ZEKHARIAH 1:14 - Lai (Hakha) Common Language Bible 2006

¹⁴ Va thanh tuah, hihi Bawipa bia a si: Jerusalem le Zion hi ka ham ngaingai hna;

ZEKHARIAH 1:14 Խաչաձեւ Հղումներ

ISAIAH 37:32

Ralkapbu Bawipa nih hi cu a tlinter hrimhrim lai caah Jerusalem khua le Zion Tlang ah a tangmi cu an um lai,” a ti.

ISAIAH 38:22

Cun Siangpahrang Hezekiah nih cun, “Biakinn ah ka kal kho ṭhan lai tinak ah zei hmelchunhnak dah a um lai?” tiah a ti.

ISAIAH 40:1

“Hnem tuah hna u, ka mi hna cu hnem tuah hna u,” tiah nan Pathian nih a ti.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 40:6

Aw pakhat nih, “Thanh tuah,” tiah a ti. Kei nih, “Zeidah ka thanh lai?” tiah ka leh. “Minung vialte hi ram bantuk men an si, ramlak pangpar nakin an chan a sau hlei lo.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

ISAIAH 59:17

Dinnak cu thir angki bantukin aa hruk lai i teinak cu lukhuh bantukin aa khuh lai. Thil ahmaan in tuah duhnak le mi cungah ṭhat lonak a tuahtu hna teirul cham le dantat duhnak kha puan bantukin aa aih lai.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

EZEKIEL 36:5

Hihi Bawipa Pathian bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

JOEL 2:18

Khi tikah Bawipa nih a ram kha a zawn a ruah i a mi hna cungah zaangfahnak a ngeih kha a langhter.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

ZEKHARIAH 1:13

Khi tikah Bawipa nih a ka chawntu vancungmi sinah cun bianem le hnemhnak bia a chim i vancungmi nih cun a ka thawh i,

ZEKHARIAH 1:17

Ralkapbu Bawipa bia cu mah hihi a si kha voi khat in chim ṭhan rih tuah: Ka khuapi hna cu thil ṭhaṭha in an khat ṭhan lai; Zion cu Bawipa nih a hnemh ṭhan lai, Jerusalem cu aa thimmi khua ah a ser ṭhan lai.

ZEKHARIAH 1:9

“Mah hihi zei dah an si, bawipa?” tiah ka ti i bia a ka ruahtu vancungmi nih khan a ka leh i, “Zeidah an si kha kan hmuhsak lai,” a ka ti.

ZEKHARIAH 4:1

Bia a ka ruahtu vancungmi kha a ra kir ṭhan i i hngilhnak i vun hlauh bantuk khin a ka hlauh.