Mɑtʉ̈ɔ 17:4 - Kɑɑ Fí

⁴ Pyɛ̂ ɡɔ́ɔ ḿvukŋɛ vukŋɛnɛ, ńcú mbɔ̌ Yɛ́su ŋɡɔ: «Tsɑpʉɔ, ɛ́ pɔŋ pɑ́Ꞌ pɛkŋɛ zɑꞋnɛ lɑɑ. Pɛ́m n nʉk mɛtɑp mɛ́ntɑ́t, tɑ́Ꞌ pɔ́ yú, tɑ́Ꞌ pɔ́ yɛ́ Mɔ̌sɛ̂ɛ, yɛcɔ́ pɔ́ yɛ́ Ɛlíyɑ.»

Mɑtʉ̈ɔ 17:4 Խաչաձեւ Հղումներ

Mɑtʉ̈ɔ 17:3

Pɔ́p jʉ́ɔ, mbɔ Mɔ̌sɛ̂ɛ pɔ́p Ɛlíyɑ vukŋɛ vukŋɛnɛ ńcẅɛt, pɔ́p pɛ́ Yɛ́su pɔ́ ɛ́sẅíŋɛ.

Lúkɑ́shi 9:33

Pɔ́p pɛ́pɔ́p kɑ tsʉꞋ ḿbɔ́ ŋ́ɡʉ pɔ ɛ́fyɑkŋɛ, Pyɛ̂ ɡwɛt ɡwɛtnɛ tɛ ńcú mbɔ̌ Yɛ́su ŋɡɔ: «Tɑ̌ɑ wɛk, pɛkŋɛ lɑɑ ńtsʉ́Ꞌ ńnɑ́ŋ pɔ zɑ́Ꞌnɛ, ɛ́ pɔ́ sʉ́Ꞌnɛ. Pɛ́m pɛk kút mɛntɑp mɛ́ntɑ́t, tɑ́Ꞌ pɔ́ yú, yɛcɔ́ pɔ́ yɛ́ Mɔ̌sɛ̂ɛ, yɛcɔ́ pɔ́ yɛ́ Ɛlîi.» Pyɛ̂ cú yɛ́ pɔ́Ꞌɔ, ḿbɔɔ ńjí yúu mi ɑ cúnɛ pɔ́.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Jɑ̂ŋ 7:2

Ɛ́ ɡɔ́ ḿbɔ́, ndínɑ-pɑyúdɑ yi pɛ́ fúŋnɛ ŋɡɔ ndínɑ-mɛntɑp pɔ́ ḿbɑ́ɑtɛ.

Filipɛ 1:23

Mɛnu mɛmbɑ́ mɔnɛ mbi mɔ. Mɔ sɛ́ ńtsɑ́ɑ nɛfú ndǔ tsɛ́tsɑ́Ꞌ ŋ́ɡʉ pɛk Kɛlístɔ tsʉ́Ꞌnɛ ńnɑ́ŋ. Ɛ́ yɑ́ɑ tú yi sʉ́Ꞌnɛ nǔu.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 21:23

Nɛŋwɑ́ŋɛ-Sɛ́ pɔ́ ŋ́kyɛꞋ yîyɑ́ tʉ́sɔŋ, kyɛꞋ-mɔ́ɔ-Njinjɔ pɛn ḿbɔ́ ŋ́kyɛꞋ wɛ́. Tɛ yîyɑ́ tʉ́sɔŋ pɔɔ pɛn ḿbɔ́ ńtsɑ́ɑ ŋɡɔ nɛm tɑ́Ꞌ zúꞋu pɔ́, ŋ́kɛ́ ḿbɔɔ ḿbɔ́ ńtsɑ́ɑ ŋɡɔ sɑŋ kyɛꞌ zʉꞋ zúꞋu pɔ́.