ZEFANIAH 2:14 - Lai (Hakha) Common Language Bible 2006

¹⁴ Khika ah saṭil run le ramlak saram vialte kha an bawk lai. Chimbu ki ngei le langta nih a tung ngan pipi par ah cun bu an ser lai, Chimbu pawl cu thlalangawng in an awn lai i langta cu innleng ah an dir lai.

ZEFANIAH 2:14 Խաչաձեւ Հղումներ

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

JEREMIAH 22:14

‘Keimah caah inn nganpi pakhat ka sak lai i Cungdot khaan kau pipi ka ser hna lai, Thlalangawng ka ser hna lai, Sidar thing in ka ṭamh lai i si sen ka thuh lai,’ a timi cu A cungah ningzahnak tlung ko seh.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ZEFANIAH 2:6

Cun nang Kereth cu, tuukhal hna thlam le tuu riahnak hmun ah na cang dih lai;

SALM 102:6

Thetse ram i a ummi va bantuk khi ka si, chuahtakmi khua rop i chimbu bantuk ka si.