1 Kɔlɛ̂ŋtɛ 11:32 - Kɑɑ Fí

³² Lɑ́ Tsɑpʉɔ ŋ́ŋɑk wɛkŋɛ, ńdɔk ńtík wɛkŋɛ, ḿbɔ́k pɑ́Ꞌ mbɔ pɛ́ lɑ́Ꞌ ńtɛmtɛ wɛkŋɛ pɛ́ pʉɔ-ndǔmbí ŋ́ŋɑk.

1 Kɔlɛ̂ŋtɛ 11:32 Խաչաձեւ Հղումներ

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

Pʉɔ-Lɔ́mɑ 5:16

Yúu mi Sɛ́ ɡɑ́nɛ, kɑ fɑꞋ fɑꞋ sʉ́Ꞌnɛ. Yɛ́ fɑꞋ kɑ́ pɔ́ pɑ́Ꞌ yɛ́ nu kɛpɔŋ pɔ́. Nu kɛpɔŋ yi wɔ tɑ́Ꞌ ŋu wɛ́mɔ́Ꞌ kɑ fɑɑnɛ́nɛ, kɑ ɡɛ pʉɔ tsʉʉ vu ntsɑŋ. Lɑ́ Sɛ́ pɔ́ tɛ ŋ́ɡɑ́ fuꞋ níinɛ-pʉɔ, ɛ́ ɡɔ́ ḿbɔ́, mbɔ pɔ́p zɛɛ ɛ́fɑɑnɛ mɛnu tɛꞋ lɑ́, jʉ́ Sɛ́ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́, ntsɑŋ pɔɔ pɛn ŋ́ɡẅɛɛ wɔ́p pɔ́,

1 Kɔlɛ̂ŋtɛ 1:20

Jínu lɔk pɑ́Ꞌɑ ḿbɛn ḿbɔ́ ɡɔ́? Ŋkyɛ́Ꞌtɛ ŋwɑꞋnɛ-Sɛ́ pɔ́ ɡɔ́? Nzɔŋnu nǔu yɔ kɛm-njí pɔ́ yɛ́ ɡɔ́? Sɛ́ ŋkɑɑ kɛ́ ŋ́ɡɛ jínu-ndǔmbí tsʉ́Ꞌ mɛnu-pʉɔ pɔɔ?

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Kɔlɛ̂ŋtɛ 11:30

Ɛ́ yúu mi ɛ́ ɡɛnɛ lɑ́ pʉɔ tɛ ńzɑ́ɑ pɔ́ tsɛtsɛt pʉʉ, ḿbɔ́ ɡɑŋɡɔɔ. Pɛcɔ́ pɔ́ pɛkʉ́ɔ, mbɔ pɛcɔ́ kɑ pfutɛ mɔ́.

1 Kɔlɛ̂ŋtɛ 11:31

Pɛkŋɛ kɑ pɔ́ pɛ́Ꞌnɛ ḿbiitɛ ńtsɑꞋ mbʉʉ yɛkŋɛ, mbɔ ɛ́ lɑɑ ḿbɔ́ pɛkŋɛ lʉ́ɔꞋlɛ tɛ mbɔɔ vu ntsɑŋ mbi Sɛ́ pɔ́.

1 Kɔlɛ̂ŋtɛ 11:33

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑɑ ḿbɔ́ ŋkɑ́ yi pʉʉ cúꞋlɛ́nɛ nɛjʉ́ yúu, pʉʉ pyɛ́p pɛcɔ́ pʉɔ.

1 Timɔtɛ́ɛ 1:20

Ɛ́ tsɛtsɛt pîpɑ́ pʉɔ, Himɛnɛ̂ pɔ́p Lɑksɑ́ndɑ pɔ́ zúꞋu. Ŋ kɑ níꞋ pɔnɛ pʉɔ pɛ́pɑ́ nǔu mbɔ́-Sɑ́ttɑ. Nɛpɔ́ yi pɔ́p ɡʉ ŋ́kúu mbɔ̌ wɛ́, ńzíꞋ pɑ́Ꞌ pɔ́p kɛ́ pɛn ńjúk ḿbɔ́ ḿbʉ́ʉpɛ lík-Sɛ́ pɔ́.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.