ZEKHARIAH 7:14 - Lai (Hakha) Common Language Bible 2006

¹⁴ Cucaah an hngalh bal lomi miphun hna lakah ka dawi hna i an ram cu ṭiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.

ZEKHARIAH 7:14 Խաչաձեւ Հղումներ

2 CHANRELNAK 36:21

mah hihi Jeremiah kaa in Bawipa bia a chuakmi, ram nih a sabbath hna cu aa lawmhpi dih hlantiang, timi tlinternak caah khan a si. Kum sawm sarih tlinternak caah khan rawkral in a um chung vialte sabbath kha a ul ko.

SALM 58:9

An hngalh manh hlanah Pathian nih burbuk sam in a sam hna lai, an nun ko lioah Pathian nih a thinhun in thli choih in a choih hna lai.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

ISAIAH 60:15

“Hlawt na si ti lai lo i huat na si ti lai lo. Ṭiaotakmi khua, khua rop na si ti lai lo. Khua lianngan le khua dawh ah kan ser lai i. zungzal in zungzal tiang lawmhnak hmun ah kan ser lai.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

JEREMIAH 12:10

Tuukhal tampi nih ka mitsur dum kha an hrawh i ka lo kha an naan dih, Ka lo a ṭhami te kha thetse ram ah an ser dih,

JEREMIAH 23:19

A kangh in mi a kangmi thli, Bawipa sinin a chuakmi khi zohhmanh, Ṭotho phuchim a si khi! Miṭhalo hna lung chungah aa zi len ko.

JEREMIAH 30:23

Zohhmanh, zei bantuk thlichia dah Bawipa sinin a chuakmi khi a si? Zeizong vialte a phiak dihtu phuchim a si khih. Miṭhalo hna lu cungah cun aa zel;

JEREMIAH 36:19

Cun bawi hna nih cun Baruk cu an thawh i, “Va kal law nangmah le Jeremiah cu vaa thup u law ahohmanh nan umnak kha hngalhter hna hlah u,” an ti.

JEREMIAH 44:6

Cucaah Judah ram chung khua hna le Jerusalem khuachung lampi hna ah khan ka thinhunnak cu mei bantukin a kang i nihin i ṭiaotakmi hnawmpon an simi ah hin an cang.

JEREMIAH 5:15

Maw Israel innchungkhar, zohhmanh, Na cungah lamhlatpi in miphun phun khat ka ratpi lio, tiah Bawipa nih a ti. Cu miphun cu miphun ṭhawng ngai, hlan piin a rak ummi, An holh nan theih lomi miphun, an chimmi zong nan hngalh khawh lomi miphun a si.

JEREMIAH 52:30

Nebukhadnezzar a bawi kum kul le kum thum kum ah ralvengtu ralkap hna haotu Nebuzaradan nih Judah mi za sarih le sawm li le panga sal ah a kalpi hna; an dihlak ah thong li le za ruk an si.

EZEKIEL 12:19

Cun zapi cu, Jerusalem khua chung i a ummi hna le Israel ram kong i Bawipa bia cu hihi a si, tiah chim hna: ‘Annih nih rawl an ei tikah thinphang in an ei lai i ti an din tikah therphang in an din lai; ram chungah hin tuksapur thil a khat lai; zeicahtiah khika i a ummi hna cu zaang-ennak in an khat.

EZEKIEL 22:15

Nannih cu miphun hna lakah khan kan ṭhek hna lai i ram hlapi ah kan dawi dih hna lai; cuticun nannih cu nan i thurhhnawmhnak khan kan thianh hna lai.

EZEKIEL 5:10

Cucaah maw Jerusalem, na chungah hin pale nih an fale kha an ei hna lai i fale nih an pale kha an ei hna lai; na cungah hin biakhiahnak ka tuah lai i na chung i a tangmi hna paoh cu khuazakip ah ka ṭhek dih hna lai.

DANIEL 8:9

Cu hna lak i pakhat chung cun ki hmete pakhat a hung chuak i thlanglei le nichuahlei le ram vialte lak i ram ṭha cem cu a thazang kha khuaruahhar in a langhhnawh hna.

HOSEA 9:17

Annih cu ka Pathian nih a hlawt hna lai, Zeicahtiah a bia kha an ngai lo, Annih cu miphun hna lakah mivakvai an si lai.

JOEL 2:3

An hmaisuang pawl cu mei alh bantuk an si i an hnudawn pawl cu meizik bantuk an si; An hmaiah cun ram cu Eden dum bantuk a si, An hnu tu ah cun zeihmanh a um lomi thetse ram bantuk a si; Zeihmanh nih a celh hna lo.

LEVITIKAS 26:22

Nannih lak i sahrang cu ka thlah hna lai i nan fale kha an in sehpiak hna lai, nan saṭil kha an in hrawhpiak hna lai i an in tlawmter hna lai, cu caah nan lam hna cu an ṭhing dih lai.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

AMOS 1:14

Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

NAHUM 1:3

Bawipa cu phuchim le ṭotho in a kal i khuadawm hna cu a ke toi i leidip an si.

HABAKKUK 3:14

Na hriamnam in a lu cu na hliam i amah a zultu hna cu a sin khan thlichia nih a choih hna. Sifakmi hna cu an i thuhnak hmun ah khan ei awkah annih nih an kaa an i aan.

ZEFANIAH 3:6

Miphun cu ka hloh cang hna, an khuapi cu ka hrawh hna i an kulhnak vampang hna le innsang hna cu an tlu dih. An khualak lam hna cu ahohmanh an i chawh ti lonak thetse ram ah ka ser cang. An khuapi cu an rawk cang, chuahtak an si cang, mi an um ti lo.

ZEKHARIAH 2:6

Tho u, tho u, chaklei ram in zam u, tiah Bawipa nih a ti; zeicahtiah vancung thlitu pali hna bantuk khin nan thla kan zamter hna lai, tiah Bawipa nih a ti.

ZEKHARIAH 8:1

Ralkapbu Bawipa bia cu ka sinah a phan. Ralkapbu Bawipa bia cu hihi a si:

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

DEUTERONOMI 4:27

Cun Bawipa nih miphun hna lakah an ṭhek hna lai i Bawipa nih an dawi hna naklai miphun hna lakah tlawmte lawng nan taang lai.