ZEKHARIAH 13:2 - Lai (Hakha) Common Language Bible 2006

² Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.

ZEKHARIAH 13:2 Խաչաձեւ Հղումներ

1 SIANGPAHRANG 22:22

Cun Bawipa nih, ‘Zei in dah na lem lai?’ tiah a ti. Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na lem khawh taktak lai; va kal law cu bangin va tuah,’ tiah a ti.

HOSEA 2:17

Baal hna min hrimhrim kha a hmur in ka hnawh hna lai i an min hi a chim in chim an si ti lai lo. Hihi Bawipa bia hrimhrim a si.

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

EZEKIEL 30:13

Mah hihi Bawipa Pathian bia cu a si: Nof khua bawi hna le siangpahrang hna cu an donghnak ka phakter hna lai i Izipt ram chungah siangpahrang pakhat hmanh a chuak ṭhan ti lai lo. Khi tikah khi ram chungah ṭihnak kha ka chiah lai i

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

LUKA 11:20

Beelzebul ṭhawnnak in khuachia kha ka ṭhawl hna a si ṭung lo, Pathian ṭhawnnak in pei a si deuh cu, cu nih cun Pathian Pennak kha nan sin a phan cang ti kha a langhter.

MATTHAI 12:43

“Thlarau ṭhalo pakhat cu minung chungin a chuah tikah ram rocar ah khan dinhnak hmun kawl ah a vak lengmang. A hmuh khawh lo caah

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

MIKAH 2:11

“A kenkip ah aa chawk i a lih le a hrokhrawl in, ‘Nan caah mitsur hang le zu cu a luan in an luang ko lai,’ tiah profet biachim in a chimmipa cu mi nih an duhmi profet cu a si.

EZEKIEL 37:23

An siasal hna le an tuahmi thil fihnung hna le zumhawktlak loin an rak umnak vialte khan an i thurhhnawmh ti lai lo; sualnak chung i an kir ṭhan tawnnak khan ka chuah hna lai i ka thianh hna lai. Cuticun annih cu ka mi ah an cang lai i kei cu an Pathian ah ka cang lai.

EZEKIEL 14:9

Profet pakhatkhat cu biachim khan leem khawh a si ahcun, a lemtu cu Bawipa ka si, ka kut ka chuah lai i amah cu Israel mi chungin ka chuah lai.

EZEKIEL 13:23

cucaah nan hlennak langhnak hna cu nan hmu ti hna lai lo i nan mangihnak cu nan hmang ti lai lo. Ka mi hna cu nan kut chung khan ka chuah hna lai i cuticun Bawipa ka si kha nan hngalh lai,” tiah a ti.

JEREMIAH 29:23

Annih nih mihrut bantukin thil an tuah caah hi ṭhat lonak hi an cungah a tlung lai — mi nupi cung sualnak an tuah i ka min in lih an chim. Mah hihi Bawipa duhnak he aa ralchanhmi a si; an tuahmi cu ka hngalh i an cungah tehte ka si, tiah Bawipa nih a ti.”

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

ISAIAH 2:18

siasal cu an lo dih lai.

SALM 16:4

Pathian dang a zuan lengmangmi nih cun, an cungah harnak an i tlunter. An raithawinak ah kaa tel duh lai lo i an pathian cu ka bia hna lai lo.

JOSHUA 23:7

Nannih nih hika i nan lakah a tang rihmi miphun hna he hin i cawh lo le, an pathian hna min kha chim lo le, cu hna cun chiatser lo le, an rianṭuan lo le an hmaiah kun loin,

DEUTERONOMI 12:3

an biakṭheng kha nan ṭheh dih hna lai i an lungphun kha nan den dih cikcek hna lai i, an Asherim cu mei in nan khangh hna lai; an pathian mui serchommi hna cu nan hau hna lai i cuka hmun i an min cu nan hrawh lai.

EXODUS 22:13

Sa nih a seh a si ahcun a ruak kha tehte caah a chuahpi lai; sa sehmi cu a cham awk a si lai lo.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

HOSEA 14:8

Israel mi nih siasal cu zei ah dah an i tuah ti hna lai? Ka chim cang i ka fehter cang. Cucu hihi a si: Nanmah dornak an petu hna farkung cu keimah ka si; Thluachuahnak nan hmuhmi vialte a hram cu keimah ka si.

EZEKIEL 6:6

Nan umnak hmun kip ah khan thisen aa nehmi biakṭheng cu an ṭhing lai i nan khuahrumbo cu an rawk lai. Nan biakṭheng cu an rawk an ṭhing dih lai i nan siasal hna cu an kek an kuai dih lai i santlailo an si lai, nan zihmui khanghnak biakṭheng hna cu chimh an si lai i thil nan tuahmi vialte kha hloh dih an si lai;

EZEKIEL 12:24

Hi hnuah cun Israel mi hna lakah langhnak deu a um ti lai lo i lih ṭawnchommi mangihnak zong a um ti lai lo,

EZEKIEL 36:29

An thurhhnawmhtertu hna thil vialte chung khan kan khamh hna lai; fangvoi cu ka kawh lai i tampi ka vuiter lai; nan cungah mangṭam ka tlunter ti lai lo.

DEUTERONOMI 18:20

Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.

EZEKIEL 43:7

A ka thawh i, “Mipa, ka bawiṭhutdan umnak hmun, ka ke chiahnak hmun, Israel mi sinah zungzal in ka umnak ding hmun khi na hmu maw? Annih nih siseh, an siangpahrang nih si hna seh, ka sinah zumhawktlak loin an umnak le an thih tikah an siangpahrang hna ruak in ka min thiang cu an thurhhnawmh ti lai lo.

HOSEA 2:19

Maw Israel, nangmah cu ka nupi ah kan lak lai i na cungah dinnak le zumhtlak in ka um lai; dawtnak fek le zaangfahnak dong lomi in kan dawt lai i Bawipa cu na ka hngalh lai.