1 Kɔlɛ̂ŋtɛ 15:34 - Kɑɑ Fí

³⁴ Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

1 Kɔlɛ̂ŋtɛ 15:34 Խաչաձեւ Հղումներ

Mɑtʉ̈ɔ 22:29

Yɛ́su pʉ̈ɔt mbɔ̌ pɔ́p ŋɡɔ: «Jínu yʉ́ʉ sɛ́ fʉ́klɛ wʉ́ʉ mbíꞌŋɡɔ pʉʉ kɑ́ jí yúu ɛ́ tsɛt ŋwɑꞋnɛ-Sɛ́ pɔ́, ḿbɛn ŋ́kɛ́ mbɔɔ jí pɑ́Ꞌ mɛtʉʉ-Sɛ́ pɔ́Ꞌɔ, pɔ́.»

Jɑ̂ŋ 5:14

Yɛ́su ɡɛ ńjʉ́ɔ wɛ́ tsɛt ndɑ́-nɔŋpɔꞋ, ńcú mbɔ̌ wɛ́ ŋɡɔ: «Ɔ lɑ́Ꞌ ɛ́fíitɛ sʉ́Ꞌnɛ, kɔɔ lɑ́Ꞌ ḿbɛn ŋ́ɡɛ nu kɛpɔŋ ḿbɔ́k yɛcɔ́ ŋɡʉ̈ɔ́Ꞌ nɛpɛn ŋ́kúu wú, tɛ ńtsɑ yi ɔ kɑ zɛɛnɛ ḿbɔ́ tsɛtú.»

Jɑ̂ŋ 8:11

A pʉ̈ɔt mbɔ̌ wɛ́ ŋɡɔ: «Sɑ̌ɑ ŋu mbɑ̌ɑ Ndɛ.» Yɛ́su cú mbɔ̌ wɛ́ ŋɡɔ: «Mbɑ mɔ yɑ́ɑ, ŋ kɛ́ tɛ́m wú pɔ́. Gʉ, kɔɔ lɑ́Ꞌ ḿbɛn ŋ́ɡɛ nu kɛpɔŋ.»

ŊwɑꞋnɛ-Gɑŋntúu Yɛ́su Kɛlístɔ 26:8

Pʉʉ ẅi pʉʉ sɛ́ ńzẅíꞋlɛ nu yí n cúnɛ lɑɑ, pʉʉ kɛ́ ńdʉꞋ nɛpɛ́m ŋɡɔ Sɛ́ lɑɑ ḿbɔ́ ɑ ńzẅíimɛ pʉɔ nǔu nɛvú mɛlɑ́Ꞌ kʉ̈ɔ́?

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 13:11

Pʉʉ sɑ́Ꞌ tʉʉ, ŋ́ɡɛ mîmɑ́ mɛnu mbíꞋŋɡɔ pʉʉ sɛ́ ńjí kɛm njí yi pɛkŋɛ nǔu. Yɔ ŋkɑ́ yi ɛ́ píkŋɛ́nɛ ŋɡɔ pʉʉ jʉɔmɛ. MbíꞋŋɡɔ ɛ́ ŋkɔ̂ɔnɛ, mbɔ ŋkɑ́ yi Sɛ́ ɡʉ ŋ́ɡɛ pɛkŋɛ luk, ɛ́ pɑ́ɑtɛ mɔ́, ńdɛɛ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́t ńzɛ nɛzɑ́p tʉ́m nǔu Sɛ́.

1 Kɔlɛ̂ŋtɛ 4:14

Ŋ kɑ́ pɔ́ ŋwɑꞋnɛ yɔ nu ńdɔk ńtɛ́m pɔ sʉ́ʉ nǔu pʉʉ pɔ́, n dɔk ńzíꞋ wʉ́ʉ pɔ nɛ́ yúu, mbíꞋŋɡɔ pʉʉ mbɔ́ŋkʉ̈ɔ́ pɑ́ɑ pi ŋ kɔŋnɛ wʉ́ʉ tɛꞋ.

1 Kɔlɛ̂ŋtɛ 6:5

N dɔk pɑ́Ꞌɑ ńtɛ́m sʉ́ʉ nǔu pʉʉ. Pʉʉ lɔk pɔ́Ꞌɔ, ńjɑ́k njínu tsɛtsɛt pʉʉ ẅi ḿbɔ́ ɑ́ ńnɛn kɛ̂m nǔu nu yi ɛ́ tsɛtsɛt ŋu-Kɛlístɔ pɔ́p wɛcɔ́ kɛkʉ̈ɔ́?

1 Kɔlɛ̂ŋtɛ 8:7

Lɑ́ pʉɔ tsʉʉ tsɛtsɛt pɛkŋɛ kɑ́nɛ jí ŋɡɔ mɛsɛ́ zɛɛ mbɔɔ tsuŋ ḿbɔ́ ɡú pɔ́. Ntí kɑ́ sɑk pɑ́Ꞌ yɛcɔ́ ntɑ́Ꞌ pʉɔ kɑ pɔ́ ŋ́ɡʉ zʉꞋ-yúu mi pɛ́ ɡúꞋlɛ́nɛ ŋɡɔ ɛ́ mɛcɔ́ mɛsɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pɔ́p kɑ pɔ́ ŋ́kwɛ́t pfuꞋ-mbɑp yi pɛ́ ɡɑ́nɛ nǔu yúu ɛ̂mɑ́ pɛ́Ꞌnɛ, ɛ́ pɔ́ mbɔ̌ pɔ́p, pɔ́p pɔ́ ńjí ŋɡɔ pɛ́ ɡɑ mbɔ̌ kwɑꞋ mɛsɛ́, mbɔ mbʉʉ yɔp ńtswɑ́ɑ wɔ́p. Tʉ́m yɔ́p yí ɛ́ pɛ́t ḿbɔ́t pɔ́tnɛ zúꞋ ńtíi ntsɛ́llɛ́.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

1 Tɛsɑlɔník 4:5

Tɛ ɑ pɔɔ pɛ́m kwɑŋɛ kɛpɔŋ ndǔmbí ɡúu pɑ́Ꞌ yi pʉɔ pi pɔ́p kɑ́ jí Sɛ́ pɔ́.