ZEKHARIAH 9:15 - Lai (Hakha) Common Language Bible 2006

¹⁵ Ralkapbu Bawipa cu an phaw a si lai; Annih nih an ral kha an tei hna lai, lung herh chehnak lung kha an lamh hna lai; Zuri bantukin an au cukmak lai i kheng bantukin an khat lai i biakṭheng kil bantukin cin cikcek in an um lai.

ZEKHARIAH 9:15 Խաչաձեւ Հղումներ

ZEKHARIAH 12:6

Khi ni ah cun Judah phun hna cu ramlak i meipung bantuk le facang phal a khang dihtu meizik tom bantuk ah ka ser hna lai. Annih nih an pawngkam i a ummi miphun vialte kha, keh he orh he, an khangh dih hna lai i Jerusalem mi tu cu an khua chungah him tein an um lai.

ZEKHARIAH 10:7

Cucaah Efraim mi cu ralkap bantuk an si lai, Mitsur hang a ding i aa lawmmi bantuk an si lai, An fapa hna nih cun an hmuh lai i an i lawm lai; Cucaah an lung cu Bawipa ah i lawm ko seh.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

EXODUS 27:2

A kil pali ah khan a fong na ser hna lai. Biakṭheng he khan an i peh dih lai i an ningpi cun dar in na tuam hna lai.

SALM 78:65

A donghnak ah Bawipa cu hngilh i hun i hlauh bantuk khin a hun i hlau; zu nih a tha a pawttermi ralkap ṭhawng bantuk khi a si.

LEVITIKAS 4:25

Cun tlangbawi nih sual thawinak thisen cu tlawmpal in a kutdong in a tawh lai i khangh thawinak biakṭheng ki ah cun a thuh hna lai i a tangmi a thi cu khangh thawinak biakṭheng hram ah cun a thlet lai.

LEVITIKAS 4:18

Cun sathi cu tlawmpal in tonnak thlam chungah a ummi biakṭheng ki ah cun a thuh lai, Bawipa hmaika ah cun; cu sathi a taangmi cu tonnak thlam innka ah a ummi khangh thawinak biakṭheng hram ah cun a thlet lai.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

1 KORIN 1:18

Vailamtahnak i Khrih a thihnak kong hi a tlau lio lengmangmi hna caah cun pakpalawng bia a si ko, sihmanhsehlaw khamh lio lengmangmi hna kannih caah cun Pathian hmual a si.

ZEKHARIAH 14:20

Khi ni ah cun raltuknak rangtum cung i dar khi-ing kha, “Bawipa caah a thiang,” tiin ṭialmi pakhat hmanh a um ti lai lo i Bawipa inn chung i a ummi um hna cu biakṭheng hmai i khengkuar bantuk an si lai.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

ISAIAH 55:1

Bawipa nih aa thawh i, “Ti a halmi paoh ra tuah u, hika ah hin ti a um. Tangka zeihmanh a ngei lomi hna ra tuah u, rawl kha i cawk u law ei tuah u. Ra u law mitsur zu le cawhnuk kha i cawk hna u — a man zeihmanh pek a hau lai lo.

ISAIAH 37:35

Keimah nih upatnak ka hmuh nakhnga le ka sal David sin i biakamnak ka rak sermi ruangah khan, hi khua cu ka hum lai i ka huhphenh lai,” a ti.

SOLOMON HLA 7:9

Na mi hnamh nih mitsur hang thaw bang, Nal ziahmah in hmur le ha cungah a lan kho bikcem.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

SOLOMON HLA 1:4

Zaṭial kut in ka hruai law kal hawl si, Mangbawi phunsang na suan run remh dal, chungchin ah ka luhpi ai law. Nang hnen ah cun kan meremte le lungriam in, Na vel ṭha cu mitsur hang nakin hei thangṭhat deuh sih, Ai! nang cu leng duhran cem na si.

1 SAMUEL 17:45

Cu tikah David nih cun Filistin mipa cu a thawh i, “Nang nih cun vainam le fei le fei nganpi he na ka chuahhnawh; sihmanhsehlaw kei nih cun ralkapbu Bawipa, Israel ralkapbu hna i an Pathian, na zawmhtaihmi min khan kan chuahhnawh.

LEVITIKAS 4:7

Cun tlangbawi nih tonnak thlam chung a ummi rimthaw zihmui biakṭheng ki hna ah cun, Bawipa hmaika ah, thi cu tlawmpal a thuh lai. Cun cawtum thi a taang mi cu tonnak thlam innka ah a ummi khangh thawinak biakṭheng hram ah cun a thlet lai.

JOB 41:28

Cantiang nih a tei lo, Lungherh chehnak lung hna cu a caah favai tluk men an si.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

ZEKHARIAH 2:9

An cungah ka kut ka hler cang, annih cu an sal hna caah khan hranchaw an si lai.