ZEKHARIAH 11:16 - Lai (Hakha) Common Language Bible 2006

¹⁶ zeicahtiah ram chungah hin tuukhal pakhat ka chiah lai i a tlaumi kha zei ah a rel hna lai lo i lam a pialmi kha a kawl zong a kawl fawn hna lai lo, hma a ingmi kha a thlop hna lai lo i a zawmi kha a cawnghram hna lai lo, sihmanhsehlaw a thaumi sa kha a ei hna lai i an ruh a kiakmi cu a hlonh hna lai,” tiah a ti.

ZEKHARIAH 11:16 Խաչաձեւ Հղումներ

JEREMIAH 23:2

Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan ṭhek hna i nan dawi hna. Nan zohkhenh hna lo, sihmanhsehlaw ṭhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.

JOHAN 10:1

“Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.

EZEKIEL 34:21

A bami kha nan sir le nan liang in nan en hna, nan ki in nan suk hna i nan dawi dih hna i nan ṭhio dih hna.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

EZEKIEL 34:10

Hihi Bawipa bia cu an si: Tuukhal cu ka ralchanh hna i annih cu ka tuu kha ka pe hna u, tiah ka hal hna lai. Kha tuukhal hna kha ka hlawt hna lai: anmah zawn lawng i ruat in an um kho ti lai lo; ka tuu cu an kaa chung khan ka chuah hna lai i annih kha i cawmnak ah an hmang ti hna lai lo,” tiah a ti.

JEREMIAH 23:22

Ka khuakhannak chungah an rak i tel ve a si ahcun, Ka bia kha ka mi hna sinah thanh hna seh law, Ṭhat lonak lam an zulhmi le thil ṭhalo an tuahnak khan kirter hna seh.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

GENESIS 33:13

Jakob nih cun, “Bawipa, ngakchia cu thazang an ngeih lo le kan tuu le kan caw kha an fale hna he ka ruah hna awk a herh kha na hngalh. Fak tuk in kan kalpi hna ahcun, ni khat hmanh a si ah, a run ningin an thi ko lai.

GENESIS 31:38

Na sinah kum kul ka um i na tuu nih si hna seh na meheh nih si hna seh fa an hrulh bal lo, na tuurun chungin na tuukawng zong ka ei bal hna lo.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.