Mɑ́lɛ́kúshi 7:28 - Kɑɑ Fí

²⁸ Mɑŋɡɛ́ ɛ̂wɑ́ pʉ̈ɔt ŋɡɔ: «Tsɑpʉɔ, ɔ cú ɛ́sẅíi nu, lɑ́ pɔ́ɔ-mvú kɛ ńdɑklɛ mɛsɑɑ-yúu mi mbɔ́ŋkʉ̈ɔ́ sɛ́ ŋ́kwɛ́t yúu, ɛ́ vutɛ sɛ́.»

Mɑ́lɛ́kúshi 7:28 Խաչաձեւ Հղումներ

Mɑtʉ̈ɔ 15:27

Mɑŋɡɛ́ ɛ̂wɑ́ pʉ̈ɔt ŋɡɔ: «Ndɛ, ɔ cú sẅíinu lɑ́, mvú lɔ ńdɑklɛ mɛsɑɑ-yúu mi ɛ́ fúnɛ ndǔ tɑ́pɛlɛ-tɑ̌ɑ wɔp ḿvutɛ sɛ́.»

Mɑtʉ̈ɔ 5:45

Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡʉ ḿbɔ́ kwɑꞋ pɔ́ɔ-Tɑ̌ɑ wʉʉ ẅí ɑ tʉ́nɛ́pú. A ɡɛ mɔ́nɛm wɛ tɑ́ nǔu pʉɔ kɛpɔŋ mbɑ nǔu pʉɔ sʉ́Ꞌnɛ, ḿbɛn ŋ́ɡɛ mbʉŋ lɔ́ nǔu pʉɔ pinɛ pɔ́p ɡẅɛɛnɛ nɛpʉ́ʉ nɛ́ mbɑ pinɛ pɔ́p kɑ́ ɡẅɛɛ.

Mɑ́lɛ́kúshi 7:27

Yɛ́su tsɔ́Ꞌ mbɔ̌ wɛ́ ŋɡɔ: «Zɛɛ ńzẅíꞋlɛ mbɔ́ŋkʉ̈ɔ́ jʉ́ yúu tɛ ńzwɛ́t, ɛ́ kɑ́ pɔŋ nɛcẅɛ́ɛ yúu pɛjʉ́ mbɔ́ŋkʉ̈ɔ́ ḿmɑꞋ mbɔ̌ pɔ́ɔ-mvú pɔ́.»

Mɑ́lɛ́kúshi 7:29

Yɛ́su cú mbɔ̌ wɛ́ ŋɡɔ: «N zúꞋ ntɛ́ yi ɔ lɔknɛ ńtsɔ́Ꞌ, fɛ́Ꞌnɛ ŋ́ɡʉ, ɛ́ lɛɛ nǔu sẅiŋɛ yú, zẅikŋɛ kɛpɔŋ fú nǔu mɔ́ɔ nu ńcẅɛt.»

Pʉɔ-Lɔ́mɑ 10:12

Pɔ́Ꞌɔ lɑ́, yɛcɔ́ tɔŋ kɑ́ pɛn ḿbɔ́ tsɛtsɛt ŋu-Pɑyúdɑ pɔ́p ŋu ẅí ɑ kɑ́ pɔ́ ŋu-Pɑyúdɑ pɔ́ pɔ́. Pɔ́p pɛ́tsʉʉ tɛmtɛ ŋ́ɡẅɛɛ pɔ tɑ́Ꞌ Tsɑpʉɔ wɛ́mɔ́Ꞌ ẅí ɑ ɡɛnɛ mɛnu sʉ́Ꞌnɛ mɛ́ nǔu pʉɔ tsʉʉ pi pɔ́p lɑɑnɛ ɛ́fúŋ wɛ́.

Pʉɔ-Lɔ́mɑ 3:29

Ɛ́ pɛꞋnɛ ḿbɔ́ pɔ́Ꞌɔ, mbɔ Sɛ́ tsʉ́Ꞌ ḿbɔ́ pɔ wɛ pɑyúdɑ zɛ́nɛ pɔ́p, lɑ́ ɑ pɛn ḿbɔ́ Sɛ́-pʉɔ pinɛ pɔ́p kɑ́ pɔ́ pɑyúdɑ pɔ́.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.