Mɑtʉ̈ɔ 25:8 - Kɑɑ Fí

⁸ Pi pɔ́p kɑ́ ɡẅɛɛ jínu pɔ́ lɑ́, cú mbɔ̌ pi pɔ́p ɡẅɛɛnɛ jínu ŋɡɔ: «Mɛ́k mɛkyɛꞋ sɛ́ ḿbɛ́, pʉʉ ɡɑ́ wɛ́k nɛ mɔ́zʉꞋ nǔu mɛɡwɛ́t mʉ́ʉ lɑ́.»

Mɑtʉ̈ɔ 25:8 Խաչաձեւ Հղումներ

Mɑtʉ̈ɔ 25:1

Yɛ́su pɛn ńcú ŋɡɔ: «Pɔ́Ꞌɔ lɑ́, nu-nɛfɔɔ-Sɛ́ ɡʉ ńdɑ́Ꞌ ɛ́fí nu-pɔ́ɔŋɡɔɔ nɛɡɛ́m pi pɔ́p kɑ tíinɛ mɛkyɛꞋ mɔ́p, ŋ́ɡʉ nɛzɑ́Ꞌ ŋu mbɛ́ɛnɛ ẅí ɑ ɡʉ ńzɔ́Ꞌ.

Mɑtʉ̈ɔ 25:7

Pɔ́ɔŋɡɔɔ pɑ́ pɛtsʉʉ ɡɔ́ɔ ńjʉɔmɛ, mbɑ wɔ̌ lɑ́ kɑꞋ ŋkʉ-lɑ̂m yɛ́.

Mɑtʉ̈ɔ 25:9

Pi pɔ́p ɡẅɛɛnɛ jínu pʉ̈ɔt ŋɡɔ: «Pɛk kɛ́ ɡɑ́ pɔ́, pɛk lɑɑ ŋ́ɡɑ́, mbɔ mɛ́k ɡʉ ńjɑ́k. Pʉʉ ɡʉ pɔ ndɑ́-mɛtɑ́ɑ ńzúu mʉ́ʉ.»

Mɑtʉ̈ɔ 3:9

Pʉʉ pɑ́ɑ nɛlɔk pɔ ndɑꞋ ntsu wʉ́ʉ ńcú ŋɡɔ: “Pɛk njẅɛt-Ábɛlɛhɑ̂m. Lɑ́ ŋ kɛ́ ɛ́sẅíi wʉ́ʉ, Sɛ́ kuꞋ nɛshɔt mɛŋɡɔꞋ mɔ ńdɔk ŋ́ɡɛ njẅɛt-Ábɛlɛhɑ̂m.”

Lúkɑ́shi 12:35

Pʉʉ niitɛ mbʉʉ yʉ́ʉ, ńdyɛt mɛkyɛꞋ, ńtíktɛ!

Lúkɑ́shi 16:24

Ŋɡɑŋkɑ́p zɛ nɛkíi ḿbúꞋ mbɔ́ mbɔ̌ ńcú ŋɡɔ: «Tɑ̌ɑ mɔ Ábɛlɛhɑ̂m, tsɑ́ɑ mɛjʉ́ŋ mɑ́ɑ, ńtúu Lɑzɑ̂ɑ, ɑ cʉɔꞌ mɔ́ɔ tɔ̂pɔ́ wɛ nǔu ŋki ńdɔk ńtɔ́, ńcʉ̈ɔ́kŋɛ nǔu lʉ́m yɑ́ɑ. MbíꞋŋɡɔ mɔ sɛ́ ńjʉ́ɔ ŋɡʉ̈ɔ́Ꞌ tsɛt múk wɔ tɛꞋ.»

Lúkɑ́shi 8:18

N dɔk ɛ́sẅíi wʉ́ʉ ŋɡɔ pʉʉ lɑk tú yʉ́ʉ nǔu ntɛ́ yi pʉʉ lɔknɛ ńzúꞋ sẅíŋɛ-Sɛ́, ŋu lɑɑ ŋ́ɡẅɛɛ yúu, mbɔ pɛ́ ɡɛ ŋ́kẅiꞋ. Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ ɡẅɛɛ yúu pɔ́, mbɔ pɛ́ ɡʉ ńcẅɛ́ɛ mɔ́zʉꞋ yí ɑ kwɑŋɛ́nɛ ŋɡɔ ɑ ɡẅɛɛ lɑ.

ŊwɑꞋnɛ-Gɑŋntúu Yɛ́su Kɛlístɔ 8:24

Símɔ̂ŋ tsɔ́Ꞌ ŋɡɔ: «KwɑꞋ pʉʉ cɛꞋlɛ́nɛ Tsɑpʉɔ nǔu tú yɑ́ɑ. Ɛ́ lɛɛ pɔ́Ꞌɔ, nu yí pʉʉ cúnɛ pɔɔ ɡɛ yúu nǔu mɔ pɔ́.»

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Mɛnu ɛ́ ńdɑ́Ꞌ ńcẅɛt 3:9

Ŋ ɡʉ ŋ́ɡɛ ɛ́fɛn pʉɔ-cúꞋlɛ-Sɑ́ttɑ mbɔ̌ pʉʉ, ḿbɔ́ ɡɑŋcɔtnu pi pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú. Mɔ, ŋ ɡʉ tsʉ́ʉnɛ wɔ́p, pɔ́p tɔ́ ŋ́kẅíꞋlɛ mbi pʉʉ, ḿbɛ́m ŋɡɔ ŋ kɔŋ wʉ́ʉ.