Mɛnu ɛ́ ńdɑ́Ꞌ ńcẅɛt 13:16 - Kɑɑ Fí

¹⁶ Nɑɑ mbɑ́ɑtɛ yɛ́pɑ́ ɡɛ nǔu ntɛ́ yi wɛ́tɛ́ lɑ́ ɡʉ ŋ́ɡẅɛɛ lii nǔu pɔ́ yɛ́ kɛ pɔ nǔu nɛzíi nɛ́ ɔɔ. Tɛ mbɑ pɑ́Ꞌ ɑ lɑɑ ḿbɔ́ pɔ mɔ́ɔ, ndʉ́m, ŋɡɑŋyúu, mbúŋ, ndẅíi kɛ ŋkwɑɑ ɔɔ.

Mɛnu ɛ́ ńdɑ́Ꞌ ńcẅɛt 13:16 Խաչաձեւ Հղումներ

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.

Mɛnu ɛ́ ńdɑ́Ꞌ ńcẅɛt 7:3

Kɔɔ pʉʉ ɡɔ́ɔ ŋ́ɡɛ nu kɛpɔŋ ndǔ tsɛ́tsɑ́Ꞌ. Kɔɔ pʉʉ ɡɛ nǔu ŋki kɛ́ nɛpɑt. Kɔɔ pʉʉ ɡɛ nǔu mɛtʉ́. Pʉʉ zẅíꞋlɛ tɛ pɛk cʉɔꞌ lii nǔu nɛzíi-pɑfɑꞋ fɑꞋ-Sɛ́ wɛk.

Mɛnu ɛ́ ńdɑ́Ꞌ ńcẅɛt 19:18

nɛkwɛ́t mbɑp-mbʉʉ-pɛfɔɔ. Nɛkwɛ́t mbɑp-mbʉʉ-pɛtɑ́tndɑ́-ntsɔ. Nɛkwɛ́t mbɑp-mbʉʉ-pɛtʉʉpʉɔ. Nɛkwɛ́t mbɑp-pɛlʉ́ɔ, mbɑ mbɑp-mbʉʉ-pʉɔmɛsɔŋ pí pɔ́p nɑ́ŋtɛ́nɛ ndǔ. Nɛkwɛ́t mbɑp-mbʉʉ-pʉɔmɛsɔŋ tsʉʉ. Pɔ́p pɑnɑ́ŋ ḿbɔ́ pɛlúunút kɛ pɑnɑ́ŋ ḿbɔ́ pɛkwɑɑ ɔɔ, mbɔ́ŋkʉ̈ɔ́ mbɑ pɛlʉ́m.»

Mɛnu ɛ́ ńdɑ́Ꞌ ńcẅɛt 19:5

Yɛcɔ́ ŋɡi-ŋu fú zʉꞋ-kɔꞋ-nɛfɔɔ ńcú ŋɡɔ: «Pʉʉ ɡúꞋlɛ Sɛ́ wɛkŋɛ, pʉʉ ɡɑŋfɑꞋ pɛ́ tɛ ḿmɛk wʉ́ʉ, pʉʉ mbɔ́ŋkʉ̈ɔ́ mbɑ pɛlʉ́m pi pʉʉ pɔ́knɛ wɛ́.»

Mɛnu ɛ́ ńdɑ́Ꞌ ńcẅɛt 20:12

M bɛn ńjʉ́ɔ pɛpfúsɛ́, pɛ pɛlʉ́m mbɑ mbɔ́ŋkʉ̈ɔ́, pɔ́p tʉ́ʉtɛ mbi kɔꞋ-nɛfɔɔ. M bɛn ńjʉ́ɔ pɑ́Ꞌ pɛ́ ŋíɛꞋnɛ mɛŋwɑꞋnɛ. Pɛ́ ɡɛ ḿbɛn ŋ́ŋíɛꞋ yɛcɔ́, ɛ́ pɔ́ yi pɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú. Pɛ́ lɔk yúu mi pɛ́ kɑ ŋwɑꞋnɛnɛ tsɛt mɛŋwɑꞋnɛ ŋ́ŋɑk pɛpfúsɛ́, ŋ́ŋɑk wɔ́p pɔ pɑ́Ꞌ mɛfɑꞋ mɔ́p kɑ pɔ́nɛ.

Mɛnu ɛ́ ńdɑ́Ꞌ ńcẅɛt 6:15

Pɛfɔɔ pí pɔ́p ndǔ tsɛ́tsɑ́Ꞌ, pɛmɑ́ pʉɔ, pɛtɑ́tndɑ́-pɑlʉ̈ɔ́Ꞌ ntsɔ, ɡɑŋŋkɑ́p, ɡɑŋmɛtʉʉ, pɛkwɑɑ tɛ mbɑ ndúunút. Pɔ́p pɛ́tsʉʉ lʉɔmɛ tsɛt mɛmvuꞋ mbɑ tsɛt mɛŋɡɔꞋ mí ɛ́ ndǔ mɛŋkɔ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 26:22

Lɑ́ m bɛ́t ɡú lɔ́Ꞌnɛ pɑ́Ꞌɑ, Sɛ́ pɔ́nɛ ŋ́kẅíipɛ wɑ́ɑ. M bɛn ḿbɔ́ ɛ́sẅíi mbɑ kʉ̈ɔ́ lɑ́ yi n jínɛ nǔu wɛ́, mbɔ̌ pɛlʉ́m mbɑ mbɔ̌ mbɔ́ŋkʉ̈ɔ́. Pɛ́ kɑ zɑ́Ꞌ njí ńcú mɛnu mi ɛ́ ɡʉ ńdɑ́Ꞌ lɑ́ ńtɔ́ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, mbɑ tsɛt ŋwɑꞋnɛ-Mɔ̌sɛ̂ɛ. Mɔ ḿbɔ́ ńcú pɔ yɛ́tɛ́.

Mɛnu ɛ́ ńdɑ́Ꞌ ńcẅɛt 15:2

M bɛn ńjʉ́ɔ yɛcɔ́ ntɛ́ tɛtɑ́ɑ, ɛ́ sɑŋtɛ pɑ́Ꞌ ŋki kɛ́ nɛpɑt, ḿbɔ́ síi pɔ pɑ́Ꞌ yɛcɔ́ ntɛ́ ŋɡɔꞋ yi pɛ́ fúŋnɛ ŋɡɔ Kɛlistɑl lɑ́. Ɛ́ ḿbɔ́ pɔ pɑ́Ꞌ ŋkɑ́ yi múk tsɛtú ḿbɔ́ ŋ́kyɛꞋ zʉꞋ lɑ́. Pʉɔ tʉ́ʉtɛ ndǔ, ḿbɔ́ pʉɔ pi pɔ́p mɑꞋnɛ ntsɔ tɛ ńdɛɛ ŋkʉꞋnɛ nɑɑ, pʉɔ pí pɔ́p ŋ́kɑɑ tɛ́tɔ́k wɛ ɡúꞋlɛ, ŋ́kɛ́ mbɔɔ pɛ́m pɛ́ ŋwɑꞋnɛ mɛnɔ́mbɑɑ mí ɛ́ lɛ́Ꞌlɛ́nɛ lík yɛ́ nǔu pɔ́p pɔ́. Pɛɡɑŋ ɡẅɛɛ mɛcɔ́ mɛntɛ́ nɛlúŋ mbɔ́ pɔ́p, ɛ́ pɔ́ mi Sɛ́ kɑ ɡɑ́nɛ mbɔ̌ pɔ́p.

Mɛnu ɛ́ ńdɑ́Ꞌ ńcẅɛt 11:18

Ŋɡɔŋ nɛ ŋɡɔŋ kɑ zɑ́ŋ lɔ́ŋ, lɑ́ yú ŋkɑ́ yi ɔ ɡʉ ńnyɛt yú zɑ́ŋ lɔ́ŋ tɔ́, ḿbɛn ḿbɔ́ ŋkɑ́ yi ɔ ɡʉ ńzɑ́Ꞌ ntsɑŋ-pɛpfúsɛ́, ḿbɔ́ ŋkɑ́ yi ɔ ɡʉ ńtsɔ́Ꞌ fɑꞋ ɡɑŋfɑꞋ pú, pɑcẅiŋkʉʉ pú, ńtsɔ́Ꞌ fɑꞋ-pʉɔ pú, pʉɔ pi pɔ́p ŋ́ɡúꞋlɛ́nɛ lík Yú, mbɔ́ŋkʉ̈ɔ́ mbɑ pɛlʉ́m, ḿbɛn ḿbɔ́ ŋkɑ́ yi ɔ ɡʉ ɛ́sɑt pʉɔ pí pɔ́p júknɛ ḿbʉ́ʉpɛ ndǔ tsɛ́tsɑ́Ꞌ.»

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

Ɛ́fɛ̂zɛ 6:8

Pʉʉ kẅíitɛ ŋɡɔ, ŋu lɑɑ ḿbɔ́ ŋkwɑɑ, kɛ mbɔɔ ŋkwɑɑ pɔ́ ɔɔ, mbɔ Tsɑpʉɔ ɡʉ ńdɑ́Ꞌ tsʉ́Ꞌ nɛɡɑ́ tsɔ́ꞋfɑꞋ mbɑ wɔ̌ lɑ́, nǔu pɔ pɑ́Ꞌ ŋɡɑŋ kɑ lɔknɛ ɛ́fɑꞋ sʉ́Ꞌnɛ pɔ́Ꞌɔ.

Ŋɡɑlɑ̂t 6:17

Tɛ fú lɔ́Ꞌnɛ, ḿbɑ́ɑ ŋu nɛlɑ́Ꞌ ḿbɛn ńdɔk yɔ nu ŋ́ɡɑ́ɑnɛ wɑ́ɑ. Mɛcʉ́-fʉ́ŋ mi ŋ ɡẅɛɛnɛ lɛ́Ꞌlɛ́nɛ ŋɡɔ mɔ ŋu-Yɛ́su.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

1 Kɔlɛ̂ŋtɛ 12:13

MbíꞋŋɡɔ Sɛ́ kɑ lɔk tɑ́Ꞌ Zẅikŋɛ wɛ́mɔ́Ꞌ ńtɛmtɛ wɛkŋɛ pɛtsʉʉ nɛpɔ́ yi pɛkŋɛ ɡʉ ńdɔk pɔ́Ꞌɔ, ḿbɔ́ tɑ́Ꞌ mbɑp-mbʉʉ, pʉɔ lɑɑ ḿbɔ́ pɔ pɑyúdɑ, kɛ pɔ pʉɔ pi pɔ́p kɑ́ pɔ́ pɑyúdɑ pɔ́ ɔɔ, mbɔ pɔ pɛkwɑɑ kɛ pɔ́ɔ-lɑ́Ꞌ ɔɔ, mbɔ Sɛ́ kɑ tɛmtɛ ńníꞋ tɑ́Ꞌ Zẅikŋɛ wɛ́mɔ́Ꞌ tʉ́m pɛkŋɛ pɛpɔ́p pɛtsʉʉ.

2 Timɔtɛ́ɛ 3:8

Ndʉ́ŋndʉŋ pɑ́Ꞌ ɛ́ kɑ pɔ́ yɛcɔ́ ŋkɑ́, Jɑnɛ̂s pɔ́p Jɑ́mbɛlɛs lʉꞋ nu yi Mɔ̌sɛ̂ɛ ḿbɔ́ ńzíꞋ lɑ́, pîpɑ́ pʉɔ pɛn ḿbɔ́ ńdʉꞋ nu yi ɛ́ nɛ́nẅín, pɔ́p pʉɔ pi kwɑŋɛ yɔ́p kɑ́ pɔŋ, pɔ́p ŋkɑɑ zɑ́p tʉ́m nǔu Sɛ́ tɛ ɛ́sẅíi nu pɔ́.