Mɛnu ɛ́ ńdɑ́Ꞌ ńcẅɛt 6:2 - Kɑɑ Fí

² N diŋɛ ńjʉ́ɔ, tɑ́Ꞌ fúfú lʉ́ɔ cẅɛt, ŋu ẅí ɑ nɑ́ŋnɛ ndǔ ɡẅɛɛ kyɛꞌ. Pɛ́ ɡɑ́ cɔꞋ-nɛfɔɔ mbɔ̌ wɛ́. A pɔ́ ŋ́ɡʉ, ńnɛn ńtɔɔ mɛŋɡuŋ, ḿbɔ́ ɛ́sɑ́Ꞌ.

Mɛnu ɛ́ ńdɑ́Ꞌ ńcẅɛt 6:2 Խաչաձեւ Հղումներ

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

1 Kɔlɛ̂ŋtɛ 15:25

Kɛlístɔ zɛɛ ŋ́ɡẅɛɛ nɛpɔ́ ɛ́sɑ́Ꞌ mbí tɛ ŋ́kúu ŋkɑ́ yi Tɑ́t wɛ lɔknɛ pɛɡɑŋ mbuu pɛ́ ŋ́ɡɛ zʉꞋ yi jʉ́ Kɛlístɔ ɡʉ tík mɛku mɛ́ zúꞋu.

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 11:18

Ŋɡɔŋ nɛ ŋɡɔŋ kɑ zɑ́ŋ lɔ́ŋ, lɑ́ yú ŋkɑ́ yi ɔ ɡʉ ńnyɛt yú zɑ́ŋ lɔ́ŋ tɔ́, ḿbɛn ḿbɔ́ ŋkɑ́ yi ɔ ɡʉ ńzɑ́Ꞌ ntsɑŋ-pɛpfúsɛ́, ḿbɔ́ ŋkɑ́ yi ɔ ɡʉ ńtsɔ́Ꞌ fɑꞋ ɡɑŋfɑꞋ pú, pɑcẅiŋkʉʉ pú, ńtsɔ́Ꞌ fɑꞋ-pʉɔ pú, pʉɔ pi pɔ́p ŋ́ɡúꞋlɛ́nɛ lík Yú, mbɔ́ŋkʉ̈ɔ́ mbɑ pɛlʉ́m, ḿbɛn ḿbɔ́ ŋkɑ́ yi ɔ ɡʉ ɛ́sɑt pʉɔ pí pɔ́p júknɛ ḿbʉ́ʉpɛ ndǔ tsɛ́tsɑ́Ꞌ.»

Mɛnu ɛ́ ńdɑ́Ꞌ ńcẅɛt 14:14

N jʉ́ɔ pɔ yúu tɛ ḿbɔ́tnɛ ńnɑ́ŋ, ŋ́ɡɔ́ɔ ńjʉ́ɔ wɛcɔ́ fúfú mɛlɑ́ɑ, ŋu ńnɑ́ŋ ndǔ ḿbɔ́ pɑ́Ꞌ mɔ́ɔ-ŋumɛsɔŋ lɑ́, ńtɔꞋ cɔꞋ-nɛfɔɔ ní pɛ́ kɑ lɔknɛ tʉ́n-ŋɡɔ̂l ńniitɛ, ŋ́ɡẅɛɛ yɛcɔ́ ntɛ́ níi yi pɛ́ lɔknɛ ńdɑk yúu ŋkɑ́Ꞌ, ɛ́ pɔ́ ńcʉ̈ɔ́k tɛꞋ.

Mɛnu ɛ́ ńdɑ́Ꞌ ńcẅɛt 15:2

M bɛn ńjʉ́ɔ yɛcɔ́ ntɛ́ tɛtɑ́ɑ, ɛ́ sɑŋtɛ pɑ́Ꞌ ŋki kɛ́ nɛpɑt, ḿbɔ́ síi pɔ pɑ́Ꞌ yɛcɔ́ ntɛ́ ŋɡɔꞋ yi pɛ́ fúŋnɛ ŋɡɔ Kɛlistɑl lɑ́. Ɛ́ ḿbɔ́ pɔ pɑ́Ꞌ ŋkɑ́ yi múk tsɛtú ḿbɔ́ ŋ́kyɛꞋ zʉꞋ lɑ́. Pʉɔ tʉ́ʉtɛ ndǔ, ḿbɔ́ pʉɔ pi pɔ́p mɑꞋnɛ ntsɔ tɛ ńdɛɛ ŋkʉꞋnɛ nɑɑ, pʉɔ pí pɔ́p ŋ́kɑɑ tɛ́tɔ́k wɛ ɡúꞋlɛ, ŋ́kɛ́ mbɔɔ pɛ́m pɛ́ ŋwɑꞋnɛ mɛnɔ́mbɑɑ mí ɛ́ lɛ́Ꞌlɛ́nɛ lík yɛ́ nǔu pɔ́p pɔ́. Pɛɡɑŋ ɡẅɛɛ mɛcɔ́ mɛntɛ́ nɛlúŋ mbɔ́ pɔ́p, ɛ́ pɔ́ mi Sɛ́ kɑ ɡɑ́nɛ mbɔ̌ pɔ́p.

Mɛnu ɛ́ ńdɑ́Ꞌ ńcẅɛt 17:14

Pɔ́p ɡʉ ḿmɑꞋ Mɔ́ɔ-Njinjɔ nɛ́ ntsɔ, lɑ́ ɑ kɛ́ ńdɛɛ wɔ́p, mbíꞋŋɡɔ ɑ Tsɑpʉɔ pɛtsɑpʉɔ, ḿbɔ́ Fɔɔ pɛfɔɔ. Pʉɔ pí ɑ kɑ fúŋnɛ wɔ́p, ńtsɔ́Ꞌ wɔ́p, pɔ́p jí pɔ́ ndɑꞋ wɛ́, pɔ́p pɛpɔ́p lɛɛ nɑɑ ɛ̂wɑ́.

Mɛnu ɛ́ ńdɑ́Ꞌ ńcẅɛt 19:14

Mɛnɔɔ-ntsɔ mi ɛ́ tʉ́nɛ́pú ḿbɔ́ nzʉʉ yɛ́, nɑ́ŋtɛ ndǔ pɛfúfú lʉ́ɔ, ḿmɑꞋ mɛndẅí tʉʉndɛn mi yɛcɔ́ pɑ́p kɑ́ pɔ́ nǔu pɔ́.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.

Mɛnu ɛ́ ńdɑ́Ꞌ ńcẅɛt 9:7

Yîyɑ́ ŋɡẅíimɛ kɑ pɔ́ pɔ pɑ́Ꞌ pɛlʉɔ́ pi pɛ́ niitɛ wɔ́p nɛlɔk ŋ́ɡʉ ńdʉ́ɔꞋ ntsɔ lɑ́. Yɛcɔ́ yúu kɑ pɔ́ tú pɔ́p, ḿbɔ́ pɔ pɑ́Ꞌ cɔꞋ-nɛfɔɔ yi pɛ́ kɑ lɔknɛ tʉ́n-ŋɡɔ̂l ńniitɛ lɑ́. Mɛshʉ́ mɔ́p pɔ́ pɔ pɑ́Ꞌ mɛshʉ́-pʉɔmɛsɔŋ lɑ́.