ZEKHARIAH 4:7 - Lai (Hakha) Common Language Bible 2006

⁷ Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

ZEKHARIAH 4:7 Խաչաձեւ Հղումներ

JEREMIAH 51:25

Maw Babilon, nang cu vawlei pumpi a hrawktu tlang bantuk na si, Nangmah cu kan ralchanh cang; Nangmah cu ka kut kan samhhnawh lai i Cangdonh lo na sermi ah cun kan hrilh lai i a kangmi tlang ah kan ser lai.

ZEKHARIAH 4:9

Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.

MIKAH 4:1

Hmailei caan ah cun Bawipa inn a umnak tlang cu tlang vialte lakah a sang bik a si lai; Cu tlang ah cun mi tampi kha an ra lai, phun tampi kha an ra lai i,

SALM 118:22

Inn satu pawl nih santlailo ah an rel i an hlawtmi lung cu, santlai bik lung a rak si ziar ko!

SALM 114:4

Tlang cu meheh bantukin an i hlok i tuu bantukin an pet i an choi.

1 PETER 2:7

Hi lung hi, a zummi nannih caah cun lung man sung ngaingai a si, sihmanhsehlaw a zum lomi hna caah cun, “Inn satu pawl nih an hlawtmi lung kha lung santlai bik ah a cang,” timi kha a si.

LAMKALTU 4:11

Cathiang nih, ‘Inn satu hna nih zei ah nan rel lomi lung cu, Lung santlai bik ah a cang,’ tiah a timi kha Jesuh hi a si.

ISAIAH 41:15

Facang tuknak fung, a thar i hahar an bunhmi bantuk ah kan ser lai. Tlang kha na rial hna lai i na hrawh lai; fing kha na hmawh dih hna lai i leidip ah an cang lai.

SALM 114:6

Tlang hna zeicahdah meheh bantukin nan i hlawh? Fing hna, zeicahdah tuu bantukin nan peh i nan choi?

ROM 11:6

A thim hna cu a zaangfah hna ruangah a si ko, anmah tuahmi ruangah a si lo. Zeicahtiah Pathian nih a thimmi hna cu anmah tuahmi ruangah a si ahcun a zaangfahnak cu zaangfahnak taktak a tling lomi pei a si hnga cu.

MIKAH 1:4

Mei nih khuaiseng kha a linh tikah a zor bantukin tlang hna cu amah toiah cun an zor i, Tlang pang ah ti an luan bantuk khin horkuang chungah an vung luang.

ISAIAH 28:16

Sihmanhsehlaw Bawipa Pathian nih a chimmi cu hihi a si: “Zion ah hin a fek i a ṭhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, ‘Zumhnak fek cu a lung zong a sau,’ tiah ṭial a si lai.

BIAPHUAN 16:20

Tikulh vialte kha an lo dih i tlang vialte zong kha an lo dih.

EFESA 2:20

Nannih zong lamkaltu hna le profet hna nih a hram an rak bunhmi cung i sakmi inn nan si ve cang i a kil lung cu Khrih Jesuh kha a si.

LUKA 20:17

Jesuh nih annih cu a zoh hna i, “ ‘Inn satu nih san a tlai lo tiin an hlawtmi lung kha innkil lung ah a cang,’ tiin Cathiang chungah a ummi bia hi tah a sullam zeidah a si kun?” tiah a hal hna.

LUKA 3:5

A kuarhnak hmun vialte kha rak chilh hna u law Tlang sang le fing bo kip kha rak rawnhter hna u; Lam aa ngerhmi kha rak dinter hna u, Lam bingbo vialte kha rak tlorhnalh hna u;

MATTHAI 21:42

Jesuh nih khan annih cu, “Cathiang nih: ‘Inn satu hna nih san a tlai lo tiin an hlawtmi lung cu lung santlai bik ah a cang; Cucu Bawipa tuahmi a si i khuaruahhar ngaingai a si tiah kan ruah,’ tiah a timi kha nan rel bal lo maw?

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

MARKA 12:10

Cathiang chungah: ‘Inn satu hna nih, santlailo tiin an hlawtmi lung cu santlai bik ah a cang.

MATTHAI 21:21

Jesuh nih cun, “Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, ‘I ṭhial law rili chungah i paih,’ nan ti ahcun aa ṭhial lai i aa paih ko lai.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

EZRA 3:10

Cun inn satu hna nih Bawipa biaknak inn hram kha an bunh tikah, Israel siangpahrang David lam hmuhsaknak ningin, Bawipa cu thangṭhat awkah, tlangbawi hna kha an thilthuam in an i fam i muko he an hung chuak, cun Levi mi hna, Asaf fapa hna kha an sumsel he an hung chuak;

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

ZEKHARIAH 4:8

Bawipa sinin bia dang pakhat a ra ṭhan: