7 Pɔ́ɔŋɡɔɔ pɑ́ pɛtsʉʉ ɡɔ́ɔ ńjʉɔmɛ, mbɑ wɔ̌ lɑ́ kɑꞋ ŋkʉ-lɑ̂m yɛ́.
Yɛ́su pɛn ńcú ŋɡɔ: «Pɔ́Ꞌɔ lɑ́, nu-nɛfɔɔ-Sɛ́ ɡʉ ńdɑ́Ꞌ ɛ́fí nu-pɔ́ɔŋɡɔɔ nɛɡɛ́m pi pɔ́p kɑ tíinɛ mɛkyɛꞋ mɔ́p, ŋ́ɡʉ nɛzɑ́Ꞌ ŋu mbɛ́ɛnɛ ẅí ɑ ɡʉ ńzɔ́Ꞌ.
TʉʉtúꞋ ɡɛ kuꞋ, pɛ́ zúꞋ ŋu lɔk ŋɡi tɛnnɛ ŋɡɔ: «Ŋu ẅí ɑ ɡʉ ńzɔ́Ꞌ pʉ́ɔ ɑ tɔ́nɛ lɑɑ, pʉʉ cẅɛt ŋ́ɡʉ ńzɑ́Ꞌ wɛ́.»
Pi pɔ́p kɑ́ ɡẅɛɛ jínu pɔ́ lɑ́, cú mbɔ̌ pi pɔ́p ɡẅɛɛnɛ jínu ŋɡɔ: «Mɛ́k mɛkyɛꞋ sɛ́ ḿbɛ́, pʉʉ ɡɑ́ wɛ́k nɛ mɔ́zʉꞋ nǔu mɛɡwɛ́t mʉ́ʉ lɑ́.»
Pʉʉ niitɛ mbʉʉ yʉ́ʉ, ńdyɛt mɛkyɛꞋ, ńtíktɛ!
Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.
Pʉʉ jʉɔmɛ, ŋ́ɡẅɛɛ yɑ́ pfuꞋ yi ɛ́ sɛ́ ŋ́ɡʉ mɛkŋɛ ḿpfú lɑ́, ŋ́kúlɛ. N cú mbíꞋŋɡɔ n jʉ́ɔ mɛfɑꞋ mʉ́ʉ pɔ́ mbi Sɛ́ wɑɑ, sɑ̌ɑ tɑ́Ꞌ nǔu pɔɔ nɑ́ pɔ́ kɛ́ ɡẅɛɛ lɔ́Ꞌ pɔ́.
