ZEFANIAH 3:20 - Lai (Hakha) Common Language Bible 2006

²⁰ Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

ZEFANIAH 3:20 Խաչաձեւ Հղումներ

SALM 35:6

An lam cu mui in nal seh law Bawipa vancungmi nih cun deng len hna seh.

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

ISAIAH 56:8

Saltannak chungin a mi Israel mi a chuahpitu hna Bawipa Pathian nih, anmah he fonh awkah midang kha ka ratpi rih hna lai, tiah bia aa kam.

ISAIAH 60:15

“Hlawt na si ti lai lo i huat na si ti lai lo. Ṭiaotakmi khua, khua rop na si ti lai lo. Khua lianngan le khua dawh ah kan ser lai i. zungzal in zungzal tiang lawmhnak hmun ah kan ser lai.

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

ISAIAH 62:7

Jerusalem cu ka remh ṭhan i vawleicung dihlak nih an thangṭhatmi khua i ka ser hlantiang, a dinh in ka dinhter hna lai lo.

ISAIAH 66:22

“Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

JEREMIAH 23:3

Ka tuu a tangmi hna cu ka dawinak hna ram kip khan keimah hrimhrim nih ka pumh ṭhan hna lai. Anmah le an inn cio ah ka ṭinpi ṭhan hna lai i an pungzam lai i an karhcho lai.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

EZEKIEL 16:53

“Sihmanhsehlaw Sodom le a fanule hna le Samaria le a fanule hna kha an van ṭhatnak cu ka pek ṭhan hna lai i cu caan ah cun nangmah zong na van ṭhatnak kha kan pek ṭhan ve lai.

EZEKIEL 28:25

Mah hihi Bawipa Pathian bia an si: Israel mi hna cu an i ṭheknak miphun hna chungin ka pumh ṭhan hna tikah, cu thawng cun miphun hna mithmuh ah ka thiannak kha ka langhter lai. Ka sal Jakob ka rak pekmi, an vawlei te ah khan khua an sa lai.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

EZEKIEL 37:12

Cucaah annih cu chim hna law, hihi Bawipa Pathian bia an si, tiah chim hna: Maw ka mi hna, nan thlan cu ka hun hna lai i an chung khan kan chuah hna lai i Israel ram ah kan kirter hna lai.

EZEKIEL 37:21

annih cu na thawh hna lai i Bawipa Pathian nih hi bangin a ti, na ti hna lai, Israel mi cu ṭhek an sinak miphun hna chung khan ka lak hna lai i ram kip chung khan ka pumh hna lai i anmahle an hmunte ah khan ka chiah hna lai.

EZEKIEL 39:13

cu vuinak ah cun mi vialte nih khan an ṭuan awk hnga kha an ṭuan cio lai. Upatnak ka hmuh ni cu an caah philh lo awk ni a si lai, hihi Bawipa Pathian bia hrimhrim a si.

EZEKIEL 39:28

Miphun dang hna lak i sal i tan awk i a kaltertu hna keimah nih pakhat hmanh hnulei ah kaltak loin anmah an vawlei ah khan ka pumh ṭhan hna lai caah keimah cu Bawipa an Pathian ka si kha an ka hngalh lai.

JOEL 3:1

“Khi caan ah Judah le Jerusalem cu an vanṭhatnak kha ka pek ṭhan hna lai

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

MIKAH 2:12

“Sihmanhsehlaw nannih Israel mi a tangmi vialte cu hmunkhat ah kan pumh hna lai. Tuukawm kawm khat chung i a ummi bantuk le tlonnak pakhat chung i a tlongmi tuu bantukin hmunkhat ah kan pumh hna lai i, Nan ram ah cun mi tampi thawngpang a leng lai,” a ti.

MIKAH 4:7

A tlaumi kha a tangmi bantukin ka kilkawi hna lai i Zohkhenh ti lomi kha a ṭhawngmi miphun ah ka ser hna lai, tiah Bawipa nih a ti. Bawipa cu Zion tlang cungah atu le zungzal in an siangpahrang a si lai.

ZEFANIAH 2:7

Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

ZEFANIAH 3:19

Khi caan a phak tikah, zohhmanh, Nangmah an hremtu vialte hna kha keimah nih ka tongh hna lai. A beimi kha ka chanh hna lai i a ṭhekmi kha ka pumh hna lai; Ka mi hna cu hmasa i zawmhtaih an rak sinak ram paohpaoh ah khan thangṭhatnak le minthannak ka hmuhter ṭhan hna lai.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

ZEKHARIAH 8:8

“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

MALAKHI 3:12

Nan ram cu dawtmi ram a si lai caah, miphun vialte nih lunglawmmi an in ti hna lai, tiah ralkapbu Bawipa nih a ti.

DEUTERONOMI 26:18

Cun Bawipa nih nihin ah nannih kongah hi bangin a thanh cang: ‘Bia kan kam cang hna bantukin nannih cu keimah ca hrimhrim i miphun nan si, cun ka nawlbia vialte kha nan ulh awk a si,

DEUTERONOMI 26:19

cun ka sermi miphun vialte hna cungah thangṭhatnak le minthannak le upatnak ah kan chiah hna lai i, ka chim cang bangin nannih cu Bawipa nan Pathian caah a thiangmi miphun nan si lai,’ a ti,” tiah a ti.