ZEFANIAH 3:5 - Lai (Hakha) Common Language Bible 2006

⁵ Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.

ZEFANIAH 3:5 Խաչաձեւ Հղումներ

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

ṬAHNAK HLA 3:23

Zing fate in an thar lengmang, Zumhtlak a sinak cu a lianngan hringhran.

SALM 145:17

Bawipa cu thil a tuahnak paoh ah hin ding tein a tuahmi a si, rian a ṭuannak paoh ah hin zaangfahnak a ngeimi a si.

ZEFANIAH 3:15

Bawipa nih nangmah an dohtu hna kha an ṭhawlpiak cang i Na ral kha a dawi cang hna; Bawipa Israel siangpahrang cu nan lakah a um i Rawhralnak kha na ṭih awk zeihmanh a um ti lo.

ISAIAH 28:19

Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih ṭihnak thar an rak i ratpi lai.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

DEUTERONOMI 23:14

Bawipa nan Pathian cu nanmah kha khamh awk le nan ral hna kha nan kut chungah pek awkah nan riahhmun chungah aa chawh caah, nan lakah a thurhnawmmi thil zeihmanh a hmuh i an mertak hna nakhnga lo, nan riahhmun cu a thianhlim awk a si.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

ROM 3:26

cun atu caan ah cun Pathian ding a si kha aa langhter i Jesuh Khrih a zummi paoh kha a luatter hna.

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

JOB 34:10

“Cucaah ka bia thei tuah u, nannih hngalhthiamnak a ngeimi hna, Pathian nih cun ṭhat lonak a tuah naisai lai lo i Lianngan Bik nih cun palhnak a tuah naisai lai lo.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

LUKA 12:2

Khuhmi thil paoh hi hun an si dih lai i biathli paohpaoh hi hngalh an si dih lai.

ZEFANIAH 2:1

I pum tuah u, ningzah hngal lomi miphun, i pum tuah u, Lamhlatpi ah ṭhawl nan si i favai bangin nan loh hlan le

HABAKKUK 1:3

Zeicahdah ṭhat lonak hi vialte hi na ka hmuhter i mi nih fahnak an inmi cu na zoh sawhsawh men ko? Rawhralnak le zaang-ennak nih an ka chuahhnawh, Remlonak kha a chuak i siknak kha a tam.

MIKAH 7:9

Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

EZEKIEL 48:35

Khuapi velchum cu dong sang khat le thong riat a si lai i cu caan thawk in khuapi cu a min ah Bawipa Umnak Hmun ti a si lai.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

JEREMIAH 6:15

Annih nih hi fihnung a simi thil hna kha an tuah tikah an ning a zak maw? Zak hlah ee, an ning a zak hrimhrim lo; hmaisen zong kha an hngal lo. Cucaah a tlumi hna sinah an tlu ve lai; dan ka tat hna tikah an dih lai, tiah Bawipa nih a ti.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

ISAIAH 33:2

Bawipa, kan zaangfah ko sawh. Kan i bochanmi cu nangmah na si. Ni khat hnu ni khat kan huppheng ko law harnak caan ah kan khamh tuah.

JOB 8:3

Pathian nih biading cu a merh bal maw? Asiloah, Lianngan Bik nih a dikmi cu a merh bal maw?

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

JOB 7:18

Zingfate in na veh i zeitik paoh ah na hneksak lengmang?

SALM 92:15

Hi nih hin Bawipa cu a ding ti le a ka chanhtu ka lungpi chungah cun palhnak zeihmanh a um lo, ti kha a langhter.

EZEKIEL 18:25

Bawipa nih zulhmi phunglam ngei setsai lo in rian a ṭuan, nan ti. Israel mi hna ngai hmanh u, phunglam ngei loin a tuahtu cu nanmah nan si, keimah ka si lo.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

ZEFANIAH 3:13

Israel mi chungin a tangmi hna nih khan ahohmanh nih ṭhat lonak an tuah lai lo, lih zong an chim lai lo, hlennak bia kha an hmur in a chuak ti lai lo. Cun dai tein ramhring lakah khan an tlong lai i ahohmanh nih thinphang in an umter ti hna lai lo.

HOSEA 6:5

Cucaah nan cung i biaceihnak bia le rawhralnak bia a chimtu ka profet cu kan thlahhnawh hna. Ka mi nih tuah hna seh tiah kan duhmi hna cu a fiang i a tliang ko: