ZEKHARIAH 7:12 - Lai (Hakha) Common Language Bible 2006

¹² An lungthin cu lung bantukin a hak: hlanlio profet hna thawngin a thlarau in ralkapbu Bawipa nih a cawnpiaknak hna kha i lak an duh lo; cucaah ralkapbu Bawipa thinhunnak ruangah cun fahnak kha an in.

ZEKHARIAH 7:12 Խաչաձեւ Հղումներ

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

LAMKALTU 28:27

Zeicahtiah hi mi hna lung cu a pit i an hna cu a chet i an mit cu a caw. Cuticun si hna hlah seh law cu an mit nih khan khua a hmuh hnga i an hna nih khan a theih hnga i an lung nih khan a hngalh hnga i Ka sinah khan an ra kir hnga i ka damter hna hnga, tiah Pathian nih a ti, ti hi a si,” tiah a ti.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

SALM 50:17

Kan chimhhrin hna lai, ka ti tikah nan duh ṭung lo, ka nawlbia kha nan hlawt ko ṭung hna.

MARKA 4:12

Cucaah Cathiang nih a chim bantukin, an zoh lengmang ko lai nain zeihmanh an hmu lai lo; an thei lengmang ko lai nain zeihmanh an hngal lai lo, zeicahtiah an hmuh i an hngalh sual ahcun Pathian lei ah an i mer sual lai i an sualnak kha a ngaihthiam sual ai hna hnga,” tiah a ti.

MATTHAI 13:15

Zeicahtiah cun, hi mi hna hi an lung a khong cang, an hna a pit i an mit kha an i chinh. Cuticun rak si hna hlah seh law cu an mit nih khua a hmuh hnga i an hna nih khua a theih hnga i an lung nih khua a hngalh ko hnga, Cun keimah leiah an i mer hnga i ka damter ko hna hnga, tiah Pathian nih a ti.’

EZEKIEL 2:4

An pupa thawk in nihin ni hrimhrim tiangin keimah kha an ka doh lengmang ko i atu i nangmah kan thlahnak zong hi mi lungṭhawng le mi lungkhong mi chan a si.

ISAIAH 6:10

Cun a ka thawh ṭhan i, “Hi mi hna nih an hmuh khawh nakhnga lo le an theih khawh nakhnga lo le an hngalh khawh nakhnga lo, an lung pihter hna, an hna chehter hna law an mit cawtter hna. An hmuh khawh le an theih khawh le an hngalh khawh ahcun keimah lei ah an i mer sual lai i damnak an hmu sual lai,” a ti.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

LUKA 8:12

Lam i a tlami thlaici cu, a theih cu a theimi an si ko: asinain khuachia nih a rathnawh hna i an lung chungin thlaici kha a chuahpiak ṭhan hna caah a zum lo i khamhnak a hmu lomi kha an si.

ZEKHARIAH 7:7

Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

JEREMIAH 17:1

Judah sualnak cu thir cafung in ṭial a si; an lungthin lungtlap cungah cun daimon zum in khenh a si i an biakṭheng ki hna ah cun anmah sual phawtu dingah suai an si.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

ISAIAH 48:4

Lunghak mi nan si lai ti kha ka hngalh cia, thir bantukin a ṭhawng i dar bantukin kuaih khawh lomi nan si.

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

EXODUS 7:13

Faro cu a lung a ṭhawng i Bawipa nih a chim bantukte khan an bia kha ngaih a duh lo.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 17:23

Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.

JEREMIAH 42:21

Atu cu kan chimh cang hna, sihmanhsehlaw Bawipa kan Pathian nih nanmah chimh a ka fialmi vialte kha a dihlak in nan al dih.

ZEKHARIAH 1:2

Cu bia cu, Bawipa cu nan pupa hna cungah a thin a hung ngaingai, ti a si. Mizapi cu chim hna law, mah hihi Bawipa bia a si tiah ti hna: “Ka sinah ra kir u law nan sinah ka ra kir ṭhan ve lai, tiah ralkapbu Bawipa nih a ti.