1 Kɔlɛ̂ŋtɛ 10:6 - Kɑɑ Fí

⁶ Mɔnɛ mɛnu kɑ ɡɛ pɑ́Ꞌnɛ pɑ́Ꞌ pɛkŋɛ ɡʉ ɛ́fú nǔu ńdɑk tú yɛkŋɛ. Lɑ ɛ́ lɛɛ pɔ́Ꞌɔ, pɛkŋɛ pɔɔ tsɑ́ɑ yúu kɛpɔŋ pɑ́Ꞌ pɔ́p pɔ́.

1 Kɔlɛ̂ŋtɛ 10:6 Խաչաձեւ Հղումներ

Pʉɔ-Lɔ́mɑ 5:14

Tɛ mbɑ pɔ́Ꞌɔ, ɛ́fú nǔu ŋkɑ́-Adɑm ŋ́ɡʉ ŋ́kúu nǔu ŋkɑ́-Mɔ̌sɛ̂ɛ, nɛvú ɡẅɛɛ pʉɔmɛsɔŋ ŋ́ɡẅɛɛ mbɑ pi pɔ́p ŋkɑɑ ɡɛ nu kɛpɔŋ pɑ́Ꞌ Ádɑm ẅí ɑ kɑ fɑɑnɛ́nɛ nɛpʉ́ʉ ni Sɛ́ kɑ ɡɑ́nɛ mbɔ̌ wɛ́ pɔ́. Nu-Ádɑm fí yɛ́ ŋu ẅí ɑ kɑ pɔ́ ŋ́ɡʉ lɑ ńdɑ́Ꞌ ńtɔ́.

1 Kɔlɛ̂ŋtɛ 10:11

Mɔnɛ mɛnu kɑ ɡɛ wɔ́p pɑ́Ꞌɑ ńdɔk ńnyɛt fʉꞋ-nu. Pɛ́ kɑ pɛn ŋ́ŋwɑꞋnɛ pɑ́Ꞌ pɛkŋɛ pi pɛkŋɛ tsʉ́Ꞌ ḿbɔ́ pɔ nǔu ŋkɑ́ nɛlẅiklɛ lɑɑ ɡʉ ɛ́fú nǔu ńjínu.

Ɛ́bɛlʉʉ 4:11

Pɔ́Ꞌɔ lɑ́, pɛkŋɛ sɑ́Ꞌ tʉʉ, ŋ́kúu tsɛt wîwɑ́ mɔ́fíitɛ, pɛkŋɛ ɡɛ nǔu ntɛ́ yi wɛcɔ́ tɑ́Ꞌ ŋu nǔu pɛkŋɛ kɛ́ pɔ́ ŋ́ɡɛ tʉʉtú pɑ́Ꞌ pɛtɑ́t pɛkŋɛ, ɛ́sɑ́ɑ pɔ́.

Ɛ́bɛlʉʉ 9:24

Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.

2 Pyɛ̂ 2:6

Sɛ́ kɑ pɛn ńtɛ́m ŋɡʉ̈ɔ́Ꞌ nǔu pʉɔ-tʉ́sɔŋ-Sɔdɔ̂m pɔ́p nǔu pʉɔ-tʉ́sɔŋ-Ŋɡɔmɔ̂ɔ ńdɔk múk ḿbík wɔ́p, ńdɔk ńnyɛt pʉɔ kɛpɔŋ nɛ́ fʉꞋ yúu mi ɛ́ ɡʉ ŋ́ɡɛ ńtɔ́ nǔu pɔ́p.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.