ZEKHARIAH 1:21 - Lai (Hakha) Common Language Bible 2006

²¹ Annih cu zei tuah awkah dah an rat ti kha ka hal i, “Khi ki hna nih khin Judah le Jerusalem cu ṭhalo tuk in an ṭhio hna caah ahohmanh nih an lu an tung kho ti lo. Sihmanhsehlaw hi soser pali hna nih hin annih cu an fonh ṭhan hna lai i Judah ram le a chung i a ummi minung a dohtu hna miphun hna ki kha an hlonh hna lai, cu tuah awkah cun an ra,” tiah a ti.

ZEKHARIAH 1:21 Խաչաձեւ Հղումներ

ṬAHNAK HLA 2:17

Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

SALM 75:10

Miṭhalo mi hna ṭhawnnak cu a hrawh lai, sihmanhsehlaw miding mi ṭhawnnak kha cu a karh chin lai.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

SALM 83:2

Zohhmanh, na ral cu an cawl an cang i nangmah an huatu cu nangmah doh awkah an i tim len ko.