ZEKHARIAH 9:11 - Lai (Hakha) Common Language Bible 2006

¹¹ Nang tu cu, ka sin i bia naa kamnak, thisen in na fehtermi na biakamnak thawng khan, Vawlei tang thonginn chungin na thongtla hna cu ka chuah hna.

ZEKHARIAH 9:11 Խաչաձեւ Հղումներ

ISAIAH 51:14

Thong i a tlami kha tuan ah chuah an si lai; saupi an nung lai i an herhmi rawl kha an hmuh dih lai.

EXODUS 24:8

Cun Moses nih kheng chung thi kha aa lak i mi zapi cu a theh hna. Aa thawh i, “Bawipa nih hi nawlbia vialte hi an pek hna tikah nanmah he a sermi biakamnak a fehtertu cu hi thisen hi a si,” a ti.

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

1 KORIN 11:25

Cu bantuk ṭhiamṭhiam in zanriah ei dih in hrai kha aa lak i, “Hi hrai hi Pathian biakamnak thar, ka thi in ka fehtermi a si. Hi hrai nan din fate keimah philh lonak caah ding u,” a ti.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 49:9

Thongtlami cu, ‘Chuak u,’ ka ti hna lai i muihnak chung i a ummi cu, ‘Ceunak ah hung chuak u,’ ka ti hna lai. Annih cu tlang cung i a tlongmi tuu bantuk an si lai;

SALM 69:33

Sifahnak le retheihnak a ingmi hna thlacamnak cu Bawipa nih a ngaih i thong chungah a ummi hna kha a philh hna lo.

SALM 40:2

Ṭih a nungmi khor chung khan a ka chuah. nawncek khor chung khan a ka chuah Him tein lungpi cungah khan a ka ṭhutter i fek tein a ka umter.

MARKA 14:24

Jesuh nih cun, “Mi tampi ca i ka thletmi ka thi a si. Pathian biakamnak a fehtertu ka thi a si.

LUKA 22:20

Cu bantuk ṭhiamṭhiam in zanriah an ei dih hnuah hrai zong kha a pek hna i “Hi hrai hi nan caah ka thletmi ka thi in khenhchihmi Pathian biakamnak a si.

ISAIAH 58:12

Saupi a rawk cangmi nan inn le nan lo kha nan mi nih cun an remh ṭhan hna lai i hmasa a hlun hram ah khan an bunh ṭhan hna lai. A kuaimi thil kha a remh i a rawkmi inn kha a sa ṭhantu, ti nannih cu nan si lai,” a ti hna.

SALM 30:3

Mithikhua in na ka kirter ṭhan. Khor Thukpi chung i a vung kalmi hna sinah kaa tel ve nain, ka nunnak cu na ka pek ṭhan.

DEUTERONOMI 5:31

Sihmanhsehlaw nang cu, hika ah ka pawngah dir law, nawlbia vialte le phungbia le phunglam na cawnpiak laimi hna cu kan chimh lai, co awkah ka pekmi hna ram chungah an tuah hna lai, tiah a ti.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

ISAIAH 42:22

Sihmanhsehlaw atu ah cun a mi hna cu mi nih an ramh hna, vawlei tang thonginn chungah an khumh hna i thonginn chungah an hrenh hna. An ramh hna i an thil an chuh hna, ahohmanh a chanhtu hna an um lo.

JEREMIAH 38:6

Cucaah cun Jeremiah cu an lak i ralvennak inntual i a ummi tikhor ah khan an thlak, hri in an vun thlak. Khor chungah cun ti a um lo, nawncek lawng a um i nawncek chungah cun Jeremiah cu a pil.

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.

DANIEL 2:29

Maw siangpahrang, na ihkhun cung i na ih lioah hmailei thil kong kha na manh i biathli a phuang khotu Pathian nih zeidah a um dingmi thil cu an si kha an hmuhsak.

2 CHANRELNAK 7:17

Cun nangmah kong ah cun, na pa David nih a rak kal bantuk khan ka hmaiah na kal i nawl kan pekmi vialte ningin na tuah i ka nawlbia hna le ka phunglam hna cu na zulh hna ahcun,

2 SAMUEL 13:13

Keimah lei ca in chim ah, hi ka ningzahnak cu khuazei ah dah kaa phorh khawh lai? Cun nangmah ca zongah, nangmah cu Israel mi lak i horhrutmi pakhat na si ve ko lai. Cucaah siangpahrang sinah chim tuah, tiah kan nawl, nangmah vat cu a ka thlauh lem lai lo,” tiah a ti.

LUKA 16:24

Cucaah a hun kawh i, “Ka pa Abraham, ka zaangfah tuah. Lazaruh kha hei thlah law a kutdong kha ti ah va hnim seh law ka lei ah hin run ka thlerh seh, zeicahtiah hi mei chungah hin ka ngan a fak tuk hringhran,” tiah a ti.

HEBRU 10:2

Pathian a biami hna kha an sualnak thianhpiak rak si taktak hna seh law, kan sual tiah i phuhrunnak an ngei ti hnga lo i raithawinak vialte kha an rak ngol cang hnga.

JOB 33:30

Nunnak ceunak tling cu hmuh awkah Khor chungin a chuah ṭhan tawn hna,” tiah a ti.

ISAIAH 24:22

Pathian nih siangpahrang hna kha thongtla hna bangin khor chungah i tet tein a erh hna lai. An dantatnak ni a phak hlantiang thong ah cun a khumh hna lai.