ZEKHARIAH 9:17 - Lai (Hakha) Common Language Bible 2006

¹⁷ An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

ZEKHARIAH 9:17 Խաչաձեւ Հղումներ

ISAIAH 33:17

Ram kaupi a uktu siangpahrang sunparnak cu na mit in na hmuh ṭhan lai.

SOLOMON HLA 7:9

Na mi hnamh nih mitsur hang thaw bang, Nal ziahmah in hmur le ha cungah a lan kho bikcem.

SOLOMON HLA 5:10

Ka dawtte cu vang virverte le sen zilzel, Kan minung hawi thong hra vial lakah, a iangtu an um ri lo.

SALM 90:17

Bawipa kan Pathian, kan cungah na thluachuahnak cu um seh law kan thil timi kip ah khua awng kan pemhter ko! Kan thil timi kip ah khua awng kan pemhter ko!

SALM 50:2

Pathian cu Zion in ni bangin a rung tlang, dawhnak ah a tlingmi khua chung cun a rung tlang.

SALM 45:2

Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

SALM 36:7

Maw Pathian, zeitluk in dah na dawtnak hi a sun! Na thla tangah mi nih dornak an hmuh.

SALM 31:19

Nangmah an ṭihtu hna caah na chiahmi thil ṭha cu zeitluk in dah khuaruahhar an si. Mi kip hmuh ah na tuahmi thil ṭha cu zeitluk in dah khuaruahhar a si, nangmah an bochanmi cu na huhphenh hna.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOEL 3:18

Khi caan a phak tikah tlang hna cu mitsur dum nih a khuh dih hna lai i Fing kip ah saṭil run kha an tlong lulhmalh lai. Judah ram vialte caah ti tampi a um lai. Bawipa biakinn in tiva pakhat a luang lai i Shittim Nelrawn kha ti a pek dih lai.

JOEL 2:26

Atu cu ei awk tampi nan ngei cang lai i nan khim cang lai. Nannih nan caah khuaruahhar thil a tuahtu Bawipa nan Pathian kha nan thangṭhat lai. Ka mi cu zawmhtaih nan si ti lai lo.

JEREMIAH 31:12

Zion tlang par ah cun lawmhnak aw thawng he an ra lai, Bawipa nih ṭhatnak tampi a pek hna caah hmaipanh ngaiin an ra lai, Ṭhatnak a pekmi hna cu rawl le mitsur hang thar le chiti le tuurun chung i a no tete le cawrun chung i a no tete tampi kha an si. Ti toihmi dum bantuk an si lai i zeihmanh an chambau bal ti lai lo.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

SALM 145:7

Annih nih na ṭhatnak kha an chim lai, na velngeihnak kha hla in an sak lai.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

SALM 27:4

Bawipa cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte Bawipa inn chung i um le a ṭhatnak kha khuaruahhar in zoh le amah kha lam ka hruai tuah tiin hal cu a si.

JEREMIAH 31:14

Tlangbawi hna cu hi ram thau kha ka vuaiter hna lai i Ka mi hna cu ka ṭhatnak in an khim lai,” tiah Bawipa nih a ti.

SALM 144:12

Kan fapale hna cu an tlanval lioah, a ṭhawngmi thingkung bantuk si hna seh law, kan fanule hna cu bawi inn ṭamhnak tung bantuk si hna seh.