ZEFANIAH 2:5 - Lai (Hakha) Common Language Bible 2006

⁵ Rili kam ram i khua a sami Kereth miphun hna, ngai tuah u, Bawipa bia cu nanmah ralchanh in chim a si cang; Filistin mi hna, nan ram cu ka tei lai i ka hrawh cikcek lai i a chungah ahohmanh um loin ka tuah lai;

ZEFANIAH 2:5 Խաչաձեւ Հղումներ

EZEKIEL 25:16

Filistin mi hna cungah ka kut ka samh lai, tiah Bawipa nih a ti; Kereth mi cu ka hloh hna lai i rili kam i a ummi a dang vialte cu ka hrawh hna lai.

JEREMIAH 47:7

Sihmanhsehlaw zeitindah rianṭuan awk ka pek tikah hin aa dinh khawh lai? Amah cu Ashkelon khua i a ummi hna le rili kam i a ummi hna kha tuk awkah nawl ka pek cang, tiah a ti.

AMOS 3:1

Nannih Israel mi hna, Bawipa, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

JOSHUA 13:3

(Izipt nichuahlei i a ummi Shihor in chaklei ah Ekron ramri tiang, mah cucu Kanaan mi ram ah rel a si; cun Filistin bawi panga an um, Gaza i le Ashdod i le Ashkelon i le Gath i le Ekron i hna cu an si),

MARKA 12:12

Judah upa pawl nih khan, hi bianabia cu kanmah a kan chimhnawhchan ti kha an hngalh caah Jesuh cu tlaih an timh, sihmanhsehlaw mizapi kha an ṭih hna caah an kaltak.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

ZEFANIAH 3:6

Miphun cu ka hloh cang hna, an khuapi cu ka hrawh hna i an kulhnak vampang hna le innsang hna cu an tlu dih. An khualak lam hna cu ahohmanh an i chawh ti lonak thetse ram ah ka ser cang. An khuapi cu an rawk cang, chuahtak an si cang, mi an um ti lo.

AMOS 5:1

Maw Israel, ṭah hla kan lawhmi hi ngai tuah:

ISAIAH 14:30

Bawipa cu a mi hna lak i sifakmi hna caah tuukhal a si lai i him tein a umter hna lai. Sihmanhsehlaw nannih Filistin mi cungah cun mangṭam a tlunter lai i pakhat hmanh cu mangṭam nih cun a nung in an zuahmi hna nan um lai lo.

BIACEIHTU 3:3

Cu miphun hna cu mah hihi an si: Filistin mi hna bawi panga le Kanaan mi vialte le Sidon mi hna le Lebanon Tlang i a ummi Hiv mi hna, Baal-hermon Tlang in Hamath luhnak tiang.

1 SAMUEL 30:14

Khereth mi hna Negeb le Judah ta a simi le Kaleb i a Negeb kha kan hranh hna i Ziklag kha mei in kan khangh,” tiah a ti.

ISAIAH 14:29

Filistia ram mi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a ṭha lo deuh chinmi kha a airawltu ah a hung um tawn. Rul ti chungin, a zuangmi rul kha a keuh.

ZEFANIAH 1:11

Cun khua taw i a ummi hna cu an ṭap an kiao lai, Zeicahtiah chawlet chawhrawl vialte cu an dih cang i Ngun in chaw aa caw aa zuarhmi vialte hna kha an lo cang, tiah Bawipa nih a ti.

JOSHUA 13:2

Mah hihi a tang rihmi ram cu a si; Filistin mi hna ram a dihlak le Geshur mi ram a dihlak.