ZEKHARIAH 10:10 - Lai (Hakha) Common Language Bible 2006

¹⁰ Khi tikah Izipt ram in ka lak hna lai i Assiria ram in ka pumh hna lai; Gilead ram le Lebanon ah ka luhpi hna lai, an ca i hmun a um ti lo tiangin.

ZEKHARIAH 10:10 Խաչաձեւ Հղումներ

HOSEA 11:11

Khulrang in an ra lai, va zuan in Izipt ram in an hung zuang lai i laileng bantukin Assiria ram in an rung zuang lai; Cun an inn cio ah khan khua ka sakter hna lai. Hihi Bawipa bia hrimhrim a si.

ZEKHARIAH 8:7

Hihi ralkapbu Bawipa bia a si:

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

OBADIAH 1:20

Israel mi saltangmi hna nih khan Kanaan ram kha Zarefath tiang an co lai, Jerusalem mi saltangmi hna nih khan Negeb ram i khua kha an co hna lai.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.

JEREMIAH 22:6

Zeicahtiah Judah siangpahrang inn kong ah Bawipa nih hi bangin a ti: Nangmah cu ka caah Gilead bantuk le Lebanon tlangpar bantukin i dawh hmanh law, Ahohmanh an um lonak hmun thetse ram ah kan canter lai.

ISAIAH 60:22

Nan innchungkhar hna lak i a hme bik le santlailo bik hna hmanh kha a ṭhawngmi miphun tluk ah an i cang lai. Amah le a caan te ah hi thil cu khulrang in ka umter lai. Keimah cu Bawipa ka si,” a ti.

ZEKHARIAH 8:8

“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.