ZEKHARIAH 14:12 - Lai (Hakha) Common Language Bible 2006

¹² Jerusalem a dohtu miphun vialte kha Bawipa nih a tuk lai i rai an in dingmi cu hihi a si lai; an dir ko lioah an sa kha a tlol lai, an mitkuak chungah an mit kha an thu lai, an kaa chungah an lei kha an tlol lai,

ZEKHARIAH 14:12 Խաչաձեւ Հղումներ

ZEKHARIAH 12:9

Khi ni ah cun Jerusalem doh awk i a rami miphun vialte hna hrawh awkah khan kaa thawh lai;

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

SALM 90:11

Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?

2 CHANRELNAK 21:15

nangmah cu paw fah zawtnak a fakmi na ngei lai i ni khat hnu ni khat in na ril cu cu zawtnak ruangah cun a chuak lai,’ a ti,” tiah a ti.

DEUTERONOMI 28:59

Bawipa nih nanmah le nan tefa hna cungah khuaruahhar a simi temhinnak, a fakmi le saupi a ummi temhinnak le a fakmi le saupi a ummi zawtnak hna cu nan cungah a tlunter lai.

DEUTERONOMI 28:22

Bawipa nih ngornak, taklinhnak, phinnak le niritnak, rocarnak, thutnak le buarnak in an hrem hna lai; nan rawk hlantiang an in dawi hna lai.

LEVITIKAS 26:28

keimah zong thinhun in nanmah ralchanh in ka kal ve lai i keimah hrimhrim nih nan sualnak caah khan a let sarih in kan chimhhrin hna lai.

LEVITIKAS 26:24

keimah zong nannih ralchanh in ka kal ve lai i keimah hrimhrim nih nan sualnak ruangah a let sarih in kan tuk hna lai.

LEVITIKAS 26:21

“Cun keimah ralchanh in nan kal i ka bia nan ngaih lo ahcun, nan cung ah hremnak, nan sualnak nakin a let sarih tam in ka tlunter lai.

LEVITIKAS 26:16

kei zong nih mah hihi nan cungah ka tuah ve lai: Nan cungah khulrang ṭihnung, tlumralnak le, mit a hrawktu le nunnak a zorter thluahmahtu ngornak ka tlunter lai. Cun nan thlaici thlakmi cu pakpalawng a si ko lai, zeitintiah nan ral hna nih an ei lai;

BIAPHUAN 17:16

Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

LAMKALTU 12:23

Herod nih Pathian kha upatnak a pek lo caah Bawipa vancungmi nih chikkhatte ah a vun tuk. Amah cu tholung nih an ei i a thi.

LEVITIKAS 26:18

Cun mah hi ti, ti zong i ka bia nan ngaih ṭhiamṭhiam lo ahcun nan sualnak ruangah a let sarih in kan chimhhrin rih hna lai i,

DEUTERONOMI 28:21

Co awkah nan luhhnawhmi ram in an thianh hna hlantiang, Bawipa nih rai kha nannih sinah a behter lai.

JOB 18:13

Zawtnak ṭha lo nih a pum cu a zual dih i a kutke hna cu an thu dih.

ZEKHARIAH 14:15

Cun rang le khacer le kalauk le laa hna le cu ralkapbu hna nih an hmanmi saram vialte cu thah an si dih lai.

ZEKHARIAH 14:18

Izipt ram chung i a ummi innchungkhar hna lakah a hung kal lo i khuapi chungah a lut lomi an um ahcun, puai tuah awkah a hung kal lomi miphun cungah Bawipa nih rawhralnak a tluntermi bantuk nih khan a tlunhnawh ve hna lai.

ZEKHARIAH 1:15

sihmanhsehlaw zaang awl ngaiin a um komi miphun hna an cungah hin ka thin a hung, zeicahtiah ka thinhunnak cu a nemte a si ko lioah khan, annih nih ṭhat lonak kha pakhat hnu pakhat an chap chin lengmang.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.