́Ꞌ, nɛpɔ́ yi yɛcɔ́ fɛfʉ̈ɔt kíi ńdɛɛ ndǔ tsɛ́tsɑ́Ꞌ pɔ́, ŋ́kɛ́ mbɔɔ lɛɛ ndǔ ŋki kɛ́ nɛpɑt pɔ́, ɛ́ kɛ́ mbɔɔ tsʉ́Ꞌnɛ yɛcɔ́ tɑ́Ꞌ tʉ́ pɔ́.

Mɛnu ɛ́ ńdɑ́Ꞌ ńcẅɛt 9:15

Pɛ́ ɡɔ́ɔ ŋ́kɛ́ ŋ́kyɛ́Ꞌtɛ mɛzẅikŋɛ kɛpɔŋ ɛ̂mɑ́ mɛ́nɛ́kwɑ. Mbɔ Sɛ́ kɑ niitɛ wɔ́p ńdɔk ńzẅíꞋlɛ yîyɑ́ lɛ́Ꞌlɑ́Ꞌ, ẅîwɑ́ sɑŋ, yîyɑ́ ŋɡuꞋ, nɛpɔ́ yi pɔ́p ɡʉ ńjẅí tɑ́Ꞌ nji nǔu pʉɔmɛsɔŋ nji yɛ́tɑ́t.

Mɛnu ɛ́ ńdɑ́Ꞌ ńcẅɛt 9:18

Múk ɛ̂wɑ́, pɔ́p ndíndí, mbɑ pɔ́p yîyɑ́ ntɛ́ mɛkɑɑ, ɛ́ yúu mɑ́ yi ɛ́ ɡɑ́nɛ ŋɡʉ̈ɔ́Ꞌ, mbɔ ɛ́ kɑ pɔ́ ɛ́fú ntsu-pɛlʉ̈ɔ́ ńcẅɛt lɑ́, ɛ́ kɑ jẅí tɑ́Ꞌ nji nǔu pʉɔmɛsɔŋ nji yɛ́tɑ́t.

Mɛnu ɛ́ ńdɑ́Ꞌ ńcẅɛt 9:4

Pɛ́ cú mbɔ̌ pɔ́p ŋɡɔ kɔɔ pɔ́p ɡɛ nu kɛpɔŋ nǔu nɛɡíi, ŋɡɔ kɔɔ pɔ́p ɡɛ nu kɛpɔŋ nǔu yɛcɔ́ yúu mi ɛ́ sɑ́Ꞌnɛ ndǔ tsɛ́tsɑ́Ꞌ, kɛ́ pɔ́ ŋ́ɡwɛtnɛ, ŋɡɔ kɔɔ pɔ́p ɡɛ nu kɛpɔŋ nǔu yɛcɔ́ tʉ́, ŋɡɔ pɔ́p ɡɛ nu kɛpɔŋ pɔ nǔu pʉɔ pí lii-Sɛ́ kɑ́ pɔ́ nǔu nɛzíi nɔ́p pɔ́.