Mɑtʉ̈ɔ 20:24 - Kɑɑ Fí

²⁴ Pɛcɔ́ ɡɑŋku-Yɛ́su nɛɡɛ́m pɔ́ tɛ ńzúꞋ nu yí pɔ́ɔ-Zɛ́bɛ́dɛ́ cúnɛ, ńzɑ́ŋ lɔ́ŋ ntɛ́ wɔ́p.

Mɑtʉ̈ɔ 20:24 Խաչաձեւ Հղումներ

Mɑtʉ̈ɔ 20:23

Yɛ́su cú mbɔ̌ pɔ́p ŋɡɔ: «Ɔ́ɔŋ pʉʉ ɡʉ ŋ́ɡɛ ńnɔ́ ntúꞋ yɑɑ. Lɑ́, ŋ́ɡʉ nǔu nɛtsẅíkŋɛ ŋu nǔu ɡúŋ-pɔ́ yɑ́ɑ yɛ tʉʉ kɛ pɔ yɛ ŋkẅɛpmɛ ɔɔ, mbɔ mɔ kɑ́ nɛ́ ɡẅɛɛ nɛɡɑ́ mbɔ̌ ŋu pɔ́. Tɑ̌ɑ mɔ sɛ́ jínɛ pʉɔ pí ɑ kɑ niitɛ́nɛ yîyɑ́ zʉꞋ ńdɔk ḿbyɛ́p wɔ́p.»

Mɑtʉ̈ɔ 20:25

Yɛ́su fúŋ wɔ́p pɛtsʉʉ, ńcú mbɔ̌ pɔ́p ŋɡɔ: «Pʉʉ sɛ́ ńjí ŋɡɔ pɛtɑ́ɑ-ŋɡɔŋ sɛ́ ɛ́sɑ́Ꞌ lɑ́Ꞌ, ńnɔꞋ pʉɔ nɔꞋnɛ, pɛmɑ́pʉɔ pɔ́ ɛ́fyɛ́t lɑ́Ꞌ fyɛ́tnɛ.

Mɑ́lɛ́kúshi 10:14

Yɛ́su jʉ́ɔ pɔ́Ꞌɔ, ɛ́ pɔɔ wɛ́ pɔŋ, ɑ cú mbɔ̌ ɡɑŋku pɛ́ ŋɡɔ: «Pʉʉ nɑ́ ɡɛ́ɡɛ́ mbɔ́ŋkʉ̈ɔ́ pɔ́p tɔ́ ŋ́kẅɛ́ɛtɛ wɑ́ɑ! Kɔɔ pʉʉ kíꞋ wɔ́p nɛtɔ́! Pʉɔ pi pɔ́p pɑꞋ mbɔ́ŋkʉ̈ɔ́ ɡẅɛɛnɛ nu nǔu Nɛfɔɔ-Sɛ́.

Mɑ́lɛ́kúshi 10:41

Pɛcɔ́ ɡɑŋku-Yɛ́su nɛɡɛ́m pɔ́ tɛ ńzúꞋ nu yí Jɑ̂k pɔ́p Jɑ̂ŋ cúnɛ, ńzɛ nɛzɑ́ŋ lɔ́ŋ ntɛ́ wɔ́p.

Lúkɑ́shi 13:14

Lɑ́ fɔɔ tsɛt yîyɑ́ ndɑ́-cúꞋlɛ Pɑyúdɑ jʉ́ɔ pɔ́Ꞌɔ, nu zɑ́ŋ wɛ́, mbíꞋŋɡɔ Yɛ́su ɡɛ ŋu fíitɛ lɛ́Ꞌnji. A cú mbɔ̌ lɑ́Ꞌ ŋɡɔ: «Mɛlɛ́Ꞌ-fɑꞋ pɑ́Ꞌɑ ḿbɔ́ pɛ́nɛ́ntúkú, pʉʉ nɑ́ŋ ńdɔk pɛ́ɡɔɔ pʉ́ʉ ńtɔ́ nǔu mîmɑ́ mɛlɛ́Ꞌ pɛ́ zɔŋ wɔ́p, kɔɔ pʉʉ tɔ́ lɛ́Ꞌnji!»

1 Kɔlɛ̂ŋtɛ 13:4

Ŋu ẅí ɑ kɔŋnɛ ŋumɛsɔŋ, ɑ ɡẅɛɛ kɔk mbʉʉ, ɑ cẅɛ́lɛ́ pʉɔ, ɑ kɑ́ ɡẅɛɛ kɛ́ɡʉ̈ɔꞋ pɔ́, ɑ kɑ́ nyɛt mbʉʉ yɛ pɔ́, ɑ kɑ́ ŋɑ́Ꞌlɛ pɔ́,

Filipɛ 2:3

Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́.

Jɑ̂k 3:14

Lɑ́ ŋ́kɛ́ ḿbɔ́ yi pʉʉ lɑɑ ŋ́ɡẅɛɛ kɛ́ ɡʉ̈ɔꞋ ẅi ɛ́ kɑ ɡɑ́Ꞌ mɔ́ mbɑ nyɛt mbʉʉ tsɛt tʉ́m pʉʉ, kɔɔ pʉʉ pɛn ŋ́ŋɑ́Ꞌlɛ ŋɡɔ pʉʉ pɑjínu, kɔɔ pʉʉ lɔk cɔtnu, ḿbík nu nɛ́nẅín.

1 Pyɛ̂ 5:5

Ɛ́ ɡʉ nǔu pʉʉ ɡúu pɔ́ɔsuu, pʉʉ ɡɑ́ mbʉʉ yʉʉ sɛ́ mbi pɑcẅɛ́ɛmbi tsɛt cúꞋlɛ, ŋ́ɡʉ nǔu pʉɔ tsʉʉ, kɔɔ pʉʉ pɔ́ ŋ́ɡɛ yɛcɔ́ yúu, tɛ ŋu wʉʉ kwɑŋɛ ŋɡɔ ɑ lɛɛ wɛcɔ́. MbíꞋŋɡɔ ŋwɑꞋnɛ-Sɛ́ cú ŋɡɔ: Sɛ́ lʉꞋ pɑŋɑꞋtɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pi pɔ́p kɔknɛ mbʉʉ yɔp ŋ́ɡɑ́ sɛ́.