ZEKHARIAH 12:7 - Lai (Hakha) Common Language Bible 2006

⁷ David tefa sunparnak le Jerusalem khua chung ummi hna sunparnak nih khan Judah sunparnak cu a lonh nakhnga lo, Bawipa nih Judah chungkhar hna kha a luatter hmasa bik hna lai.

ZEKHARIAH 12:7 Խաչաձեւ Հղումներ

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

ROM 3:27

A si kun ahcun, kan i uan khawh awk zeital a um maw? Um hlah. Zei ruangah dah? Nawlbia kan zulh ruangah maw? Si hlah. Sihmanhsehlaw kan zumh ruangah a si.

ZEKHARIAH 11:11

Cucaah cu ni ah cun hrawh a si i a ka zohtu, thil cawtu hna nih khan mah hihi Bawipa bia a si kha an hngalh.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

ISAIAH 23:9

Ralkapbu Bawipa a si! An tuahmi an i porhlawtnak kha donghter awkah le upatmi an mi hna kha ningzahnak ah phakter awkah Bawipa nih hi thil hi a tuah.

SALM 55:12

A ka nihsawhtu hi ka ral si seh law cu, ka in khawh ko hnga, ka cung i tluang a khawng lentu hi a ka dohtu kha si seh law cu, a ka hmuh khawh lonak hmun ah ka thuhtak diam ko hnga;

SALM 38:16

Harnak ka in ruangah ka ral hna hi diriam in umter hna hlah, ka tluk hi an i porhlawtnak ah canter hlah.

SALM 35:26

Ka nganfah innak i a di a riammi kha sung cikcek hna seh law khuaruahhar vansang au in um hna seh; amah nakin kan ṭha deuh aa timi kha ningzahnak le hmaichiatnak nih zual hna seh.

JOB 19:5

Sihmanhsehlaw nannih cu keimah nak ṭha deuh ah nan i ruat i Harnak ka inmi hi, a sual ruangah a si, nan ti.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

LUKA 10:21

Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.