ZEKHARIAH 10:2 - Lai (Hakha) Common Language Bible 2006

² Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in.

ZEKHARIAH 10:2 Խաչաձեւ Հղումներ

MATTHAI 9:36

Mi zapi kha a hmuh hna tikah, khaltu a ngei lomi tuu bantukin lungrethei le awlokchong in an um kha a hmuh hna caah a zaang an fak ngaingai.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

EZEKIEL 34:5

Cucaah annih cu an i ṭhek dih, khaltu an ngei lo, ram sa seh awk men ah an cang.

JEREMIAH 27:9

Cucaah nan profet si hna seh, nan litin thiam si hna seh, nan mifim si hna seh, nan camhthiam si hna seh, nan eihthiam si hna seh, Babilon siangpahrang cu rian hlah u, tiin an in chimtu hna cu an bia ngai hlah u.

GENESIS 31:19

Laban cu a tuu hmul meh ah khan a kal i a um lo karah a pa ta a simi an chungkhar pathian hna kha Rachel nih a rak fir hna.

MIKAH 2:12

“Sihmanhsehlaw nannih Israel mi a tangmi vialte cu hmunkhat ah kan pumh hna lai. Tuukawm kawm khat chung i a ummi bantuk le tlonnak pakhat chung i a tlongmi tuu bantukin hmunkhat ah kan pumh hna lai i, Nan ram ah cun mi tampi thawngpang a leng lai,” a ti.

EZEKIEL 21:29

Nannih nih nan hmuhmi langhnak cu ahmaan lomi an si. Hmailei thil kong nan chim chungmi cu lih an si. Nannih cu miṭhalo, misual nan si i nan dantatnak ni cu a phan dengmang. Vainam cu nan hngawng cungah a tla lai.

EZEKIEL 21:21

Zeicahtiah Babilon siangpahrang cu lam an i ṭhennak, lam ṭeka ah khan li kha tin a hmang tawn. Camcawhnak thal kha a zoh hna i chungkhar siasal kha an ruahnak a hal hna, sa hnit kha a zoh hna.

ṬAHNAK HLA 2:14

Na profet nih an in hmuhpiakmi langhnak cu Ahmaan lomi le phuahchommi lawnglawng an si; Na sualnak kha i hngal lakin an in chim lo i Cucaah cun na cung i a tlung dingmi dantatnak nih an hrial kho lo. Annih nih an in hmuhpiakmi langhnak cu hlennak an si, a deu le dehnak an si.

JEREMIAH 51:23

Nangmah in tuukhal le a tuurun cu ka den hna, Nangmah in lei lettu le a rangtum hna cu ka den hna; Nangmah in ram ukbawi le ralbawi hna cu ka den hna, tiah a ti.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 37:19

‘Babilon siangpahrang cu nangmah doh awkah siseh, hi ram doh awkah siseh, a ra lai lo,’ a titu na profet hna kha tah khuazei ah dah an si kun?

JEREMIAH 29:8

Hi bangin Ralkapbu Bawipa, Israel Pathian nih a ti: Nan lak i a ummi profet hna le litin thiam hna kha i hlenter hna hlah u, mangmanh nan fialmi hna mifim kha an bia ngaihpiak hna hlah u.

JEREMIAH 28:15

Cun Jeremiah nih Hananiah cu a thawh i, “Hananiah, ngaihmanh! Nang cu Bawipa nih an thlahmi na si lo i lihbia kha hi miphun hi na bochanter hna.

JEREMIAH 23:17

Bawipa bia zei ah a rel lomi kha an thawh hna i, ‘Khuaawng na tong lai,’ an ti hna; An lung a khonning cio in a kalmi hna kha an thawh hna i ‘Na cungah vanchiatnak a tlung lai lo,’ an ti hna.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 14:13

Cun kei nih kaa thawh i, “Maw Bawipa Pathian, profet nih an thawh hna i, ‘Vainam nan tong lai lo, mangṭam zong nan ing lai lo, hi hmun ah hin daihnak cu kan pek hrimhrim hna lai,’ a ti, tiah an ti hna,” ka ti.

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 8:11

Ka mi hna cu an hma kha an menpiak ko hna, sihmanhsehlaw a parpavuan lawng a si, ‘A ṭha dih ko lai,’ an ti, A ṭha dih ko lai? Zei cu dah a ṭha dih ko hnga?

JEREMIAH 6:14

Ka mi hna cu, an hma kha an menpiak ko hna, Sihmanhsehlaw a leng parpavuan lawng in a si; ‘A dam ko lai,’ an ti, zeidah a dam ko lai? Zeihmanh a dam lai lo!

ISAIAH 46:5

“Aho he dah nan ka tahchunh lai?” tiah Bawipa nih a ti. Keimah bantuk aho tal a dang an um maw?

ISAIAH 44:9

Siasal a sermi hna cu pakpalawng an si i a sung tuk hringhran ah an ruahmi an pathian hna cu santlailo an si. Hi pathian a biami hna cu mitcaw le mihrut an si i ningzahnak an ing lai.

JOB 21:34

Cucaah hnemhnak nan ka chimhmi hi, zeitluk in dah pakpalawng a si? Nan chimmi hi lih lawngte an si!” tiah a ti.

JOB 13:4

Nannih nih biatak cu lih in a lenglei kha nan nalh tawn, Nannih cu nan dihlak in lih ṭawn hmangmi nan si.

1 SIANGPAHRANG 22:17

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

BIACEIHTU 18:14

Cun Laish ram ngiat awkah a hung kalmi, mi panga hna nih khan an unau hna cu, “Hi inn hna chungah hin tlangbawi angki le milem tete hna le suaimi milem le thletmi milem an um kha nan hngal maw? Cucaah zeidah nan tuah lai kha ruat tuah u,” tiah an ti hna.

NAMBAR 27:17

an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.

MARKA 6:34

Jesuh cu lawng chung khan a hung chuak i mi cu vialte a hmuh hna tikah khan a zaang an fak ngaingai, zeicahtiah khaltu a ngei lomi tuu bantuk an si. Cucaah thil tampi a cawnpiak hna.

JEREMIAH 23:32

Lih kha mang i a manh i a zuar ṭhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an ṭhathnem hna lai lo. Mah hihi Bawipa bia hrimhrim a si.

ZEKHARIAH 11:17

A tuu a zamtakmi tuukhal, zeiruaramlo cu a caah ngaihchia a va si dah! A baan cungah le a orhlei mit ah vainam nih a tlak lai; A baan cu a car lai i a orhlei mit cu a caw lai.

DEUTERONOMI 13:2

an in chimhmi hna hmelchunhnak cu siseh khuaruahharnak cu siseh a hung tlin i, nan hngalh lomi pathian hna cu, ‘Kannih nih hi pathian dang hi zul hna u sih law, bia hna u sih,’ tiah an chim ahcun,

ISAIAH 41:29

Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

JEREMIAH 27:10

An in chimhmi hna cu lih a si; cucaah nannih nih nan ngaih ahcun nan ram in a hlat ngaingaimi ram ah kalpi nan si lai i keimah nih kan ṭhawl hna lai i nan thi lai.

JEREMIAH 27:14

Babilon siangpahrang kut tang um cu duh hlah, tiin an titu profet hna cu an bia ngai hna hlah, zeicahtiah an in chimhmi cu lih a si.